08:23 21 մարտի 2019
Ուղիղ եթեր
  • USD485.91
  • GBP642.42
  • EUR551.46
  • RUB7.55
Արմեն Աշոտյան

Պետական մտածողությունը կհաղթի, թե՞ քաղաքական հաշվեհարդարի քաղցը. Աշոտյանը` Փաշինյանին

© Sputnik / Aram Nersesyan ,
Քաղաքականություն
Ստանալ կարճ հղումը
Ղարաբաղյան հակամարտություն (172)
13610

Արմեն Աշոտյանին խիստ մտահոգել են Մինսկի խմբի համանախագահների վերջին հայտարարությանը և դրան հաջորդած Հայաստանի ԱԳՆ արագ արձագանքի բովանդակությունը։

ԵՐԵՎԱՆ, 11 մարտի — Sputnik. «Ղարաբաղյան հակամարտության կարգավորման շուրջ տեղի ունեցող արտաքին գործընթացները խիստ մտահոգիչ են, որքան էլ գործող իշխանությունները փորձեն չտեսնելու տալ կամ չխոստովանել սա»:

Իր մտահոգությունը այս հարցի շուրջ ֆեյսբուքյան իր պաշտոնական էջում հայտնել է ՀՀԿ փոխնախագահ Արմեն Աշոտյանը։

Նրան խիստ մտահոգել են Մինսկի խմբի համանախագահների վերջին հայտարարությանը և դրան հաջորդած Հայաստանի ԱԳՆ արագ արձագանքի բովանդակությունը։ « ԱԳՆ արձագանքը վկայում է, որ գոնե արտաքին գերատեսչությունում կա խնդրի լրջության իրական ընկալումը: Հայաստանի ԱԳ-ն վերջապես Արցախին վերաբերող իր պաշտոնական հաղորդագրության մեջ հիշատակեց Վիեննայի, Սանկտ Պետերբուրգի և Ժնևի պայմանավորվածությունները: Բնական է, որ առավել կոշտ էր Արցախի իշխանությունների արձագանքը»,–գրել է Աշոտյանը:

Նա հիշեցրել է, որ անկախ ներքաղաքական զարգացումներից, Արցախի հարցն ազգային անվտանգության և արժանապատվության խնդիր է, որն ի զորու է գեներացնել ինչպես իշխանափոխության (օրինակ՝ 1997-98 թթ), այնպես էլ ազգային կոնսոլիդացիայի գործընթացներ (1992-1994 թթ և Ապրիլյան պատերազմ):

«Որ ճանապարհով կընթանան պրոցեսները, հիմնականում կախված է Նիկոլ Փաշինյանից: Ի՞նչը կհաղթի իր մեջ՝ պետական մտածողության տարրը, թե՞ քաղաքական հաշվեհարդարի չհագեցող քաղցը, ցույց կտա ժամանակը»,–գրել է Արմեն Աշոտյանը:

Հիշեցնենք, որ ԵԱՀԿ Մինսկի խմբի համանախագահները հայտարարություն էին արել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջիկա հանդիպման  վերաբերյալ՝ ողջունելով հանդիպելու պատրաստակամությունը և ընդգծելով, որ հակամարտության ազատ և տևական կարգավորումը պետք է հիմնված լինի Հելսինկիի եզրափակիչ ակտի սկզբունքների վրա, ինչը ներառում է ուժի չկիրառում կամ դրա հետ կապված սպառնալիք, տարածքային ամբողջականություն, ժողովուրդների համար հավասար իրավունքներ և ինքնորոշում:

թեմա:
Ղարաբաղյան հակամարտություն (172)

Ըստ թեմայի

Երկար հարց, կարճ պատասխան. Ղարաբաղյան հարցում Ռուսաստանի դիրքորոշումը չի փոխվել
Փաշինյան–Ալիև հանդիպման մանրամասները վարչապետը ներկայացրել է ԵԱՀԿ ՄԽ համանախագահներին
Դիտարկում. Արցախի իշխանությունները կապահովեն ԵԱՀԿ անդամների անվտանգությունը
թեգերը:
Ադրբեջան, Նիկոլ Փաշինյան, Արմեն Աշոտյան, ԵԱՀԿ Մինսկի Խումբ, Արցախ

Գլխավոր թեմաներ