02:22 06 դեկտեմբերի 2019
Ուղիղ եթեր
  • USD477.94
  • GBP627.63
  • EUR530.13
  • RUB7.49
Սերժ Սարգսյան. ՀՀԿ նախագահ, ՀՀ երրորդ նախագահ

«Մոդայից հետ եմ ընկել». Սերժ Սարգսյանը ողջունել է ՀՀԿ անդամագրվելու դիմած երիտասարդներին

© Sputnik / Asatur Yesayants
Քաղաքականություն
Ստանալ կարճ հղումը
52511

ՀՀ երրորդ նախագահը երկարատև ընդմիջումից հետո շփվել է լրագրողների հետ:

ԵՐԵՎԱՆ, 22 ապրիլի — Sputnik. Հայաստանի Հանրապետական կուսակցության երիտասարդական թևին միանալու համար ՀՀԿ են դիմել տասնյակ երիտասարդներ։

Կուսակցության գրասենյակում այսօր՝ ապրիլի 22-ին, նրանց ողջունել է կուսակցության նախագահ Սերժ Սարգսյանը։

Դիմելով երիտասարդներին՝ ՀՀ երրորդ նախագահը ասել է, որ ասելիք շատ ունի, սակայն հիմա միայն շնորհավորում է։

«Յուրաքանչյուր ոք, ով անդամագրվում է որևէ կուսակցության, նշանակում է՝ պատրաստ է ակտիվ մասնակցելու քաղաքական գործընթացներին։ Ձեզ հաջողություն եմ մաղթում և ցանկանում եմ, որ այս շենքը, որտեղ տեղակայված է ՀՀԿ ղեկավար մարմինը, ձեզ համար մշտապես լինի ցանկալի վայր։ Ես կցանկանայի, որ դուք ունենայիք հստակ քաղաքացիական կեցվածք»,- ասել է Սերժ Սարգսյանը։

Ելույթի ավարտին ներկաներից մի երիտասարդ աղջիկ, Սերժ Սարգսյանին դիմելով,  հարց տալու փոխարեն խնդրեց վերադառնալ:

Ի պատասխան՝ ՀՀԿ նախագահը ասաց, որ այս պահին նրանց շատ ասելիքներ չունի.

«Կունենամ այն ժամանակ, երբ բոլոր դեպքերում մի ընդհանրական խոսք կասեմ ու կպատասխանեմ մեզնով հետաքրքրվող լրատվամիջոցների հարցերին»,- շեշտեց Ս. Սարգսյանը։

Լրագրողի հարցին, թե մեկ տարվա ընթացքում ի՞նչ փոփոխություններ է նկատում Հայաստանում, Սերժ Սարգսյանը պատասխանեց, որ բազմիցս ասել է՝ կգա ժամանակ, և  բոլոր հարցերին կպատասխանի: «Երբ ժամանակը գա, բազում հարցերի կպատասխանեմ»,- եզրափակեց Սարգսյանը։

Հանդիպման ավարտին, երբ երիտասարդները նկարվում էին Սերժ Սարգսյանի հետ, տղաներից մեկը ՀՀ երրորդ նախագահին խնդրեց սելֆի անել` նշելով, թե սա նոր սերնդի լուսանկար է:

«Ես մի քիչ այս մոդայից հետ եմ ընկել»,- կատակել է  Սերժ Սարգսյանը:

Ըստ թեմայի

Նիկոլ Փաշինյանն ասաց, թե ինչու Սերժ Սարգսյանի նկատմամբ քրեական գործ չի հարուցվում
Նորաձևության բանավեճ Հայաստանի խորհրդարանում. ի՞նչ պիջակներ էր Մարուքյանը փորձում
Սերժ Սարգսյանի աշխատանքային իրավունքները նույնպես խախտվել են. Փաշինյանի համեմատությունը
թեգերը:
Հայաստան, Հայաստանի Հանրապետական կուսակցություն (ՀՀԿ), Սերժ Սարգսյան

Գլխավոր թեմաներ