21:45 19 մայիսի 2019
Ուղիղ եթեր
  • USD479.72
  • GBP612.17
  • EUR535.56
  • RUB7.43
ԱՄՆ–ի և Թուրքիայի նախագահները

Թուրքիան ուժեղացնում է իր դիրքերը տարածաշրջանում, այդ թվում` ԱՄՆ–ի հաշվին. Սաֆրաստյան

© Sputnik / Алексей Витвицкий
Քաղաքականություն
Ստանալ կարճ հղումը
59 0 0

Անկարան ավելի հաճախ է հասկացնել տալիս, որ չի ցանկանում գտնվել ամերիկյան քաղաքականության ազդեցության ոլորտում և որ կարող է տարածաշրջանում ունենալ իր` ամերիկյանից տարբերվող շահերը։

ԵՐԵՎԱՆ, 18 մարտի — Sputnik. Թուրքիան վերջին տարիներին ձգտում է մեծացնել իր դերը տարածաշրջանային գործընթացներում։ Այդ ձգտումն ուղեկցվում է մի շարք ուղղություններում ԱՄՆ–ի հետ առճակատման ուժեղացմամբ։ Երկուշաբթի մամուլի ասուլիսում նման կարծիք հայտնեց Հայաստանի ԳԱԱ Արևելագիտության ինստիտուտի տնօրեն Ռուբեն Սաֆրաստյանը` մեկնաբանելով Անկարայի կողմից ռուսական C-400 համալիրներ գնելն ու դրան հաջորդած ամերիկյան կոշտ արձագանքը։

2017թ–ի սեպտեմբերին Մոսկվան և Անկարան պայմանագիր են ստորագրել Թուրքիային C-400 համակարգեր առաքելու մասին։ Պայմանագրով նախատեսվում է Թուրքիային վաճառել այդ համակարգերով համալրված չորս դիվիզիոն։ Համաձայնագրի արժեքը 2,5 միլիարդ դոլար է, գումարի կեսից ավելին կփակվի ռուսական վարկով։ ԱՄՆ–ն և ՆԱՏՕ–ի մյուս անդամները դեմ են, որ Անկարան ռուսական զենիթահրթիռային համալիրներ գնի։

«Ամերիկյան առաջատար վերլուծական կենտրոններն արդեն ավելի քան մեկ տարի է` ազդանշաններ են ուղարկում, որ Անկարան ավելի է հեռանում անդրօվկիանոսյան դաշնակցից։ Վստահ եմ, որ այդ ազդանշանները հասնում են ամերիկյան վարչակազմին։ Բանն այն է, որ ԱՄՆ–ի մերձավորարևելյան քաղաքականությունը կախված է Թուրքիայից, որի տարածքում են գտնվում ամերիկյան զինվորական բազաներն ու այլ ենթակառուցվածքներ», – ասաց Սաֆրաստյանը։

Զուգահեռ Անկարան ավելի հաճախ է հասկացնում, որ չի ցանկանում գտնվել ամերիկյան քաղաքականության ազդեցության գոտում և որ կարող է տարածաշրջանում ունենալ իր` ամերիկյանից տարբերվող շահերը։ Ասվածը վերաբերում է նաև Մոսկվայի հետ ռազմատեխնիկական գործարքներին, որի հետ ԱՄՆ–ն ունի լարված հարաբերություններ։ Սաֆրաստյանը կարծում է, որ Թուրքիային առայժմ չի հաջողվում իր խաղը վարել առանձին ոլորտներում։

Նա նշեց նաև, որ Անկարան վերջին տարիներին կարողացել է հասնել գերազանցության տարածաշրջանում իր վաղեմի մրցակցի` Սաուդյան Արաբիայի նկատմամբ։ Ստամբուլում Սաուդյան Արաբիայի հյուպատոսարանում սաուդյան լրագրող Ջեմալ Խաշոգջիի աղմկահարույց սպանությունից հետո Թուրքիան կարողացել է արդյունավետ կերպով օգտագործել այդ հաղթաթուղթը Էր Ռիադի վրա միջազգային ճնշումն ուժեղացնելու համար։

Թուրքիայի տարածաշրջանային ուժեղացման ևս մեկ գործոն է դարձել Իրանի հետ հարաբերությունների բարելավումը` ի հեճուկս ԱՄՆ–ի պատժամիջոցների։

Ըստ թեմայի

Էրդողանը երազում է վերստեղծել Օսմանյան կայսրությունը. Սիրիայի նախագահի խորհրդական
Թուրքիայի հայերը Էրդողանի անակնկալներին են պատրաստվում
Սաֆրաստյան․«Թուրքիայի հայ համայնքը հիմնականում իր ձայնը կտա Էրդողանի կուսակցությանը»
թեգերը:
Թուրքիա, Հայաստան

Գլխավոր թեմաներ