21:39 22 հոկտեմբերի 2019
Ուղիղ եթեր
  • USD475.96
  • GBP615.51
  • EUR530.36
  • RUB7.48
Пресс-секретарь президента РФ Дмитрий Песков во время ежегодной большой пресс-конференции Владимира Путина (20 декабря 2018). Москвa

Ի՞նչ է Պուտինը գրել Ռոբերտ Քոչարյանին ուղղված նամակում. պարզաբանում է ՌԴ նախագահի խոսնակը

© Sputnik / Алексей Дружинин
Քաղաքականություն
Ստանալ կարճ հղումը
226502

Պեսկովը հաստատել է, որ Պուտինը շնորհավորել է Քոչարյանին։

ԵՐԵՎԱՆ, 28 դեկտեմբերի – Sputnik. ՌԴ նախագահի մամուլի քարտուղար Դմիտրի Պեսկովը հաստատել է, որ Վլադիմիր Պուտինը շնորհավորական նամակ է ուղարկել Հայաստանի նախկին նախագահ Ռոբերտ Քոչարյանին։ Այս մասին հայտնում է ՌԻԱ Նովոստին։

«Ճիշտ է (շնորհավորել է), ... (նամակում) Նոր տարվա շնորհավորանք էր և լավագույն մաղթանքներ», – ասել է Պեսկովը լրագրողներին` պատասխանելով համապատասխան հարցին։

Ավելի վաղ Պեսկովը հայտնել էր, որ Պուտինին ու Քոչարյանին երկար տարիների բարի հարաբերություններ են կապում, «որոնք Հայաստանում տեղի ունեցող որևէ իրադարձությունների ազդեցության չեն ենթարկվում»։

ՀՀ երկրորդ նախագահի գրասենյակն այսօր հայտնել էր, որ ՌԴ նախագահ Վլադիմիր Պուտինը շնորհավորել է Ռոբերտ Քոչարյանին Նոր տարվա և Սուրբ ծննդի կապակցությամբ։

«Ջերմորեն շնորհավորելով պաշտոնաթող նախագահին` Պուտինը Քոչարյանին քաջառողջություն, ոգու ամրություն և տոկունություն է մաղթել»,– նշված էր հայտարարության մեջ։

Հիշեցնենք` ՀՀ 2–րդ նախագահ Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել «Մարտի 1»-ի գործով վկայի կարգավիճակով՝ հարցաքննության։ Նույն օրը նրան մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը։

Քննչական մարմինը Քոչարյանի նկատմամբ խափանման միջոց էր ընտրել կալանավորումը։

Առաջին ատյանի դատարանը Ռոբերտ Քոչարյանին կալանավորելու միջնորդությունը բավարարել էր, իսկ Վերաքննիչ դատարանը Քոչարյանին ճանաչել էր անձեռնմխելի և ազատել կալանքից:

Ըստ թեմայի

«Թավշյա» 2018-ը․ հեռացող տարվա նշանակալի իրադարձությունները Հայաստանում
Ոտքի՛, դատարանն է գալիս. նոր Հայաստանի ամենաաղմկահարույց ձերբակալություններն ու կալանքները
Թաթոյան. «Ռոբերտ Քոչարյանը որևէ դժգոհություն չի հայտնել ՔԿՀ ծառայողների վերաբերմունքից»
թեգերը:
Ռոբերտ Քոչարյան, Վլադիմիր Պուտին, Ռուսաստան, Հայաստան

Գլխավոր թեմաներ