03:39 23 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Փաշինյան-Ալիև հանդիպումը 22 հունվարի 2019 թ.

Փաշինյան. Ադրբեջանը չարդարացրեց հույսերը

© Photo / official site of the Prime minister of RA
Քաղաքականություն
Ստանալ կարճ հղումը
30820

Բաքվից մշտապես սպառնալիքներ են հնչում հակամարտությունը ռազմական ճանապարհով լուծելու մասին։

ԵՐԵՎԱՆ, 4 մարտի — Sputnik. Ադրբեջանական կողմը չի արդարացրել հույսերը` կապված ղարաբաղյան հակամարտության կարգավորման շուրջ բանակցությունների հետ, հայտարարել է Հայաստանի վարչապետ Նիկոլ Փաշինյանը Եվրախորհրդարանի արտաքին գործերի հանձնաժողովում ելույթի ընթացքում։

«Ինչ վերաբերում է Ղարաբաղին, ապա շատ կարևոր է նշել, որ հակամարտությունը ռազմական լուծում ունենալ չի կարող։ Եվ մենք պետք է ստեղծենք մթնոլորտ խաղաղ լուծման համար։ Մեր կառավարությունն աշխատում է այդ ուղղությամբ։ Սեպտեմբերին ես աննախադեպ  հայտարարություն արեցի մեր խորհրդարանում` ասելով, որ ցանկացած որոշում պետք է ընդունելի լինի Ղարաբաղի հայ բնակչության և  ադրբեջանական բնակչության համար», – ասել է Փաշինյանը։

Փաշինյանի խոսքով` նա հույս է ունեցել, որ իր հայտարարությունից հետո նման արտահայտություն կլինի նաև ադրբեջանական կողմից` Ադրբեջանի նախագահ Իլհամ Ալիևից։

«Բայց, ցավոք, այդ հույսը չարդարացավ։ Հակառակը, մենք Ադրբեջանից մշտապես սպառնալիքներ ենք լսում հակամարտությունը ռազմական ճանապարհով լուծելու մասին` առանց հաշվի առնելու Ղարաբաղի բնակչության իրավունքները և շահերը։ Մենք պետք է Ադրբեջանին տրամադրենք երկխոսության», – ասել է Փաշինյանը։

Նա հիշեցրել է, որ Բուդապեշտի ԵԱՀԿ գագաթնաժողովում հստակ ամրագրվել է. հակամարտությունը երեք կողմեր ունի` Հայաստանը, Ադրբեջանը, Լեռնային Ղարաբաղը։ Հիմա բանակցությունների սեղանի մոտ միայն երկու կողմերն են։

Նշենք, որ մարտի 1–ին ԵԱՀԿ Մինսկի խմբի տարածած հայտարարությունում ասվում է այն մասին, որ Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևն առաջիկայում կհանդիպեն։

Ըստ թեմայի

Փաշինյանը Բրյուսելում պատմել է տարածաշրջանի վրա արցախյան հակամարտության ազդեցության մասին
ԵՄ հետ համաձայնագրի իրագործումը որակական փոփոխությունների կհանգեցնի Հայաստանում. Փաշինյան
Չի կարելի հավատալ Փաշինյանի հայտարարություններին. Քոչարյանը` Ղարաբաղյան խնդրի մասին
Իջեք այդ տապանաքարերից. Աշոտյանի կոչը` Տեր–Պետրոսյանին և Փաշինյանին
թեգերը:
Արցախ, Հայաստան, Նիկոլ Փաշինյան, Ադրբեջան, Իլհամ Ալիև

Գլխավոր թեմաներ