04:02 20 մարտի 2019
Ուղիղ եթեր
  • USD486.27
  • GBP645.47
  • EUR552.06
  • RUB7.57
Ալեն Սիմոնյան

«Եղել է քննարկում նաև ԱԺ երրորդ փոխնախագահի հարցի շուրջ». Սիմոնյան

© Sputnik / Asatur Yesayants
Քաղաքականություն
Ստանալ կարճ հղումը
ԱԺ արտահերթ ընտրություններ 2018 (356)
111 0 0

Խորհրդարանում ընթանում է Ազգային ժողովի «Իմ քայլը» խմբակցության նիստը:

ԵՐԵՎԱՆ, 10 հունվարի — Sputnik. Ազգային ժողովում ընթացող «Իմ քայլը» խմբակցության նիստը ընդմիջվեց կարճ ժամանակով:

«Խմբակցության քննարկում է եղել, եղել է հարցուպատասխան, քննարկվել են ներքին օրակարգային  հարցեր»,- ասաց հայտարարված ընդմիջման ընթացքում լրագրողներին մոտեցած Ալեն Սիմոնյանը:

Ըստ նորընտիր պատգամավորի՝ վարչապետի պաշտոնակատար Նիկոլ Փաշինյանը մասնակցել է խմբակցության նիստին, բայց ընդմիջումից հետո պատգամավորները քննարկումները կշարունակեն առանց նրա:

«Խմբակցության հարցերն են քննարկվել: Վարչապետը լսել է խմբակցությանը, խմբակցությունն իր կարծիքն է հայտնել: Կարելի է ասել՝ մտքերի փոխանակում եղավ: Թեմաները, որոնք արծարծվել են, բազմաթիվ են՝ արտաքին, ներքին, ԱԺ աշխատանքին վերաբերող: Քննարկվել է գալիք աշխատանքների տրամաբանությունը և գործելաոճը»,- նշեց Սիմոնյանը:

Պատգամավորի խոսքով՝ հանձնաժողովների նախագահների հարցը չի քննարկվել: Հանձնաժողովների քանակի մասով ևս քննարկում չի եղել:

«Եղել է քննարկում նաև խորհրդարանի ընդդիմադիր փոխնախագահի հարցի շուրջ, բայց որևէ որոշում չկա: Եթե որոշում լինի, կլինի միասնական»,- ասաց նա:

Հարցին, թե թիմի ներսում ինչպիսի՞ մոտեցում կա սուպերվարչապետության հարցի հետ կապված՝ ուժային կառույցները կրկի՞ն վարչապետին են ենթարկվելու, Ալեն Սիմոնյանը պատասխանեց.

«Ես համաձայն չեմ, որ միայն ուժայիններով էր պայմանավորված սուպերվարչապետական լինելը:  Սուպերվարչապետության հետ կապված փոփոխություններ բնականաբար լինելու են, բայց չեն լինելու շատ կտրուկ: Այսինքն՝ պետք չէ սպասել, որ հենց առաջին նիստին մենք սկսելու ենք փոփոխություններ անել, բայց քաղաքական կամքը, որոշումը կա, որ այդ համակարգից, որը ժամանակին պարոն Փաշինյանը նույնպես քննադատել է, լիազորությունները կամաց-կամաց կփոխվեն»:

Նա նաև տեղեկացրեց, որ ընդմիջումից հետո հավանաբար կլինի պատգամավորների սենյակների վիճակահանությունը:

թեմա:
ԱԺ արտահերթ ընտրություններ 2018 (356)

Ըստ թեմայի

Երջանիկ դեմքեր. նոր պատգամավորների մանդատների հանձնման արարողությունը` լուսանկարներով
132 հին ու նոր դեմքեր. նոր պատգամավորները`անուն առ անուն
Ով չի սովորի, շամպայնի խցանի պես դուրս կթռչի. ինչպիսի՞ն կլինի «հետթավշյա» Հայաստանը
Երեխաները՝ որպես օրգանների դոնոր և ավտոշանտաժ. Փաշինյանի պես շատերի ճնշումը կբարձրանա
թեգերը:
ՀՀ Ազգային ժողով

Գլխավոր թեմաներ