19:43 16 հունիսի 2019
Ուղիղ եթեր
  • USD478.40
  • GBP605.13
  • EUR539.06
  • RUB7.43
Նիկոլ Փաշինյան

Պետք է հանդիպում ունենանք Ալիևի հետ. Նիկոլ Փաշինյան

© Photo / official site of the Prime minister of RA
Քաղաքականություն
Ստանալ կարճ հղումը
ՀՀ վարչապետ Նիկոլ Փաշինյան (790)
169 0 0

ՀՀ վարչապետն Իրանի հայ համայնքի ներկայացուցիչների հետ հանդիպման ժամանակ խոսել է ղարաբաղյան հակամարտության կարգավորման մասին։

ԵՐԵՎԱՆ, 28 փետրվարի – Sputnik. ՀՀ վարչապետ Նիկոլ Փաշինյանը վստահեցնում է, որ Ադրբեջանի նախագահ Իլհամ Ալիևի հետ հանդիպման վերաբերյալ ասել է այն ամենը, ինչ կար ասելու։ Ինչպես հայտնում է tert.am–ը, վարչապետն այս թեմային է անդրադարձել Թեհրանում հայ համայնքի հետ հանդիպման ժամանակ։

Հարցին՝ ի՞նչ հանդիպումներ են անցկացվում Ադրբեջանի ղեկավարության հետ, արդյոք դրանք միայն «բարև, բարի լույսով» են ավարտվել, թե կան պայմանավորվածություններ», Նիկոլ Փաշինյանը պատասխանեց. «Ըստ էության, հանդիպումների շրջանակի մասին ինչ որ կար ասելու, ես ամեն ինչ ասել եմ: Ոմանց կարդում եմ, նենց տպավորություն է...լեզուս էլ չի պտտվում ասել: Այսինքն ի՞նչ՝ մենք ժողովրդի ուժով հասել ենք կառավարության, որ կարգավիճակների ու մեր հայրենիքի ժողովրդի դեմ գործե՞նք: Պայմանավորվածությունը հետևյալն է՝ մենք պետք է քննարկենք հարցը խաղաղ ճանապարհով լուծելու հնարավորությունը»,- ասել է նա:

Փաշինյանը նշել է, որ վերջերս միջազգային ներկայացուցիչների հետ մի խոսակցություն է եղել, հարցրել են՝ դուք պատրա՞ստ եք փոխզիջումների:

«Մենք ասում ենք՝ ո՞վ է ասել, որ հարցի առաջին պատասխանողը մենք պետք է լինենք, դուք Ադրբեջանին հարցնո՞ւմ եք՝ իրենք պատրաստ են, թե ոչ: Մենք այդ հարցին չենք պատասխանի այնքան, մինչև չպատասխանի Ադրբեջանը: Ադրբեջանն է, որ ամեն օր սպառնալիքներով է խոսում Ղարաբաղի հարցի կարգավորման վերաբերյալ: Եթե որևէ մեկը մտածում է, որ կարող է սպառնալիքով Ղարաբաղի հարց լուծել, ինքը չարաչար սխալվում է, բայց սխալվում է հենց այն պատճառով, որ գործ ունի համայն հայության հետ, որն այսօր առավել միասնական է, քան երբևէ»,- ավելացրել է Փաշինյանը:

Ըստ նրա՝ Ղարաբաղի նկատմամբ որևէ սպառնալիքի դեպքում միասնությունը կրկնապատկվելու է, եռապատկվելու է, դառնալու է ավելի հզոր ուժ, քան այսօր է:

«Մեր կառավարության առաջնային խնդիրներից մեկը բանակցային գործընթացում Ղարաբաղի սուբյեկտության բարձրացումն է: Պետք է հանդիպում ունենանք Ադրբեջանի նախագահի հետ: Դա լինելու է առանց օրակարգի հանդիպում, բայց դրա կարևոր ուղենիշներից մեկը լինելու է բանակցային ֆորմատի քննարկումը: Քանի դեռ ֆորմատի վերաբերյալ համաձայնություն ձեռք չենք բերել, շփումները պաշտոնական բանակցություններ համարել չի կարելի: Ես խոսում եմ Հայաստանի անունից, որովհետև ՀՀ վարչապետն եմ, չեմ խոսում Արցախի անունից, որովհետև Արցախն ունի իր իշխանությունը»,– ասել է վարչապետը:

Փաշինյանը ևս մեկ անգամ շեշտել է, որ բանակցային գործընթացում Արցախի անունից պետք է խոսի Արցախի իշխանությունը: Հայաստանը պետք է ամեն ինչ անի, որ Ղարաբաղը բանակցային գործընթացի սուբյեկտության նոր մակարդակ ունենա։

թեմա:
ՀՀ վարչապետ Նիկոլ Փաշինյան (790)

Ըստ թեմայի

Մնացականյանը ղարաբաղյան հիմնախնդիրը քննարկել է Միջազգային ճգնաժամային խմբի նախագահի հետ
«Սերժն ասաց` ոչ, մենք դրան չենք գնա». Լուկաշենկոն խոսել է ղարաբաղյան հակամարտության մասին
Հայաստանը ղարաբաղյան խաղաղ կարգավորման կողմնակից է. Միրզոյանը` Դաշնային Խորհրդում
Նիկոլ Փաշինյանը վերահաստատել է Ղարաբաղյան հակամարտության մեր դիրքորոշումը
«Լրացուցիչ ժամանակ կպահանջվի». Լավրովը` Ղարաբաղյան հակամարտության կարգավորման մասին
թեգերը:
Նիկոլ Փաշինյան, Հայաստան

Գլխավոր թեմաներ