18:40 24 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
ՀԱՊԿ համաժողով

Ի՞նչն է ստիպել Նիկոլ Փաշինյանին հարգել ՀԱՊԿ–ին և ԵԱՏՄ–ին

© Photo / official site of the Prime minister of RA
Քաղաքականություն
Ստանալ կարճ հղումը
10910

ՀԱՊԿ–ում դեռ քննարկումներ են տեղի ունենում, հետևաբար հարցի վերջնական լուծման ժամկետ վարչապետը դժվարանում է նշել։

ԵՐԵՎԱՆ, 19 մարտի — Sputnik. ՀԱՊԿ կանոնակարգը հստակեցումների կարիք ունի։ Այսօր լրագրողների հետ հանդիպմանն, անդրադառնալով այդ կազմակերպության գլխավոր քարտուղարի թափուր մնացած պաշտոնում հնարավոր նոր նշանակման մասին հարցին, ասաց ՀՀ վարչապետ Նիկոլ Փաշինյանը։

Նրա խոսքով, կանոնակարգում հստակ չէ, թե թափուր մնալու դեպքում ինչպես է որոշվում նոր նշանակման հարցը։

«Հայաստանի շահերը լիարժեք պաշտպանվել են այս ընթացքում։ ՀԱՊԿ գոյության ողջ ընթացքում նման խոսակցություններ երբեք տեղի չեն ունեցել»,– ասաց Փաշինյանը։

Նա հայտարարեց, որ ՀԱՊԿ–ում դեռ քննարկումներ են տեղի ունենում, հետևաբար հարցի վերջնական լուծման ժամկետ վարչապետը դժվարանում է նշել։

Փաշինյանը նշեց, որ դրական է գնահատում կազմակերպության մթնոլորտը։ ՀԱՊԿ–ի ու ԵԱՏՄ–ի աշխատանքի մեծ մասը դռնփակ է անցնում, ու հանրությունը չի տեսնում` ինչ մթնոլորտում են տեղի ունենում քննարկումները, որոնք Փաշինյանի գնահատմամբ, լինում են բավականին խորը, իսկ երբեմն` շատ ակտիվ։

«Այս ամենն էականորեն բարձրացրել է այդ կազմակերպությունների հանդեպ իմ հարգանքը, փոխել վերաբերմունքը», - ասաց Նիկոլ Փաշինյանը։

Նա ընդգծեց, որ քննարկումները շարունակվում են։

Հիշեցնենք` ՀԱՊԿ գլխավոր քարտուղարի պաշտոնը թափուր է մնացել Յուրի Խաչատուրովին մեղադրանք առաջադրելուց և հետ կանչելուց հետո։ Հայաստանում նրան մեղադրանք է առաջադրվել Մարտի 1-ի գործով` Սահմանադրական կարգը տապալելու համար՝ ՀՀ Քրեական օրենսգրքի 300.1 հոդվածի հատկանիշներով։ ՀՔԾ-ն միջնորդություն էր ներկայացրել Երևանի ընդհանուր իրավասության դատարան՝ նրան կալանավորելու մասին։ Սակայն դատարանը, հաշվի առնելով ի պաշտոնե նրա համար սահմանված անձեռնմխելիության իրավունքից, որոշեց խափանման միջոց կիրառել 5 մլն դրամ գրավը։

ՀԱՊԿ գլխավոր քարտուղարի թեկնածու Ստանիսլավ Զասը հայտարարել էր, որ ՀԱՊԿ կանոնակարգը թույլ է տալիս սահմանափակ կազմով որոշում կայացնել։

Ըստ թեմայի

ՀԱՊԿ գլխավոր քարտուղարի հարցը 1 տարով կհետաձգվի. հաշտվե՞լ են ՀՀ–ի դիրքորոշման հետ
«Ամեն կողմ ինչ–որ բան ստանում է, ինչ–որ բան` կորցնում». ՀԱՊԿ-ում հանգուցալուծում կա՞
Առանց Հայաստանի համաձայնության բացառված է ՀԱՊԿ գլխավոր քարտուղարի նշանակումը. Տոնոյան
թեգերը:
Նիկոլ Փաշինյան, Հավաքական անվտանգության պայմանագիր կազմակերպություն (ՀԱՊԿ), Հայաստան

Գլխավոր թեմաներ