01:54 20 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Զոհրաբ Մնացականյան

Արցախը որոշիչ ձայն ունի, բանակցություններում ներգրավելու հարցում դրական դինամիկա կա

© Sputnik / Asatur Yesayants
Քաղաքականություն
Ստանալ կարճ հղումը
279 0 0

ՀՀ–ի ու Արցախի արտգործնախարարները հանդիպել են ու խոսել ղարաբաղյան հակամարտության մասին։

ԵՐԵՎԱՆ, 12 հունվարի – Sputnik. Հունվարի 12-ին Հայաստանի ԱԳ նախարարի պաշտոնակատար Զոհրաբ Մնացականյանը հանդիպել է Արցախի արտգործնախարար Մասիս Մայիլյանի հետ։ Այս մասին հայտնում է ԱԳՆ մամուլի ծառայությունը։

Հայաստանի և Արցախի ԱԳՆ ղեկավարները կարևորել են երկու քաղաքական գերատեսչությունների միջև անցկացվող պարբերական քաղաքական խորհրդակցությունները և արդյունավետ համագործակցությունը տարբեր ոլորտներում:

Զոհրաբ Մնացականյանը և Մասիս Մայիլյանը հանգամանալից մտքեր են փոխանակել ԵԱՀԿ Մինսկի խմբի համանախագահների հովանու ներքո Լեռնային Ղարաբաղի հակամարտության բացառապես խաղաղ կարգավորման գործընթացի շուրջ:

ԱԳ նախարարի պաշտոնակատար Մնացականյանը վերահաստատել է Հայաստանի կառավարության ծրագրում դեռևս նախորդ տարվա մայիսին ԼՂ հիմնահարցի կարգավորման վերաբերյալ արտացոլված սկզբունքները: Նա մասնավորապես ընդգծել է, որ Արցախի կարգավիճակն ու անվտանգությունը Հայաստանի առաջնահերթություններն են, և վերստին շեշտել է խաղաղության գործընթացում Արցախի որոշիչ ձայնի ու ներգրավվածության կարևորությունը:

Զոհրաբ Մնացականյանն ընդգծել է, որ այս դիրքորոշումը քաջածանոթ է հատկապես նրանց, ովքեր Հայաստանի հետ ներգրավված են հանգուցալուծման գործընթացում: Ընդ որում, այս շրջանակներում վերջին ամիսներին անցկացվող հանդիպումներն արձանագրել են դրական դինամիկա:

Նշենք, որ ադրբեջանական լրատվամիջոցների տեղեկատվության համաձայն` երեկ կառավարության ընդլայնված նիստում  Ադրբեջանի նախագահ Իլհամ Ալիևը հայտարարել է, որ ղարաբաղյան հակամարտության կողմերը միայն Ադրբեջանն ու Հայաստանն են։

Հայաստանի արտաքին գերատեսչության ղեկավարը շեշտել է, որ հիմնահարցի հանգուցալուծման համար հարկավոր է հակամարտության բոլոր կողմերի` խաղաղության հասնելու իրական հանձնառությունը: Կարևորվել է լարվածության բացառման, ռիսկերի նվազեցման գործիքների կիրառման և դրանց շարունակական զարգացման ուղղությամբ քայլերի ձեռնարկումը, որոնք բաղկացուցիչ մասն են կազմում խաղաղությանը նպաստող մթնոլորտի ձևավորման համար: Երկուստեք նշվել է, որ ագրեսիվ հռետորաբանության օգտագործումից զերծ մնալը կարող է լավագույնս բնորոշել խաղաղ հանգուցալուծման հանձնառությունը:

Կողմերը ևս մեկ անգամ ընդգծել են, որ խաղաղությունը գերակա է, բայց դա չպետք է շփոթվի վճռականության պակասի հետ:

Հայաստանի և Արցախի արտաքին քաղաքական գերատեսչությունների ղեկավարներն անդրադարձել են առաջիկայում Մինսկի խմբի համանախագահների օրակարգում ներառված միջոցառումներին և կարևորել են դրանց նախօրեին միմյանց միջև մտքերի փոխանակման ձևավորված գործառույթը:

Հանդիպմանն անդրադարձ է եղել նաև Հայաստանի և Արցախի միջև ոլորտային համագործակցությանն ու երկկողմ օրակարգին առնչվող հարցերին:

Ըստ թեմայի

ԱՄՆ–ն Արցախի հարցում ճնշում չի գործադրի Հայաստանի վրա. քաղաքագետ
Արցախի ձայնը որոշիչ է. Մնացականյանը ՀԱՊԿ–ում խոսել է Արցախի մասին
Էրդողանը լուրջ ակնկալիքներ ունի Արցախյան խնդրի կարգավորումից. Հարություն Չաքրյան
թեգերը:
Զոհրաբ Մնացականյան, Հայաստան

Գլխավոր թեմաներ