19:02 15 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
ԱՄՆ սենատ

Դրանք շահարկումներ չեն. ինչը՞ կստիպի ԱՄՆ նախագահին ճանաչել Հայոց ցեղասպանությունը

© Sputnik / Михаил Палинчак
Քաղաքականություն
Ստանալ կարճ հղումը
Հայոց ցեղասպանություն (193)
282 0 0

ԱՄՆ–ի նահանգների կողմից Հայոց ցեղասպանության փաստի ճանաչումը ցուցադրում է հայկական սփյուռքի ուժը, ինչպես նաև լոբբիստական կազմակերպությունների աշխատանքի արդյունավետությունը։

ԵՐԵՎԱՆ, 22 մարտի — Sputnik, Լաուրա Սարգսյան. ԱՄՆ գործադիր իշխանությունը և  նախագահը շատ երկար չեն կարող անտեսել գրեթե բոլոր նահանգների կողմից Հայոց ցեղասպանության ճանաչման փաստը։ Այդ մասին Sputnik Արմենիայի թղթակցի հետ զրույցում ասաց ՀՅԴ Բյուրոյի անդամ, Հայ դատի և քաղաքական հարցերի գրասենյակի պատասխանատու Կիրո Մանոյանը։

Ալաբաման դարձել է ԱՄՆ–ի 49–րդ (նախավերջին) նահանգը, որը ճանաչել է 1915թ–ի Հայոց ցեղասպանությունը։ ԱՄՆ–ի վերջին նահանգը, որը դեռ չի ճանաչել Ցեղասպանությունը, Միսիսիպին է։ Ըստ էության նահանգների որոշումները չեն ազդում ԱՄՆ–ի արտաքին քաղաքականության վրա։ Ճանաչում կարող է համարվել կոնգրեսի երկու պալատների կողմից ընդունված, ԱՄՆ–ի նախագահի կողմից ստորագրված և ԱՄՆ–ի Գերագույն դատարանի կողմից հաստատված դաշնային օրենքը։ Դրանից հետո, անկախ այն բանից, թե ով կլինի նախագահ, ԱՄՆ–ի դիրքորոշումն այս հարցում անփոփոխ կմնա։

«Ալաբամայի կողմից Հայոց ցեղասպանության ճանաչումը դրական քայլ է և գործընթաց, որն ավելի մեծ քաղաքական նշանակություն ունի, քան իրավական», – ասաց Մանոյանը։

Նրա խոսքով` վերջին նահանգի կողմից այդ փաստն ընդունելուց հետո հնարավոր կլինի խոսել հստակ քաղաքական դիրքորոշման մասին, որին ԱՄՆ գործադիր իշխանությունը և նախագահը, որոնք պատասխանատու են երկրի արտաքին քաղաքականության համար, արդեն ստիպված կլինեն լսել։

Մանոյանը նշեց, որ այո, իսկապես, Հայոց ցեղասպանության ճանաչումը ԱՄՆ–ի հայերի համար առաջնահերթ խնդիր չէ և դրված չէ օրակարգում։ Սակայն իշխանությունները չեն կարող երկար անտեսել նահանգների դիրքորոշումն այս հարցում։

Մյուս կողմից, յուրաքանչյուր նման հաջող քայլը վկայում է ԱՄՆ–ի հայ համայնքի ուժի և հնարավորությունների մասին։ Որքան ուժեղ են տեղի սփյուռքը և հայկական լոբբին, այնքան շատ են Հայաստանի հետ կապված հարցերը, նրանք կարող են որոշել և քայլեր անել` ուղղված երկկողմ հարաբերությունների խորացմանը։

Ինչ վերաբերում է հայտարարություններին, որոնք օրերս արել է ԱՄՆ նախագահի թեկնածու Թուլսի Գաբարդը, ապա Մանոյանն այստեղ չի տեսնում շահարկումներ հայերի համար ցավոտ թեմայի շուրջ։

Կոնգրեսի անդամ, ԱՄՆ նախագահի թեկնածու Թուլսի Գաբարդն ավելի վաղ ելույթ է ունեցել տեսաուղերձով, որում մեկնաբանել է հայ համայնքին հուզող հարցերը։ Մասնավորապես, նա նշել է, որ Օսմանյան կայսրությունում Հայոց ցեղասպանությունը պետք է անպայման խոստովանել։

«Ինչպես նահանգի դեպքում, այնպես էլ Գաբարդի հայտարարության մասով այստեղ շահարկումներ չկան Հայոց ցեղասպանության թեմայով։ Ինչպիսի՞ օգուտ կարող է ունենալ նահանգը կամ ԱՄՆ նախագահի հենց այդ թեկնածուն», – ասում է Մանոյանը։

Նա նշեց, որ Գաբարդը հնչեցրել է իր դիրքորոշումը Հայկական հարցի մասին դեռ 2017թ–ին, երբ այցելել է Արցախ։ Հետևաբար, կասկած չկա, որ նա հետագայում կարող է մոռանալ իր խոսքերը կամ անտեսել դրանք, նշեց Մանոյանը։

Նշենք, որ 2017թ–ի հոկտեմբերից արդարադատության և մարդու իրավունքների հարցերով հայկական իրավաբանական կենտրոնը զբաղվում է Օսմանյան կայսրությունում հայերի ունեցվածքի մասին տվյալների բազա ստեղծելով։

թեմա:
Հայոց ցեղասպանություն (193)

Ըստ թեմայի

Ջորկաեֆի դպրոցական շարադրությունը կամ ինչու՞ Թուրքիան չսիրեց տաղանդավոր ֆուտբոլիստին
Սալոմե Զուրաբիշվիլիի պաշտոնական այցը մեկնարկեց Ծիծեռնակաբերդ հուշահամալիր այցելությամբ
«Սրտանց կարեկցում եմ հայ ժողովրդին». Վրաստանի նախագահը գրառում է կատարել Հուշամատյանում
Եթե հայերն ու հույները հավատան իրար, հունական ապրանքը կկարողանա փոխարինել թուրքականին
Արցախ այցելած կին կոնգրեսականն ԱՄՆ նախագահի թեկնածու է. տեսանյութ
Արփինե Հովհաննիսյանի ընկերուհին պատրաստվում է ԱՄՆ նախագահ դառնալ
թեգերը:
Ցեղասպանություն, Դոնալդ Թրամփ, Ամերիկայի Միացյալ Նահանգներ

Գլխավոր թեմաներ