21:43 19 մայիսի 2019
Ուղիղ եթեր
  • USD479.72
  • GBP612.17
  • EUR535.56
  • RUB7.43
Զոհրաբ Մնացականյան. ՀՀ արտգործնախարար

ՀՀ-ն ու Թուրքիան կորցրել են հարաբերությունները կարգավորելու հնարավորությունը. Մնացականյան

© Sputnik / Aram Nersesyan ,
Քաղաքականություն
Ստանալ կարճ հղումը
162 0 0

Հայաստանի ու Թուրքիայի միջև առկա հարաբերությունները լավատեսություն չեն ներշնչում ու նույնիսկ չեն հուսադրում, որ ապագայում առաջխաղացումներ կլինեն։ Սրանում վստահ է ՀՀ արտգործնախարար Զոհրաբ Մնացականյանը։

ԵՐԵՎԱՆ, 25 ապրիլի — Sputnik. Հայաստանն ու Թուրքիային կորցրել են երկկողմանի հարաբերությունները կարգավորելու հնարավորությունը ու դրա մեղավորն Անկարան է։ Այս մասին 1in.am–ի ուղիղ եթերում ասաց ՀՀ արտգործնախարար Զոհրաբ Մնացականյանը։

Խոսքը 2009 թվականի հոկտեմբերի իրադարձությունների մասին է։ Այն ժամանակ երկու երկրների արտգործնախարարները դիվանագիտական հարաբերությունների հաստատման ու առանց նախապայմանների երկկողմանի հարաբերությունների զարգացման մասին արձանագրություններ էին կնքել։ Սակայն ավելի ուշ Թուրքիան հրաժարվեց վավերացնել դրանք` առաջ քաշելով նախապայման՝ հայկական զինված ուժերը իրենց խոսքով «գրաված տարածքներից» հանելու հարցը։

Հայաստանի իշխանությունը մի քանի տարի չէր փակում բանակցությունների դուռը։ Բայց 2018 թվականի մարտի 1–ին ՀՀ նախկին նախագահ Սերժ Սարգսյանը արձանագրությունների չեղարկման մասին  հրահանգ ստորագրեց։

«Ցավոք այսօրվա իրավիճակը չի հուսադրում, որ մենք ունենք որևէ ճանապարհ, ուղղություն հարաբերությունների առաջխաղացման համար։ Հայաստանը 2009 թվականի ցյուրիխյան արձանագրությունների համար մեծ ջանք էր գործադրել», – ասաց Մնացականյանը։

Նա ընդգծեց, որ Թուրքիան ինքն է փակել դռները, չի ընդունել դա։ Նա նշեց, որ Թուրքիայի կոչերը, որոնք Հայաստանը տարիներ շարունակ լսում է, պետք է դատապարտվեն։

Ինչ վերաբերում է արձանագրություններին` Մնացականյանն ընդգծեց, որ այսօր հնարավոր չէ գնահատական տալ, սակայն մի բան պարզ է` դրանից բոլորը հնարավորություն կորցրեցին, ու դրա մեղավորը Թուրքիան։

Ինչ վերաբերում է Անկարայի արձագանքին կապված Հայոց ցեղասպանության 104-րդ  տարելիցին ԱՄՆ նախագահ Դոնալդ Թրամփի արած հայտարարության հետ, Մնացականյանը նշեց, որ այն անընդունելի էր ու ցույց է տալիս, որ Թուրքիան չի ցանկանում առերեսվել սեփական պատմության հետ։

«Այն ինչ երեկ ասվեց, դատապարտելի է ու անընդունելի։ Դա նույնիսկ ոչ թե Հայոց ցեղասպանության ժխտում, այլ արդարացում է: Արդարացնելով Հայոց ցեղասպանությունը` Էրդողանը փաստացի ընդունում է, որ կառավարությունն էր ծրագրել դա», – ասաց Մնացականյանը։

Հիշեցնենք` ԱՄՆ նախագահ Դոնալդ Թրամփը ուղերձ էր հղել Հայաստանի պատմության համար ողբերգական օրվա կապակցությամբ ու չէր արտասանել «ցեղասպանություն» բառը։

Միաժամանակ Անկարան հերքեր էլ ԱՄՆ նախագահի հայտարարությունը Հայոց ցեղասպանության զոհերի հիշատակի օրվա կապակցությամբ։

Ըստ թեմայի

«Իրականում». ԱՄՆ-Թուրքիա հարաբերությունները չեն հարթվում Ռուսաստանի ու Իսրայելի պատճառո՞վ
Հայ գաղտնի գործակալ Հրաչ-Մեհմեդը՝ թուրքերի մեջ. առաքելությունն անիրագործելի չէր
«Թուրքիան ձախողվել է, ես ծնվել եմ ապրիլի 24–ին». Ալեքսիս Օհանյանը տոնելու և սիրելու է
Մայրը երեխային նետել է ժայռից` եղբորը փրկելու համար. Դեր Զորի սարսափելի երկար ճանապարհը
Գնել ապագան կամ լաց օրորոցայինից. ինչպես էին Ցեղասպանության տարիներին փրկում հայ որբերին
թեգերը:
Հայաստան, Թուրքիա

Գլխավոր թեմաներ