07:48 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Փաշինյանն ու Ալիևը

Փաշինյանն ու Ալիևը համաձայնել են հանդիպել. ՄԽ–ն հայտարարություն է տարածել

© Photo / official site of the Prime minister of RA
Քաղաքականություն
Ստանալ կարճ հղումը
14310

ԵԱՀԿ Մինսկի խմբի համանախագահները նախապատրաստում են Հայաստանի ու Ադրբեջանի նախագահների հանդիպումը։

ԵՐԵՎԱՆ, 1 մարտի — Sputnik. Մոտ ապագայում նախապատրաստվում է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը: Այս մասին ասված է ԵԱՀԿ պաշտոնական կայքում հրապարակված հայտարարության մեջ։

ԵԱՀԿ Մինսկի խմբի համանախագահներ Իգոր Պոպովը (Ռուսաստան), Էնդրյու Շոֆերը (ԱՄՆ), Ստեֆան Վիսկոնտին (Ֆրանսիա) ամփոփել են փետրվարին տարածաշրջան կատարած այցը, որի շրջանակում առանձին հանդիպումներ են ունեցել Հայաստանի Հանրապետության վարչապետ Նիկոլ Փաշինյանի, Ադրբեջանի նախագահ Իլհամ Ալիևի, երկու երկրների արտգործնախարարների հետ:

«Տարածաշրջանային այցի ժամանակ երկրների ղեկավարները համանախագահներին զեկուցել են հունվարին Դավոսում կայացած Համաշխարհային տնտեսական համաժողովի շրջանակում իրենց զրույցի մասին: Ղեկավարներն ու համանախագահները քննարկել են իրավիճակն ու հաջորդիվ քայլերի վերաբերյալ իրենց սպասումները: Համանախագահները դրական են գնահատել շփման գծում միջադեպերի շարունակական նվազումը: Բացի այդ, նրանք ողջունել են ժողովուրդներին խաղաղության նախապատրաստելու ուղղությամբ տարածաշրջանում զարգացող քննարկումները: Ղեկավարներն ընդունել են համանախագահների՝ մոտ ապագայում նրանց հովանու ներքո հանդիպելու առաջարկը»,-ասվում է հաղորդագրությունում:

Տարածաշրջանային այցից հետո համանախագահներն ու ԵԱՀԿ գործող նախագահի անձնական ներկայացուցիչ Անջեյ Կասպրչիկը մեկնել են Վիեննա և Բրատիսլավա, որպեսզի այցի արդյունքների մասին զեկուցեն ԵԱՀԿ Մինսկի խմբի անդամ երկրների մշտական ներկայացուցիչներին, ԵԱՀԿ գլխավոր քարտուղար Թոմաս Գրեմինգերին և ԵԱՀԿ գործող նախագահ, Սլովակիայի արտգործնախարար Միրոսլավ Լայչակին:

Նշենք, որ Նիկոլ Փաշինյանի և Իլհամ Ալիևի վերջին հանդիպումը տեղի է ունեցել Դավոսում հունվարի 22-ին։ Ինչպես ավելի ուշ պատմեց Փաշինյանը, քննարկվել է բանակցային գործընթացի պատմությունը, կարգավորման համար պայմաններ ստեղծելու հնարավորությունը, առկա խոչընդոտները և այլն։

Ըստ թեմայի

Փաշինյան–Ալիև հանդիպման մանրամասները վարչապետը ներկայացրել է ԵԱՀԿ ՄԽ համանախագահներին
Բաքվում խոսում են Փաշինյան–Ալիև ակնկալվող հանդիպման մասին. Երևանում դեռ չեն հաստատում
Լռություն Արցախում. Փաշինյանը հիմա ավելի պատրաստված է Ալիևի հետ բանակցություններին
Մարգարով. «Մեր ակնկալիքն է Արցախի դե ֆակտո կարգավիճակի անցումը դեպի դե յուրե կարգավիճակ»
Փաշինյանն իր խոսքն ասել է, հերթն Ալիևինն է. վարչապետը ծանր դրության մեջ է դրել Ադրբեջանին
թեգերը:
Իլհամ Ալիև, Նիկոլ Փաշինյան, Ադրբեջան, Հայաստան

Գլխավոր թեմաներ