22:59 20 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Արմեն Աշոտյան

Սերժ Սարգսյանը խոսելու է. Աշոտյան

© Sputnik / Asatur Yesayants
Քաղաքականություն
Ստանալ կարճ հղումը
22720

Սերժ Սարգսյանը չի լքել քաղաքական դաշտը և չի էլ պատրաստվում լքել։

ԵՐԵՎԱՆ, 2 ապրիլի – Sputnik. ՀՀ 3-րդ նախագահ Սերժ Սարգսյանը կխոսի, երբ պատեհ ժամանակը գա։ Այսօր «Եռաբլուր» պանթեոնում այս մասին ասաց ՀՀԿ փոխնախագահ Արմեն Աշոտյանը։

«Ամեն ինչ ունի իր ժամանակը։ Սերժ Սարգսյանը խոսելու է։ Նա մնացել է քաղաքականության մեջ, ՀՀԿ–ի ղեկավարն է, հետևաբար նա շատ լավ գիտի, որ կան հարցեր, որոնց վերաբերյալ ժողովուրդն ակնկալում է նրա գնահատականը»,– ասաց նա։

Նրա խոսքով` մեկ հարցազրույցով դժվար թե հնարավոր լինի ընդգրկել բոլոր հարցերի շրջանակը։

«Բայց հավաստիացնում եմ, որ Սարգսյանի առաջնորդական խոսքը շուտով լինելու է քաղաքական օրակարգի բաղկացուցիչ մաս։ Երբ Սերժ Սարգսյանը որոշի խոսել, խոսելու է հայկական լսարանի հետ։ Ֆորմատի մասին դեռ ոչինչ ասել չեմ կարող, տարբեր ձևաչափեր են քննարկվում։ Արդեն ունենք մեկ տասնյակ հրավեր տարբեր լրատվամիջոցներից, որ հարցազրույցը կազմակերպվի հենց իրենց հետ»,– ասաց Աշոտյանը։

Նա ավելացրեց, որ թեև իրենք գրեթե ամեն օր շփվում են, բայց իրեն էլ է շատ հետաքրքիր լսել Սերժ Սարգսյանի խոսքը։ Աշոտյանը վստահեցրեց` Սարգսյանը չի լքել քաղաքական դաշտը և չի էլ պատրաստվում լքել։

Նշենք, որ այսօր Սերժ Սարգսյանն այցելեց «Եռաբլուր» պանթեոն, բայց չպատասխանեց լրագրողների հարցերին, միայն մեկ նախադասություն ասաց։

Այսօր ապրիլյան քառօրյա պատերազմի երրորդ տարելիցի կապակցությամբ «Եռաբլուր» էր այցելել նաև ՀՀ ղեկավար կազմը` ՀՀ վարչապետ Նիկոլ Փաշինյանի գլխավորությամբ։

Ըստ թեմայի

Ինչո՞ւ Սերժ Սարգսյանը նստած չէ. հարցին պատասխանում է Նիկոլ Փաշինյանը
ՀՀ երրորդ նախագահ Սերժ Սարգսյանը հրաժարականից հետո առաջին անգամ մեկնաբանություն է տվել
ՀՀԿ վերնախավն այցելել է քաղաքային պանթեոն. ներկա էր Սերժ Սարգսյանը
թեգերը:
Արմեն Աշոտյան, Սերժ Սարգսյան, Հայաստան

Գլխավոր թեմաներ