03:24 21 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Նիկոլ Փաշինյան

Փաշինյանի «Քաղաքացիական պայմանագիրը» Հայաստանում իսկական ընդդիմություն կծնի. Քոչարյան

© Sputnik / Asatur Yesayants.
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (357)
242 0 0

Պնդումներն այն մասին, որ Հայաստանի ապագա խորհրդարանում ընդդիմություն չի լինի, սխալ են, կարծում է քաղտեխնոլոգ Կարեն Քոչարյանը։

ԵՐԵՎԱՆ, 11 դեկտեմբերի — Sputnik. Իսկական ընդդիմություն կծնվի ՀՀ վարչապետի պաշտոնակատար Նիկոլ Փաշինյանի «Քաղաքացիական պայմանագիր» կուսակցության ներսում։ Լրագրողների հետ զրույցում նման կարծիք հայտնեց քաղտեխնոլոգ Կարեն Քոչարյանը։

Քաղտեխնոլոգը համաձայն չէ այն պնդումների հետ, որ ապագա խորհրդարանում ընդդիմություն չի լինելու։ Նա կարծում է, որ քաղաքացիները պարզապես սխալ են ընկալում այդ հասկացությունը։

«Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը։ Սա է հենց քաղաքական ընդդիմությունը։ Ասել, որ «Բարգավաճ Հայաստան» և «Լուսավոր Հայաստան» կուսակցությունները ընդդիմություն չեն, սխալ է», – համոզված է Քոչարյանը։

Նրա կարծիքով` արտախորհրդարանական ընդդիմությունն ավելի ռադիկալ կլինի։ Ըստ ամենայնի, այդ տեղը կզբաղեցնի ՀՀԿ–ն։ Որոշ հարցերի վերաբերյալ խիստ դիրքորոշում կունենա նաև ՀՅԴ–ն։ Բացի այդ, ընդդիմադիր ուղղությամբ որոշակի քայլեր է փորձում ձեռնարկել նաև «Սասնա ծռեր» կուսակցությունը։

Քաղտեխնոլոգը հիշեցրեց` եթե վստահենք «Քաղաքացիական պայմանագրի» նիստից եկած տեղեկատվության «արտահոսքին», կառավարությունում նոր կադրեր կլինեն։

«Սա «խանդի տեսարանների» կհանգեցնի «Քաղաքացիական պայմանագրի» ներսում։ Մարդիկ միշտ չէ, որ կարողանում են զսպել իրենց ամբիցիաները, և դա ամենուր այդպես է։ Այդպիսով` իսկական ընդդիմություն կծնվի հենց «Քաղաքացիական պայմանագրի» ներսում», – համոզված է քաղտեխնոլոգը։

Քոչարյանի կարծիքով` ընտրությունների արդյունքները կանխատեսելի էին, փորձագետների մեծ մասը սպասում էր, որ խորհրդարան կանցնի ԲՀԿ–ն, բավական բարձր էին գնահատում նաև «Լուսավոր Հայաստանի» շանսերը, քաղտեխնոլոգն անձամբ հավանական էր համարում, որ խորհրդարան կանցնի նաև նախկին իշխանական կուսակցությունը` ՀՀԿ–ն։

Նշենք, որ ԿԸՀ–ի նախնական տվյալներով, ԱԺ արտահերթ ընտրության քվեարկությանը մասնակցել են 1 միլիոն 260 հազար 840 քաղաքացի կամ ընտրողների 48.63%–ը։ Հայաստանի Հանրապետական կուսակցությունը ստացել է ձայների 4.70%–ը, «Քաղաքացու որոշում» սոցիալ–դեմոկրատական կուսակցությունը` 0.68%–ը, «Հայ Յեղափոխական դաշնակցություն» կուսակցությունը` 3.89%–ը, «Իմ քայլը» դաշինքը` 70.43%–ը, «Լուսավոր Հայաստան» կուսակցությունը` 6.37%–ը, «Քրիստոնեա-ժողովրդական վերածնունդ» կուսակցությունը` 0.51%–ը, «Ազգային առաջընթաց» կուսակցությունը` 0.33%–ը, «Մենք» դաշինքը` 2. 00%–ը, «Օրինաց երկիր» կուսակցությունը` 0.99%, «Սասնա ծռեր» համահայկական կուսակցությունը` 1.82%–ը, «Բարգավաճ Հայաստան» կուսակցությունը` 8.27%–ը։

թեմա:
ԱԺ արտահերթ ընտրություններ 2018 (357)

Ըստ թեմայի

«Գեներալ-գուբերնատորը», մարզպետն ու նախկին քաղաքապետը. ովքե՞ր են Գյումրվա ռեյտինգայինները
Անհամբեր սպասում ենք. ԵՄ–ի հայտարարությունը` Հայաստանի ընտրությունների վերաբերյալ
Խորհրդարանական ընտրությունները մրցունակ էին. Վաշինգտոնը շնորհավորել է Երևանին
թեգերը:
«Քաղաքացիական պայմանագիր» կուսակցություն, Հայաստան

Գլխավոր թեմաներ