21:45 19 մայիսի 2019
Ուղիղ եթեր
  • USD479.72
  • GBP612.17
  • EUR535.56
  • RUB7.43
Նիկոլ Փաշինյանը ընդունեց ՄԽ համանախագահներին

Փաշինյանը պատրաստվում է մեկնաբանություններ պահանջել ԵԱՀԿ ՄԽ համանախագահներից

© Photo / official site of the Prime minister of RA
Քաղաքականություն
Ստանալ կարճ հղումը
165 0 0

ՀՀ վարչապետը չցանկացավ մեկնաբանել մադրիդյան սկզբունքների շուրջ հայկական կողմի դիրքորոշումը։ Դրա համար նախ պետք է հասկանալ ԵԱՀԿ ՄԽ համանախագահների ու ադրբեջանական կողմի մեկնաբանությունն այդ փաստաթղթի վերաբերյալ։

ԵՐԵՎԱՆ, 27 մարտի — Sputnik. Մարդիկ մի սենյակում նստում խոսում են, հետո այդ սենյակից դուրս են գալիս լրիվ տարբեր բաներ են ասում։ Այսօր Աժ–ում, պատգամավորների հետ հարցուպատասխանի ժամանակ, Նիկոլ Փաշինյանն այսպես ներկայացրեց արցախյան բանակցային պրոցեսի, մասնավորապես` 3 սկզբունքների ու 6 բաղադրիչների մասին մինչ օրս երկու կողմերի ու եռանախագահների տրամագծորեն տարբերվող հայտարարությունները։

«Քանի որ երկու օրից բուն բանակցային գործընթացն է, ես այսօր այստեղ հարցադրումներ չեմ անի։ Ես հարցադրումները կանեմ տեղում, և հետո հաճույքով ձեզ կպատմեմ, թե ինչ հարցադրումներ են դրանք ու ինչպիսին է իմ տպավորությունը դրանց վերաբերյալ»,– ասաց Փաշինյանը։

Այդուհանդերձ, ՀՀ վարչապետը կարևորեց, որ բանակցային սկզբունքների շուրջ կողմերի դիրքորոշումները պետք է հստակեցվեն` ելնելով այն տրամաբանությունից, թե բանակցությունները տարվում են խնդիրը լուծելու, թե չլուծելու համար։

Նիկոլ Փաշինյանը կրկնեց նաև այն, ինչ արդեն ասել էր օրեր առաջ, լրագրողների հետ հանդիպմանը, թե բանակցային պրոցեսի ընթացքն ու ներկա վիճակն ուսումնասիրելու ճանապարհին դիմել է նախկինում դրանում ներգրավված պաշտոնյաներին` բանակցային սեղանին դրված փաստաթղթերի շուրջ իրական մեկնաբանություններ ստանալու համար։

«Այն մեկնաբանությունները, որ տալիս է Ադրբեջանը մադրիդյան սկզբունքներին, դրանք մեզ համար անընդունելի են։ Բայց կարող է պարզվել, որ Ադրբեջանի մեկնաբանությունը համանախագահների մեկնաբանությամբ սխալ է։ Քանի դեռ ես համանախագահների մեկնաբանությունը չեմ լսել, ինչպե՞ս ասեմ` այդ սկզբունքները մեզ համար ընդունելի են, թե ընդունելի չեն»,– ասաց Փաշինյանը։

Իսկ խնդրի լուծման ու բանակցությունների շարունակության համար, Փաշինյանի խոսքով, մադրիդյան սկզբունքները պետք է ընդունելի լինեն ոչ միայն Հայաստանի, այլև Ադրբեջանի համար։

ՀՀ վարչապետ Նիկոլ Փաշինյանը մարտի 28-29-ին աշխատանքային այցով կմեկնի Ավստրիայի Հանրապետություն:

ԵԱՀԿ Մինսկի խմբի համանախագահ երկրների նախաձեռնությամբ Վիեննայում տեղի կունենա Նիկոլ Փաշինյանի հանդիպումն Ադրբեջանի նախագահ Իլհամ Ալիևի հետ:

Այցի շրջանակում Նիկոլ Փաշինյանը հանդիպում կունենա նաև Ավստրիայի կանցլեր Սեբաստիան Կուրցի և նախագահ Ալեքսանդր Վան Դեր Բելենի հետ:

Նախատեսված է նաև վարչապետի հանդիպումը տեղի համայնքի ներկայացուցիչների հետ:

Ըստ թեմայի

Ռազմարդյունաբերության համար փող կա, գաղափարներ` ոչ. Փաշինյան
Չենք ուզում, որ Հայաստանը լինի էժան աշխատուժի երկիր. Փաշինյան
Նախարարությունները կրճատման տեղ էլի ունեն. Նիկոլ Փաշինյան
Ինչպես է պետբյուջեն այս տարի աճելու 40 մլն դրամով. բացատրում է Նիկոլ Փաշինյանը
ԵԽԽՎ նախագահը ողջունում է Փաշինյանի բարեփոխումների նախաձեռնումը. հանդիպում Երևանում

Գլխավոր թեմաներ