23:57 18 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Նիկոլ Փաշինյան. ՀՀ վարչապետ (19 մարտի 2019 թ.)

Քաղաքագետը բացատրեց, թե ինչու է Փաշինյանը դեռ «սուպերվարչապետի» կոստյում հագնում

© Sputnik / Asatur Yesayants.
Քաղաքականություն
Ստանալ կարճ հղումը
197 0 0

Փորձագետի կարծիքով` Հայաստանի կառավարության բարեփոխումները երկարաժամկետ հեռանկարում դրական արդյունք կունենան։

ԵՐԵՎԱՆ, 22 մարտի — Sputnik, Աշոտ Սաֆարյան. Հայաստանի կառավարությունն առայժմ չի կարող լուծել իր առջև դրված խնդիրները, իսկ ժամանակ առ ժամանակ առաջացող հասարակական դժգոհության օջախներն, ընդհանուր առմամբ, օրինաչափ են։ Sputnik Արմենիայի հետ հարցազրույցում նման կարծիք հայտնեց քաղաքագետ Նարեկ Գալստյանը` մեկնաբանելով Հայաստանի վարչապետ Նիկոլ Փաշինյանի` վերջերս արած հայտարարությունը։

Ավելի վաղ մամուլի ասուլիսում վարչապետը նշել է, որ Հայաստանում չկան ոլորտներ, որոնցում կառավարությունը ձախողում է ունեցել։

Գալստյանի խոսքով` երկրի առջև ծառացած խնդիրների մի մասը ժառանգել են նախորդ իշխանություններից, մի մասը հիմա է առաջացել։ Տվյալ փուլում մարդկանց հիմնական դժգոհությունը կապված է հարկային բարեփոխումների հետ։ Դա հասկանալի է, տնտեսական քաղաքականության մեջ կանոնները փոխելը չի կարող բավարարել հասարակության բոլոր շերտերին, կարծում է Գալստյանը։ Նա միաժամանակ համոզված է, որ երկարաժամկետ հեռանկարում այսօրվա բարեփոխումները կառաջացնեն դրական արդյունք։

Բայց կան մի շարք այլ, ավելի խորը խնդիրներ, որոնց լուծմանը Փաշինյանի կառավարությունը չի շտապում ձեռնամուխ լինել։ Դա առաջին հերթին Ընտրական օրենսգրքի բարեփոխումն է և «սուպերվարչապետական» համակարգից հրաժարվելը, որի դեպքում կառավարության ղեկավարի ձեռքերում կենտրոնացած են վիթխարի լիազորություններ։ Մինչև «թավշյա հեղափոխությունը» Փաշինյանը և նրա համախոհները եղել են «սուպերվարչապետության» ինստիտուտի կոշտ քննադատներ։ Այսօր, երբ նրանք դարձել են այդ համակարգի «շահառուներ», դա վերացնելու ոչ մի քայլ չի ձեռնարկվում։

Փաշինյանի կառավարությունը հիմա բարձր վարկանիշի և խորհրդարանում բացարձակ մեծամասնության շնորհիվ հատուկ դիմադրության և հակազդեցության չի հանդիպում մյուս ուժերի կողմից։

Դա մի կողմից հարմար է կառավարությանը, բայց մյուս կողմից զսպող ընդդիմության բացակայությունը կարող է իշխանության հետ չար կատակ խաղալ, տանել այն «բրոնզացման»։ Նույն «սուպերվարչապետական» համակարգից հրաժարվելը կարող է ինդիկատոր դառնալ, որ իշխանությունը չի ցանկանում «բրոնզանալ», ինչն առայժմ չի արվում։ Քաղաքագետի կարծիքով` բացառված չէ, որ այդ համակարգն առայժմ պահպանում են այլ խնդիրների լուծման համար, որից հետո դրանից կարող են հրաժարվել։

«Պետք է հաշվի առնելով, որ քաղաքական, կուսակցական համակարգը որպես այդպիսին ձևավորված չէ։ Հնարավոր է, որ տվյալ փուլում ուժեղ վարչապետի ինստիտուտ դեռ պետք չէ», – ասում է Գալստյանը։

Նա նաև կարծում է, որ պետական համակարգում գալիք կրճատումները և դրա հետ կապված դժգոհությունը փորձում են օգտագործել Փաշինյանի ընդդիմադիրները` ի դեմս ՀՀԿ–ի։

Ճիշտ է, դժվար է ասել, թե որքանով արդյունավետ նրանք կխաղարկեն այդ խաղաքարտը։ Ընտրություններին դեռ շատ կա, որպեսզի հանրապետականները կարողանան օգտագործել այդ հաշվարկները նախընտրական քարոզարշավում։ Հազիվ թե հնարավոր է ժողովրդական զանգվածներին մոբիլիզացնել «միջընտրական» շրջանում։

Ըստ թեմայի

Օհանյան. «Վարչապետի այցի հետ մեծ հույսեր եմ կապում»
«Գազպրոմ Արմենիան» Փաշինյանի հնչեցրած ցուցանիշներից հետո պարզաբանում է տարածել
թեգերը:
Հայաստան, Նիկոլ Փաշինյան

Գլխավոր թեմաներ