13:19 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Շարմազանով

«Մեր քննադատության նպատակը գոտկատեղից ներքև հարվածելը չէ». ՀՀԿ նիստի մանրամասները

© Sputnik / Asatur Yesayants
Քաղաքականություն
Ստանալ կարճ հղումը
144 0 0

ՀՀԿ–ի մտահոգությունն է առաջացնում Հայաստանի և Ադրբեջանի ԱԳՆ ղեկավարների հանդիպումը, որի մանրամասները հասարակությանն անհայտ են, իսկ ամփոփիչ հայտարարություններում ոչ մի խոսք չկա կարգավորման սկզբունքների, ժողովուրդների ինքնորոշման իրավունքի մասին։

ԵՐԵՎԱՆ, 18 հունվարի — Sputnik. Հայաստանի Հանրապետական կուսակցության նիստում ուրբաթ քննարկվել են ներքաղաքական խնդիրներ և կազմակերպչական հարցեր։ Հատուկ ուշադրություն է դարձվել Հայաստանի արտաքին քաղաքականությանը։

Այդ մասին լրագրողներին հաղորդեց ՀՀԿ խոսնակ Էդուարդ Շարմազանովը։

«Մենք մտահոգություն ունենք Արցախի և ընդհանուր առմամբ արտաքին քաղաքականության հարցում։ Մենք չենք ասում, որ վարչապետ Նիկոլ Փաշինյանը եկել է ամեն ինչ ձախողելու նպատակով, բայց մենք անհանգստացած ենք իշխանությունների որոշ քայլերով», – նշեց Շարմազանովը։

ՀՀԿ մտահոգությունն են առաջացնում Հայաստանի և Ադրբեջանի ԱԳՆ ղեկավարների հանդիպումները, որոնց մանրամասները հասարակությանը հայտնի չեն, իսկ ամփոփիչ հայտարարություններում ոչ մի խոսք չկա կարգավորման սկզբունքների մասին, ժողովուրդների ինքնորոշման իրավունքի մասին։

«Մենք տեսնում ենք, որ Իլհամ Ալիևը և Էլմար Մամեդյարովն ինչ–որ հույսեր են կապում բանակցություններ հետ։ Մեզ շատ հետաքրքիր է, թե դրանք ինչ հույսեր են։ Հայաստանի իշխանությունները որևէ կոնկրետ գնահատական չեն տալիս։ Հայկական իշխանությունների քաղաքականության արդյունքում մենք կորցնում ենք մեր դիրքերը բանակցային գործընթացում», – հայտարարեց Շարմազանովը։

ՀՀԿ նիստն այսօր անցկացրել է կուսակցության առաջնորդ Սերժ Սարգսյանը։ Շարմազանովի խոսքով` կուսակցության ղեկավարի փոփոխության հարցը չի քննարկվում։ Անձամբ Շարմազանովը կարծում է, որ Սարգսյանը պետք է մնա կուսակցության առաջնորդի պաշտոնում։

«Մեր կուսակցության նախագահն է, մենք ենք ընտրել, պարոն նախագահն ունի և՛ ասելիք, և՛ անելիքը։ Մենք չենք պայքարում որևէ մեկի դեմ, մենք պայքարում ենք հանուն Հայաստանի և Արցախի ազգային շահերի։ Եթե Փաշինյանը պայքարում էր մեր դեմ, մենք պայքարում ենք այն քաղաքականության դեմ, որը չի սպասրակում Հայաստանի և Արցախի անվտանգությանը։ Քննադատում ենք ոչ թե անձերին, այլ քաղաքական գիծը, որի նպատակը արդյունքում ոչ թե գոտկատեղից ներքև հարվածներ հասցնելն է, այլ քննադատությունը լսելի դարձնելն է, որպեսզի անփորձ իշխանությունը, որը 9 ամիսների ընթացքում կուտակել է սխալների պաշար, վերադառնա ճիշտ ուղի», – ասաց Շարմազանովը։

Դեկտեմբերին կայացած արտահերթ խորհրդարանական ընտրությունների արդյունքում կուսակցությունը ստացել է 60 հազար ձայն։ Նա վստահ է, որ ՀՀԿ ևս 60 հազար կողմնակիցներ ուղղակի չեն գնացել քվեարկության։ Շարմազանովը կարծում է, որ կուսակցության կողմնակիցների բանակը ժամանակի հետ միայն կավելանա։

Ըստ թեմայի

Ի՞նչ են քննարկել Ադրբեջանի և Հայաստանի նախարարները Փարիզում. փորձագետի եզրահանգումները
ՄԱԿ–ի գլխավոր քարտուղարը դրական է գնահատել Մնացականյան–Մամեդյարով հանդիպման արդյունքը
Բաբայան. «Մնացականյան-Մամեդյարով հանդիպումից հետո արված հայտարարությունը ողջունելի է»
Լավրով. Մոսկվան ղարաբաղյան կարգավորման հարցում առաջընթացի հույս ունի
թեգերը:
Հայաստանի Հանրապետական կուսակցություն (ՀՀԿ)

Գլխավոր թեմաներ