ԵՐԵՎԱՆ, 6 մարտի — Sputnik. Եվրահանձնակատար Յոհաննես Հանը Twitter–ի իր պաշտոնական էջում գրառում է արել վարչապետ Նիկոլ Փաշինյանի այցի մասին։
«Հաճույքով Բրյուսելում կրկին ողջունում եմ Հայաստանի վարչապետ Նիկոլ Փաշինյանին։ Հայաստան–ԵՄ համապարփակ և ընդլայնված գործընկերության մասին համաձայնագիրը ձեռնտու է երկուսիս համար։ Աշխատում ենք կիրարկման ուղղությամբ», – Twitter–ում գրել է Հանը։
Ամեն ինչ լավ կլիներ, եթե Հանն իր գրառման մեջ չշփոթեր վարչապետ Նիկոլ Փաշինյանին Վրաստանի վարչապետ Մամուկա Բախտաձեի հետ։
Գրառումը սոցիալական ցանցում մնացել է մի քանի րոպե, ավելի ուշ հեռացվել է։ Սակայն օգտատերերը հասցրել են սքրին անել գրառումը։ Համապատասխան սքրինը Facebook–ի իր էջում հրապարակել է վրացի քաղաքագետ Գիա Աբաշիձեն։
Ավելի ուշ հրապարակվել է գրառման փոխված և ճիշտ տարբերակը։
🇪🇺🇬🇪 The #EU-#Georgia Association Council is currently taking place in #Brussels. Click here👉 https://t.co/Ex2Q30wKEA for more infos.
— EU NEAR🇪🇺 (@eu_near) 5 марта 2019 г.
Press conference with HR/VP @FedericaMog, #EU-Commissioner @JHahnEU &🇬🇪PM @BakhtadzeMamuka at +/- 15:10 LIVE here👉 https://t.co/xcK4jJoUlG pic.twitter.com/yGldsocegt
Հիշեցնենք, որ Նիկոլ Փաշինյանը մարտի 4-5–ն աշխատանքային այցով մեկնել էր Բրյուսել և բանակցություններ վարել Եվրահանձնաժողովի և Եվրախորհրդի նախագահներ Ժան Կլոդ Յունկերի և Դոնալդ Տուսկի, ԵՄ դիվանագիտության ղեկավար Ֆեդերիկա Մոգերինիի հետ, ինչպես նաև ելույթ է ունեցել Եվրախորհրդարանում։
Նույն օրը Բրյուսելում է եղել նաև Վրաստանի վարչապետ Մամուկա Բախտաձեն։ Նա մասնակցել է ԵՄ–Վրաստան ասոցացման հարցերի խորհրդի նիստին։
