15:18 21 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Նիկոլ Փաշինյան. ՀՀ վարչապետ

Մենք խաղաղություն պարտադրողի դերում ենք լինելու և ոչ պատերազմից վախեցողի. Փաշինյան

© Sputnik / Asatur Yesayants.
Քաղաքականություն
Ստանալ կարճ հղումը
158 0 0

ԱԺ «Իմ քայլը» խմբակցության հետ հանդիպումից հետո ՀՀ վարչապետ Նիկոլ Փաշինյանը ճեմասրահում պատասխանել է լրագրողների հարցերին:

ԵՐԵՎԱՆ, 8 ապրիլի — Sputnik. Ազգային ժողովում ավարտվեց վարչապետ Նիկոլ Փաշինյանի հանդիպումը խորհրդարանական մեծամասնության ներկայացուցիչների հետ:

Վարչապետը մոտեցավ ճեմասրահում իրեն 1 ժամից ավելի սպասող լրագրողներին և համաձայնեց պատասխանել մի քանի հարցերի:

«Սպայկա» ընկերության շուրջ ստեղծված իրավիճակում գյուղատնտեսական արտադրանքի մթերումը տապալելու հարցին ի պատասխանը Փաշինյանը շեշտեց, որ չի կարծում, թե  որևէ ընկերություն ի զորու է շանտաժի  լեզվով խոսել ՀՀ քաղաքացու, գյուղացու և կառավարության հետ:

Լրագրողները հետաքրքրվեցին նաև ղարաբաղյան հիմնախնդրի շուրջ բանակցությունների արդյունքներից: Փաշինյանը արձանագրեց, որ պետք չէ հարցին մոտենալ այն տեսանկյունից, թե եթե Ղարաբաղի հարցը չի կարգավորվել, ուրեմն որևէ բանակցություն արդյունավետ չի:

Ինչ վերաբերում է ժողովուրդներին խաղաղության նախապատրաստելու մասին հայտարարությանն ի պատասխան Բաքվից հնչող այն մտքին, թե իրենք բանակը պատրաստում են պատերազմի, ՀՀ վարչապետը կտրուկ արձագանքեց.

«Մենք ասում ենք ՝ մեզ մի վախեցրեք պատերազմով, որովհետև մենք պատերազմից վախեցող չենք: Մենք ասում ենք՝ մենք թիվ մեկ ջատագովն ենք, որ Ղարաբաղի հարցը լուծվի խաղաղ ճանապարհով և մենք ամեն ինչ անելու ենք խաղաղության օրակարգի առաջմղման համար: Բայց դա չի նշանակում, թե մենք պատերազմի սպառնալիքից վախենալու ենք. ավեի շատ Ադրբեջանն ունի վախենալու բան, վախենալու բան ունի ամբողջ տարածաշրջանը»:

Վարչապետը կրկին շեշտեց՝ եթե մեզ պարտադրվի պատերազմ, մենք հակառակորդին խաղաղություն պարտադրողի դերում ենք լինելու:

Ըստ թեմայի

Մի կռվիր, թե չէ ավելի վատ կլինի. Տոնոյանը ճիշտ բառեր գտավ
Քաղտեխնոլոգը պարզաբանել է Փաշինյանի ու Տոնոյանի հռետորաբանությունը
Եթե Տոնոյանն այլ հայտարարություն աներ, ես նրան կազատեի պաշտոնից. Փաշինյան
Թաթոյանը կայցելի կալանավորված Դավիթ Ղազարյանին
ՊԵԿ-ը կոչ է անում «Սպայկային» մանիպուլյացիայի չենթարկել հանրային կարծիքը
Երևանում կրկին բողոքի ակցիա էր. ի՞նչ էին պահանջում «Սպայկայի» աշխատակիցները. տեսանյութ
«Սպայկան» բավարարված չէ Փաշինյանի պատասխանից. ակցիան ավարտվեց` վերսկսվելու ակնկալիքով
«Սպայկայի» աշխատակիցները վճռական են տրամադրված. բողոքի ցույց Երևանում
թեգերը:
Դավիթ Տոնոյան, Արցախ, Նիկոլ Փաշինյան

Գլխավոր թեմաներ