10:06 22 մայիսի 2019
Ուղիղ եթեր
  • USD479.60
  • GBP608.80
  • EUR534.80
  • RUB7.44
Երևանում տեղի է ունեցել ակցիա` ի պաշտպանություն նախկին նախագահի

Ազատ արձակել Քոչարյանին. Երևանում տեղի է ունեցել ակցիա` ի պաշտպանություն նախկին նախագահի

© Sputnik / Asatur Yesayants.
Քաղաքականություն
Ստանալ կարճ հղումը
«Մարտի 1»-ի գործը (199)
60333

Ցույցի նախաձեռնողները պահանջում են կալանքից ազատել ՀՀ երկրորդ նախագահ Ռոբերտ Քոչարյանին։

ԵՐԵՎԱՆ, 11 դեկտեմբերի — Sputnik. Տասնյակ մարդիկ հավաքվել են Հայաստանի Գլխավոր դատախազության շենքի մոտ` պահանջելով կալանքից ազատել Հայաստանի երկրորդ նախագահ Ռոբերտ Քոչարյանին։ Այդ մասին հաղորդում է Sputnik Արմենիայի թղթակիցը իրադարձությունների վայրից։

Հիշեցնենք` ՀՀ երկրորդ նախագահ Ռոբերտ Քոչարյանին կրկին կալանավորել են դեկտեմբերի 7-ին։

Ավելի վաղ «Ազատություն նախագահին» նախաձեռնող խումբը հայտարարություն էր տարածել այն մասին, որ դեկտեմբերի 11–ը հայտարարվում է բողոքի ցույցեր սկսելու օր` ի պաշտպանություն Քոչարյանի։

Այսօրվա ակցիայի կազմակերպիչներից մեկը` Արմեն Մինասյանը, ելույթ ունենալով ցուցարարների առաջ, պահանջեց ազատ արձակել նախկին նախագահին։ Նա մեղադրեց իշխանություններին արցախյան պատերազմի հերոսներին դիտավորյալ վարկաբեկելու մեջ։

«Իշխանությունները ստեղծում են վախի մթնոլորտ, մարդիկ վախենում են զրպարտությունից, ուստի շատերը հրաժարվել են մասնակցել ցույցին», – ասաց Մինասյանը։

Նոյեմբերի 27-ից Վերաքննիչ դատարանում քննվում էր Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ նրա պաշտպանների բողոքը։ Ավելի վաղ Վճռաբեկ դատարանը նույն հիմքով բողոքի հիման վրա որոշում էր կայացրել գործն ուղարկել լրացուցիչ քննության։ Առաջին ատյանի դատարանը Ռոբերտ Քոչարյանին կալանավորելու միջնորդությունը բավարարել էր, իսկ Վերաքննիչ դատարանը Քոչարյանին ճանաչել էր անձեռնմխելի և ազատել կալանքից: Ավելի ուշ քրեական գործի նախաքննությունը վարող ՀՔԾ քննիչը որոշում է կայացրել Ռոբերտ Քոչարյանի նկատմամբ խափանման միջոց ընտրել ստորագրությունը չհեռանալու մասին:

ՀՀ 2–րդ նախագահ Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել «Մարտի 1»-ի գործով վկայի կարգավիճակով՝ հարցաքննության։ Նույն օրը նրան մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը։

թեմա:
«Մարտի 1»-ի գործը (199)

Ըստ թեմայի

Սողոմոնյան. «Ռոբերտ Քոչարյանը կրկին հայտնվելու է ազատության մեջ»
Քոչարյանի փաստաբանը խոստացավ հրապարակել Մարտի 1-ի աղմկահարույց հրամանը
Կալանքի հիմք չկա. Քոչարյանի փաստաբանները կդիմեն ՄԻԵԴ
Քոչարյանը ԱԱԾ հարևանությամբ «Կենտրոն Երևան» ՔԿՀ շենքում է
«Կալանքի ընտրությունը՝ որպես ցուցմունք կորզելու միջոց». ՀՀԿ-ն հայտարարություն է տարածել
թեգերը:
Ռոբերտ Քոչարյան

Գլխավոր թեմաներ