16:51 22 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
ԱԺ նիստերի դահլիճը

Խորհրդարանո՞ւմ, թե՞ նրա պատերից այն կողմ. որտե՞ղ կծնվի հայկական ընդդիմությունը

© Sputnik / Asatur Yesayants
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (357)
119 0 0

Իրական ընդդիմություն կարող է ձևավորվել ոչ միայն Ազգային ժողովի պատերի ներսում, այլ նաև արտախորհրդարանական ուժերի հաշվին։

ԵՐԵՎԱՆ, 13 դեկտեմբերի — Sputnik. Քաղաքական իրավիճակի փոփոխությունը կարող է հանգեցնել նրան, որ ԲՀԿ–ն և «Լուսավոր Հայաստանը» կարող են վերածվել «Իմ քայլը» դաշինքի իրական ընդդիմության: Այդ մասին Sputnik Արմենիային ասաց քաղտեխնոլոգ Վիգեն Հակոբյանը։

Նրա խոսքով` «Բարգավաճ Հայաստան» և «Լուսավոր Հայաստան» կուսակցությունները, օրենսդրության համաձայն, խորհրդարանի աշխատանքի սկզբից պետք է ներկայանան որպես ընդդիմություն։

«Մեկ այլ հարց է, թե դե ֆակտո նրանք որքանով կլինեն ընդդիմություն։ Ես համաձայն եմ նրա հետ, որ այս խորհրդարանը հիմա չունի ուժեղ ընդդիմություն։ Դա կարող է մեծ թերություն լինել», – ասաց Հակոբյանը։

Ոչ բոլոր իշխանություններն են ցանկանում ունենալ ուժեղ ընդդիմություն, Հայաստանում սովորաբար այն նախընտրել է հարմարավետ ընդդիմադիրների։ Տվյալ փուլում և այս իրավիճակում խորհրդարանում ներկայացված են հասարակական տրամադրությունները։

«Բայց քաղաքական իրավիճակը փոխվում է։ Ուժերը, որոնք այսօր աջակցում են իշխանությանը, արտաքին քաղաքական իրադրության փոփոխության արդյունքում կարող են փոխել իրենց դիրքորոշումը», – ասաց Հակոբյանը։

Նույն «Բարգավաճ Հայաստանը» երկար ժամանակ չի ցանկացել իրեն ընդդիմություն անվանել, բայց 2015թ–ին մի պահ հայտնվել է արմատական ընդդիմադիր ուժերի կողքին։

Միաժամանակ նա չի բացառում, որ «Իմ քայլը» դաշինքում ժամանակի հետ կարող է ձևավորվել ընդդիմություն։ Հայկական իրականությունում դա բավական հաճախ է պատահում։

Օրինակ, 1990թ–ին ՀՀՇ–ն անցավ իշխանության. մեկ տարի անց Վազգեն Մանուկյանն իր համախոհների հետ դուրս եկավ «շարժումից» և լուրջ ընդդիմություն դարձավ Լևոն Տեր–Պետրոսյանի համար։

«Ես կարծում եմ, որ ներկա իշխանությունները կազմված են բավական տարաբնույթ ուժերից, ինչպես ծագման, քաղաքական հոսանքների տեսանկյունից, այնպես էլ աշխարհաքաղաքական նախապատվությունների։ Ես նման սցենար չեմ բացառում», – նշեց Հակոբյանը։

Նրա խոսքով, եթե խորհրդարանի ներսում չձևավորվի ուժեղ ընդդիմություն, ապա այն կհայտնվի նրա պատերից դուրս։

Կան քաղաքական ուժեր, որոնք մնացել են խորհրդարանից դուրս` ՀՀԿ–ն, Դաշնակցությունը, «Մենք» դաշինքի կուսակցությունները։ ՀՀԿ-ն և Հ.Յ.Դ.-ն բավական փորձառու են, պատմություն ունեն, և հազիվ թե այս ընտրություններից հետո նրանք անհետանան։

«Բացառված չէ, որ երբ ընդդիմադիր դաշտում վակուում է, ապա կհայտնվեն նոր կուսակցություններ։ Ոմանք թույլ կլինեն, ոմանք` ուժեղ։ Բայց ամեն ինչ ընտրություններով չի ավարտվում, կարելի է ասել, որ սկսվում է», – նշեց Հակոբյանը։

Նշենք, որ ԿԸՀ–ի նախնական տվյալներով, ԱԺ արտահերթ ընտրության քվեարկությանը մասնակցել են 1 միլիոն 260 հազար 840 քաղաքացի կամ ընտրողների 48.63%–ը։ Հայաստանի Հանրապետական կուսակցությունը ստացել է ձայների 4.70%–ը, «Քաղաքացու որոշում» սոցիալ–դեմոկրատական կուսակցությունը` 0.68%–ը, «Հայ Յեղափոխական դաշնակցություն» կուսակցությունը` 3.89%–ը, «Իմ քայլը» դաշինքը` 70.43%–ը, «Լուսավոր Հայաստան» կուսակցությունը`  6.37%–ը, «Քրիստոնեա-ժողովրդական վերածնունդ» կուսակցությունը` 0.51%–ը, «Ազգային առաջընթաց» կուսակցությունը` 0.33%–ը, «Մենք» դաշինքը` 2. 00%–ը, «Օրինաց երկիր» կուսակցությունը` 0.99%, «Սասնա ծռեր» համահայկական կուսակցությունը` 1.82%–ը, «Բարգավաճ Հայաստան» կուսակցությունը` 8.27%–ը։

թեմա:
ԱԺ արտահերթ ընտրություններ 2018 (357)

Ըստ թեմայի

Հակոբյան.«Ընտրությունների արդյունքները կանխորոշված էին, դա է պասիվության պատճառներից մեկը»
Զոհրաբյան. «Որտեղ կորոշի Գագիկ Ծառուկյանը, ես այդտեղ կլինեմ»
Դանիելյան. «Վարչապետն անձնապես է պատասխանատու հետագա զարգացումների համար»
Բաբայան. «ԱԺ վերանորոգումը կավարտեն տարեվերջին»
Կարմիր ուղեգորգերը փռված են. Ազգային ժողովում պատրաստվում են դիմավորել նոր պատգամավորներին
թեգերը:
Հայաստանի խորհրդարան (ՀՀ ԱԺ), Ազգային ժողովի ընտրություններ

Գլխավոր թեմաներ