09:19 18 փետրվարի 2019
Ուղիղ եթեր
  • USD487.51
  • GBP624.60
  • EUR550.11
  • RUB7.32
ՀՀ ԱԺ

Հայաստանում պահանջվում է ընդդիմություն. քաղտեխնոլոգը հուշեց, թե որտեղ փնտրել

© Sputnik / Asatur Yesayants
Քաղաքականություն
Ստանալ կարճ հղումը
64 0 0

Փորձագետի կարծիքով` խորհրդարանի պատերից դուրս իշխանությունը հիմա լուրջ ընդդիմադիրներ չունի, սակայն, դատելով որոշ «շարժումներից», հասարակությունում պահպանողական ընդդիմության պահանջ կա։

ԵՐԵՎԱՆ, 11 փետրվարի — Sputnik. Հայաստանում քաղաքական գործընթացները զարգանում են արմատական ընդդիմության բացակայության պայմաններում, բայց ժամանակի ընթացքում այդ վակուումը, ամենայն հավանականությամբ, կլցվի։ Այդ մասին այսօր մամուլի ասուլիսում ասաց քաղտեխնոլոգ Կարեն Քոչարյանը։

Դեկտեմբերին կայացած խորհրդարանական ընտրությունների արդյունքում Նիկոլ Փաշինյանին և իշխանություններին որպես ընդդիմություն ներկայացնող ուժերը չանցան Ազգային Ժողով։ Խոսքն առաջին հերթին Հանրապետական կուսակցության` նախկին իշխող ուժի մասին է։ Ինչպես կարծում է Քոչարյանը, խորհրդարանի ներսում որպես ընդդիմություն փորձում է ներկայանալ «Լուսավոր Հայաստանը»։

Խորհրդարանի պատերից դուրս իշխանությունները լուրջ ընդդիմադիրներ չունեն, սակայն, դատելով որոշ «շարժումներից», հասարակությունում պահպանողական ընդդիմության պահանջ կա։ Առանձին մարդիկ և խմբեր երկչոտ փորձեր են անում ձևավորել այդ նոր ուժը։ Առաջին հերթին խոսքը «Ազգային օրակարգ» կուսակցության մասին է, որն իր ստեղծելու մասին հայտարարվել է բառացիորեն անցած տարվա վերջին։

Հիմնադիր խմբի մեջ մտնում է ֆիզիկոս, մետաղագործության ոլորտում մասնագիտացած միջազգային ընկերության գործունեության համակարգող Ավետիք Չալաբյանը, Հնդկաստանում, Շրի Լանկայում, Նեապլում, Մալազիայում և Ինդոնեզիայում Հայաստանի նախկին դեսպան Արա Հակոբյանը և ինժեներ–էլեկտրիկ, «Սոյուզ» ՓԲԸ–ի գործադիր տնօրեն Իգոր Զարգարյանը։

Ինչպես կարծում է Քոչարյանը, ժամանակի ընթացքում փորձ կարվի խաղալ այդ պահպանողական դաշտում։ Բացառված չէ, որ իշխող ուժի շարքերից կհայտնվեն մարդիկ, որոնք արդյունքում ընդդիմություն կդառնան։ Այդ «անջատողականության» առանձին դրսևորումներն արդեն նկատվում են որոշ պաշտոնյաների հրաժարականների տեսքով։ Ավելի վաղ իրենց պաշտոններից հեռացել են կամ ազատվել են էկոնոմիկայի փոխնախարար Հակոբ Ավագյանը, Ջրային կոմիտեի ղեկավար Ինեսսա Գաբայանը, քաղաքաշինության կոմիտեի նախագահ Ավետիք Էլոյանը։ Փորձագետը չի բացառում, որ հրաժարականների շարքը կարող է շարունակվել, և այդ մարդիկ վերջին հաշվով կկազմեն նոր ընդդիմության միջուկը։

Ըստ թեմայի

Ընդդիմության առաջնորդը Վենեսուելայում իրեն նախագահ է հռչակել
Փաշինյանը լավ առաջնորդ է, բայց շատ ավելի թույլ է, քան նախորդ ընդդիմության առաջնորդները
ՀՀԿ-ն ընդդիմության դերի մեջ է մտնում. բուժկենտրոնի աշխատակիցները վաղը նորից կհավաքվեն

Գլխավոր թեմաներ