01:29 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
Արտակ Զեյնալյան

Հայաստանը Կարեն Ղազարյանի գործով ՄԻԵԴ-ում կներգրավվի որպես երրորդ կողմ. Զեյնալյան

© Sputnik / Asatur Yesayants
Քաղաքականություն
Ստանալ կարճ հղումը
13811

Արդարադատության նախարար Արտակ Զեյնալյանը խորհրդարանում ներկայացրել է Ադրբեջանում 20 տարվա ազատազրկման դատապարտված Կարեն Ղազարյանի հարցով ՀՀ իշխանությունների ձեռնարկած միջոցները։

ԵՐԵՎԱՆ, 6 մարտի — Sputnik. ՀՀ քաղաքացի Կարեն Ղազարյանը ոչ թե գերեվարված է Ադրբեջանի կողմից, այլ ձերբակալված, ինչը էականորեն բարդացնում է նրան Հայաստան վերադարձնելու խնդիրը։ Այս մասին այսօր Ազգային ժողովում կառավարության հարց ու պատասխանի ժամանակ ասաց ՀՀ Արդարադատության նախարար Արտակ Զեյնալյանը` պատասխանելով «Լուսավոր Հայաստան» խմբակցության պատգամավոր Սարգիս Ալեքսանյանի հարցին։

Զեյնալյանը հայտնեց, որ Կարեն Ղազարյանի հարցով գանգատ է ներկայացվել ՄԻԵԴ, և Հայաստանն այդ գործով կներգրավվի որպես երրորդ կողմ։

«Դրանից բացի, ՀՀ-ն գործադրում է դիվանագիտական և հումանիտար բոլոր միջոցները, որպեսզի Կարեն Ղազարյանի կյանքի անվտանգությունն ապահովվի»,– ասաց Զեյնալյանը։

Նախարարի խոսքով, առաջարկ է եղել նաև փոխանակելու Կարեն Ղազարյանին, բայց, ըստ Զեյնալյանի, Հայաստանում նման կարգավիճակում գտնվող Ադրբեջանի քաղաքացիներ չկան։

«Մենք գտնում ենք, որ Կարենն ապօրինաբար է գտնվում  անազատության մեջ և այն ինչ վերագրվում է Կարենին, չի համապատասխանում իրականությանը»,- ասաց Զեյնալյանը։

Հիշեցնենք` Տավուշի մարզի Բերդավան գյուղի բնակիչ 34-ամյա Կարեն Ղազարյանը նախորդ տարվա հուլիսի 15-ին էր հայտնվել Ադրբեջանի տարածքում:

Ադրբեջանական կողմը տեղեկություն էր տարածել «սահմանին Հայաստանի ԶՈւ հետախուզադիվերսիոն խմբի հարձակման կանխման», ինչպես նաև 1984 թվականի ծնված հայ զինծառայող Կարեն Ղազարյանի գերեվարման մասին:

Հայաստանի պաշտպանության նախարարի մամուլի խոսնակ Արծրուն Հովհաննիսյանը հայտարարել էր, որ Կարեն Ղազարյանը չի ծառայում և երբեք չի ծառայել Հայաստանի ԶՈւ շարքերում:

2019թ.–ի փետրվարի 27–ին Ադրբեջանի դատարանը ՀՀ քաղաքացի Կարեն Ղազարյանին դատապարտեց 20 տարվա ազատազրկման։

Ըստ թեմայի

Կարեն Ղազարյանին Ադրբեջանում 20 տարվա ազատազրկման դատապարտեցին
Ադրբեջանում գերության մեջ գտնվող Ղազարյանի հարցով ՄԻՊ-ը դիմել է միջազգային կառույցներին
Ադրբեջանում գերեվարված Ղազարյանի հարազատները բողոքում են. Թբիլիսի տանող ճանապարհը փակ է
թեգերը:
«Լուսավոր Հայաստան» կուսակցություն, ՀՀ Պաշտպանության նախարարություն (ՊՆ), Տավուշ, Ադրբեջան

Գլխավոր թեմաներ