12:34 12 դեկտեմբերի 2019
Ուղիղ եթեր
  • USD478.02
  • GBP628.02
  • EUR529.79
  • RUB7.53
Նիկոլ Փաշինյանը Արցախում. արխիվային լուսանկար

Ինչո՞ւ Արցախի նախագահները Մանվել Գրիգորյանի համար էլ դիմում չեն գրել. Փաշինյան

© Photo : official site of the PM of RA
Քաղաքականություն
Ստանալ կարճ հղումը
26311

Փաշինյանը նշեց, որ եթե որևէ մեկին թվում է, որ Մանվել Գրիգորյանին մեղսագրվող արարքն ավելի ծանր է, քան Ռոբերտ Քոչարյանինը, սխալվում է։

ԵՐԵՎԱՆ, 8 մայիսի — Sputnik. ՀՀ գլխավոր դատախազը, եթե նույնիսկ շատ ուզենա, չի կարող այդ հարցը լուծել: Պաշտոնավարման 1 տարին ամփոփելիս ասաց ՀՀ վարչապետ Նիկոլ Փաշինյանը` անդրադառնալով երեկ` ՀՀ գլխավոր դատախազին ուղղված Արցախի գործող և նախկին նախագահներ Բակո Սահակյանի ու Արկադի Ղուկասյանի դիմումին։

Նշենք, որ նախագահները դիմել էին դատախազին` ՀՀ երկրորդ նախագահ Ռոբերտ Քոչարյանի խափանման միջոց կալանքը փոխելու հարցով:

«Այստեղ աշխատակազմերի և իրավախորհրդատուների սխալն է, այսինքն` Արցախի նախագահի իրավախորհրդատուները ճիշտ խորհուրդներ պետք է տան։ Այդ հարցն այլևս գլխավոր դատախազի տիրույթում չէ, գործն ուղարկվել է դատարան»,–ասաց վարչապետը։

Նրա խոսքով` մարդկայնորեն կարող է հասկանալ Արցախի նախագահների դիմումը, որովհետև ենթադրում է՝ ընկերական հարաբերություններ կան մեջտեղում։ Բայց, այնուամենայնիվ, հարցեր են ծագում սրա հետ կապված։ Փաշինյանը նշեց, որ, օրինակ, այսօր բանտում է նաև Արցախի հերոս Մանվել Գրիգորյանը:

«Ինչո՞ւ իրենց միջնորդության մեջ Մանվել Գրիգորյանի համար էլ չեն խնդրել, ո՞րն է պատճառը: Ռոբերտ Քոչարյանը կամ Արկադի Ղուկասյանը պետք է Մանվել Գրիգորյանին Արցախի հերոսի կոչում շնորհած լինեին, և ինչո՞ւ իր համար չեն միջնորդել, ի՞նչ սկզբունք է գործել»,–ասաց նա։

Փաշինյանը նշեց, որ եթե որևէ մեկին թվում է, որ Մանվել Գրիգորյանին մեղսագրվող արարքն ավելի ծանր է, քան Ռոբերտ Քոչարյանինը, չափազանց սխալվում է։ «Իմ կարծիքով, դե յուրե Քոչարյանին մեղսագրվող արարքը շատ ավելի ծանր է»,–ասաց նա։

ՀՀ վարչապետը նշեց, որ, օրինակ, ՊՎԾ պետ Դավիթ Սանասարյանն իր ընկերն է, և ինչ` նշանակում է իր ընկերները օրենքից վե՞ր են։ Ըստ նրա` եթե իր ընկերներն օրենքից վեր չեն, ուրիշ ոչ մեկի ընկերները չեն կարող օրենքից վեր լինել։ Վարչապետն իր խոսքն այս հարցի առնչությամբ ամփոփեց` ասելով, թե ցավում է, որ մարդիկ հարցն ընկալում են ընկերական, ախպերական տրամաբանության մեջ:

Ըստ թեմայի

Փաշինյանի հարցը Սերժ Սարգսյանին. ի՞նչ է ուզում նա ճշտել նախկին նախագահից
Մենք ուզում ենք երկրում նոր Սերժ Սարգսյա՞ն. Փաշինյանը` սուպերվարչապետական համակարգի մասին
Պատերազմի հավանականություն կա՞. Փաշինյանն ասաց, թե ինչ են խոսում Ադրբեջանի նախագահի հետ
թեգերը:
Մանվել Գրիգորյան, Նիկոլ Փաշինյան, Բակո Սահակյան, Ռոբերտ Քոչարյան, Արցախ, Հայաստան

Գլխավոր թեմաներ