03:21 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Ռոբերտ Քոչարյան. ՀՀ երկրորդ նախագահ

Քոչարեան պատմեց, թէ 2008-ին ինչ տեսանիւթ իրեն ցոյց տուած է նախկին ԱԱԾ տնօրէնը

© Sputnik / Aram Nersesyan ,
Քաղաքականություն
Ստանալ կարճ հղումը
Ռոբերտ Քոչարյանի գործը (284)
236 0 0

Ռոբերտ Քոչարեան դատական նիստին ընթացքին խօսած է այն տեսանիւթին մասին, որ իրեն ժամանակին ցոյց տուած է ԱԱԾ նախկին տնօրէնը:

ԵՐԵՒԱՆ, 16 մայիսի — Sputnik. ՀՀ երկրորդ նախագահ Ռոբերտ Քոչարեանի պաշտպաններէն Յովհաննէս Խուդոյեան այսօր դատարանին մէջ միջնորդեց թոյլատրել դատարանին ներկայացնել տեսանիւթ, որուն մէկ մասը քրէական գործին մէջ առկայ է, իսկ միւս մասը` ոչ:

«Կը խնդրեմ ապահովել տեխնիկական միջոցներ, որպէսզի մեր ձեռքին տակ եղած տեսանիւթը ցուցադրենք»,– ըսաւ պաշտպանը` նշելով, որ ինք կրնայ այդ տեսանիւթին մէջ կատարուածը ներկայացնել բառերով, սակայն ատիկա կը տեւէ երկու ժամ:

Խուդոյեանի խօսքով` տեսանիւթին մէջ կ’երեւի, թէ ինչպէս  ոստիկաններուն ուղղութեամբ նռնակ կը նետեն:

Դատարանը, սակայն, մերժեց այդ միջնորդութիւնը: Դատաւոր Դաւիթ Գրիգորեան յայտարարեց, որ այդ տեսանիւթն այս փուլին մէջ չուսումնասիրուիր: Քոչարեանի պաշտպանները առարկեցին դատարանի որոշման դէմ:

Ռոբերտ Քոչարեան դատական նիստին ընթացքին խօսած է այն տեսանիւթին մասին, որ իրեն ժամանակին ցոյց  տուած է ԱԱԾ նախկին տնօրէնը:

ԱԱԾ  նախկին տնօրէն Գորիկ Յակոբեան Ռոբերտ Քոչարեանի գրասենեակ տարած է ու ցոյց տուած տեսանիւթ մը, ուր կ’երեւի՝ ինչպէս ոստիկաններուն ուղղութեամբ նռնակ կը նետեն: Այսօր Երեւան քաղաքի ընդհանուր իրաւասութեան դատարանին մէջ ընթացող դատական նիստի ժամանակ այս մասին յայտարարեց ՀՀ երկրորդ նախագահ Ռոբերտ Քոչարեան:

«Մենք կ’ուզենք հիմա մեր ձեռքին տակ եղած այդ տեսանիւթը ցուցադրել, քանի որ քննչական մարմինը սկիզբէն կտրուկ կը մերժէր, որ այդպիսի նիւթեր ունի: Այդ տեսանիւթն ինծի անձամբ Գորիկ Յակոբեանը  ցոյց տուած է»,–ըսաւ ան:

Անոր խօսքով` Գորիկ Յակոբեան իրեն ըսած է, որ, այո, 2008 թուականի մարտի դէպքերուն ժամանակ զէնք կիրառուած է, նռնակներ կան:

Ըստ Քոչարեանի` երբ մամուլին մէջ սկսած են քննադատել, թէ նման բան չկայ, Յակոբեան տեսանիւթը բերած ու ցոյց տուած է: Անոր հաւաստմամբ` տեսանիւթին մէջ կան  շարք մը դրուագներ, որոնք այսօր որեւէ տեղ չկան: «Ես չեմ գիտեր` ուր են այդ հատուածները: Նիւթերուն մէջ կար` ինչպէս  նռնակէն ոստիկանութեան հրամանատարը կը զոհուի, իսկ հիմա չկայ այդ ամէնը»,–ըսաւ Քոչարեան:

ԱԱԾ նախկին ղեկավար Գորիկ Յակոբեանը մահացած է 2017 թուականին:

Յիշեցնենք` Երեւանի ընդհանուր իրաւասութեան դատարանի Նոր Նորք–Աւան համայնքներու նստավայրին մէջ արդէն չորրորդ օրն է, որ կ’ընթանայ Մարտ 1-ի գործով դատավարութիւնը: Դատարանը ներկայ փուլին մէջ կը քննարկէ Ռոբերտ Քոչարեանի կալանքի տակ մնալ–չմնալու հարցը:

Մարտ 1-ի գործով ամբաստանեալները  4 հոգի են` ՀՀ երկրորդ նախագահ Ռոբերտ Քոչարեանը, պաշտպանութեան նախկին նախարար Սէյրան Օհանեանը, Զինուած ուժերու գլխաւոր գրասենեակի  նախկին պետ Եուրի Խաչատուրովը, 2008-ին Հայաստանի նախագահի աշխատակազմի ղեկավար, Անվտանգութեան խորհուրդի քարտուղար Արմէն Գէորգեանը: Դատավարութիւնը մեկնարկած է մայիս 13-ին:

Յիշեցնենք, որ այսօր դատարան  ներկայացան Արցախի նախկին նախագահ Արկադի Ղուկասեանն ու գործող նախագահ Բակօ Սահակեանը:

Մարտ 1-ի գիշերը Ազատութեան հրապարակին վրայ ոստիկանական ուժերը հետախուզական գործողութիւններ  իրականացուցած էին «տեղանքը ստուգելու» համար եւ հազարաւոր ցուցարարներու հեռացուցած էին հրապարակէն:

Մարտ 1-ի երեկոյեան ԶՈՒ եւ ոստիկանութեան ստորաբաժանումները Երեւանի կեդրոնական փողոցներուն մէջ զէնքի, պայթուցիկ սարքերու եւ յատուկ միջոցներու օգնութեամբ ցուցարարները ցրելու համար յատուկ գործողութիւններ  իրականացուցած էին: Հարիւրաւոր մարդիկ վնասուածքներ  ստացած էին, մահացած էին 8 քաղաքացիական անձ եւ 2 ոստիկան:

թեմա:
Ռոբերտ Քոչարյանի գործը (284)

Ըստ թեմայի

Զինադադարէն 25 տարի ետք, հակամարտութեան գօտիին մէջ նախկինին նման կը հնչեն կրակոցներ
Թուրքիոյ մէջ հայ տղան բռնի իսլամութիւն ընդունած է. ի՞նչ պէտք է ձեռնարկէ ՀՀ իշխանութիւնը
Մեսչեանը հետաքրքրուած է․ Հանրապետութեան հրապարակի ստորգետնեայ քաղաքը կը բանա՞ն
թեգերը:
Ռոբերտ Քոչարյան

Գլխավոր թեմաներ