05:04 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Փաշինյանն ու Ալիևը

Ի՞նչ ռազմավարություն է որդեգրել Բաքուն Երևանի հետ հարաբերություններում. Պողոսյանի տեսակետը

© press office of the government of RA
Քաղաքականություն
Ստանալ կարճ հղումը
59 0 0

Փորձագետները կարծում են, որ Հայաստանը պետք է պատրաստ լինի ցանկացած սցենարի, գործողությունների մի քանի տարբերակ ունենա։

ԵՐԵՎԱՆ, 5 ապրիլի — Sputnik. Հայաստանի և Ադրբեջանի առաջնորդների վիեննական հանդիպումը որևէ նորություն չի բերել ղարաբաղյան հակամարտության կարգավորման գործընթացին, և հայ հասարակությունը ներկա փուլում չպետք է որևէ առանձնահատուկ սպասումներ ունենա։ Այսօր հրավիրված ասուլիսի ժամանակ այս մասին ասաց քաղաքագետ, «Մարդկային զարգացման միջազգային կենտրոն» հասարակական կազմակերպության նախագահ Թևան Պողոսյանը։

Նա կարծում է, որ հիմքեր չկան չհավատալու ՀՀ վարչապետ Նիկոլ Փաշինյանի` հանդիպման մանրամասների վերաբերյալ ասածին։ Բայց երբ նրա ասածը կասկածի տակ է դրվում, և տարատեսակ սպեկուլյացիաներ ու ասեկոսեներ են տարածվում, հայ հասարակությունը հայտնվում է Ադրբեջանի տեղեկատվական ծուղակում։

Ինչպես կարծում է Պողոսյանը, Ադրբեջանի իշխանությունները հետևողականորեն փորձում են պառակտում մտցնել հայ հասարակության մեջ, անվստահության մթնոլորտ ստեղծել սեփական իշխանության նկատմամբ, խառնաշփոթ առաջացնել։ Հենց այդ պատճառով էլ վիեննական հանդիպումից հետո Ալիևը հայտարարեց, որ բանակցությունների ձևաչափն անփոփոխ է մնում։ Դա արվում է մի նպատակով` ցույց տալու համար, թե իբր բանակցությունների նախաձեռնությունն Ադրբեջանի ձեռքերում է։

Քաղաքագետի կարծիքով` Բաքուն կշարունակի իր ռազմավարությունը, որն ուղղված է Հայաստանի տնտեսական թուլացմանը` ղարաբաղյան հակամարտության գոտում իրավիճակն ապակայունացնելու շնորհիվ։ Արցախում տարբեր սադրանքներն ու սրացման դեպքերը միտված կլինեն Հայաստանի տնտեսության մեջ պոտենցիալ ներդրողներին վանելուն, կարծում է Պողոսյանը։

«Իմանալով հակառակորդի այդ ծրագրերի ու մտադրությունների մասին` մենք պետք է սեփական օրակարգը մշակենք և նախաձեռնությունը մեր ձեռքն առնենք։ Դա հնարավոր կլինի, եթե մենք ինքնատիպ իմունիտետ մշակենք Բաքվի ապակառուցողական գործողությունների նկատմամբ», – ասաց փորձագետը։

Պողոսյանը համոզված է, որ Հայաստանը պետք է պատրաստ լինի ցանկացած սցենարի, գլխում գործողությունների մի քանի տարբերակ ունենա։

Ըստ թեմայի

Ավստրիայի կանցլերը Վիեննայում առանձին հանդիպումներ է ունեցել Փաշինյանի և Ալիևի հետ
Փաշինյանը Վիեննայում պատմել է Ալիևի հետ հանդիպման արդյունքների մասին
Արցախի շուրջ գաղտնի գործընթաց չկա, ՀՀ իշխանությունն անկեղծ է հասարակության հետ. պատգամավոր
Ալիևը Պուտինի հետ զրույցում պատմել է Փաշինյանի հետ հանդիպման արդյունքների մասին
թեգերը:
Ադրբեջան, Հայաստան

Գլխավոր թեմաներ