06:39 18 հոկտեմբերի 2019
Ուղիղ եթեր
  • USD476.43
  • GBP615.98
  • EUR529.69
  • RUB7.45
ՀՀ Սահմանադրական դատարան. արդարադատություն

Դատարանների ելքն ու մուտքը փակելը քրեական պատասխանատվություն է նախատեսում. իրավագետ

© Sputnik / Asatur Yesayants.
Քաղաքականություն
Ստանալ կարճ հղումը
162652

Արդարադատության իրականացմանը խոչընդոտելը պատիժ է նախատեսում ՀՀ Քրեական օրենսգրքի 332–րդ հոդվածով, այն է` Արդարադատության իրականացմանը և քննությանը խոչընդոտելը։

ԵՐԵՎԱՆ, 19 մայիսի — Sputnik. Դատարանների ելքն ու մուտքերը փակելն արդարադատության իրականացմանը խոչընդոտել է նշանակում, իսկ դրա համար Քրեական օրենսգրքով պատասխանատվություն է նախատեսվում։

Այս մասին Sputnik Արմենիայի հետ զրույցում հայտնեց ԵՊՀ Սահմանադրական իրավունքի ամբիոնի վարիչ, իրավաբանական գիտությունների թեկնածու, դոցենտ Վարդան Այվազյանը։

Ինչպես արդեն հայտնել էինք` ՀՀ վարչապետ Նիկոլ Փաշինյանը հայտարարել է, որ վաղն առավոտյան ժամը 08.30-ից պետք է արգելափակել հանրապետության՝ առանց բացառության բոլոր դատարանների ելքերն ու մուտքերը` այնպես, որ ոչ ոք ներս չմտնի։

«Եթե դատարանների ելք ու մուտքերը փակեն ու խոչընդոտեն նրանց բնականոն աշխատանքը,  կարող ենք ընդհանրապես հուղարկավորել մեր Սահմանադրությունը, մասնավորապես` առաջին հոդվածը, որտեղ նշված է, որ ՀՀ իրավական պետություն է», - ասաց նա։

Вардан Айвазян
© Photo : provided by Vardan Ayvazyan
Վարդան Այվազյան. ԵՊՀ Սահմանադրական իրավունքի ամբիոնի վարիչ, իրավաբանական գիտությունների թեկնածու, դոցենտ

Նրա խոսքով` արդարադատության իրականացմանը խոչընդոտելը պատիժ է նախատեսում ՀՀ Քրեական օրենսգրքի 332–րդ հոդվածով, այն է` Արդարադատության իրականացմանը և քննությանը խոչընդոտելը։

Նրա խոսքով` օբյեկտիվորեն իրական իրավական պետությունը կառուցելը, որի հիմքն իրավունքի գերակայությունն է, միմիայն իրավունքի ուժի միջոցով է լինում, այլ ոչ թե ուժի իրավունքի միջոցով։

Դատարանների մուտքն ու ելքերը փակելով, ըստ իրավագետի, գործ ենք ունենում հենց ուժի իրավունքի կիրառման հետ, իսկ սրանով հուղարկավորվում է ամբողջ իրավունքի ուժն ու իշխում է ամենաթողություն։ Իսկ ամենաթողությունը, Այվազյանի հավաստմամբ, պետականաշինությանը հարիր չէ։

«Դատարանների ելք ու մուտքերը փակելը ոչ միայն դատավորների և դատարանների նկատմամբ ճնշում կդիտվի, այլ կլինի հուղարկավորում` ամբողջ իրավական պետության գաղափարի։ Եթե, ենթադրենք, այդ քայլը ՀՀ երկրորդ նախագահ Ռոբերտ Քոչարյանի` կալանքն անձնական երաշխավորմամբ փոխարինելու հետ է կապված, ապա նրա ազատ արձակվելն օրինաչափ գործընթաց է եղել»,–ասաց նա։

Իրավագետը հիշեցրեց, որ Հայաստանի դեմ ՄԻԵԴ–ում ամենաշատ վճիռներ կայացվում է այն բանի համար, որ մարդկանց անհիմն կալանքի տակ են պահում, ընդ որում` անկախ նրանից, թե որքան է հանցագործության ծանրությունը։ Ըստ նրա` եթե յուրաքանչյուր ոք փողոցում սկսի ընդվզել ինչ–որ մեկի` խափանման միջոցի փոփոխման համար, ապա մեր արդարադատության համակարգը կդառնա փողոցային արդարադատություն, սահմանադրական իրավունք էլ փողոցային իրավունքի կվերածվի։ «Նման կերպ սա ուղղակի պետականության վախճան կլինի»,–իր խոսքն ամփոփեց Այվազյանը։

Հիշեցնենք, որ Փաշինյանն ասել է նաև, որ վաղվանից սկսվելու է հեղափոխության երկրորդ փուլը։ Մայիսի 20-ին, ժամը 12։00-ին վարչապետն ուղիղ եթերով հանդես կգա ելույթով։

Ըստ թեմայի

Առավոտյան ժամը 08։30-ից արգելափակում ենք բոլոր դատարանների ելքերն ու մուտքերը. Փաշինյան
«Նիկոլ, վարչապետ». Քոչարյանի ազատ արձակման դեմ բողոքի ակցիա անողները երթ են իրականացնում
Ազատության հրապարակում Քոչարյանի ազատ արձակման դեմ բողոքի ակցիա է իրականացվում
թեգերը:
Մարդու Իրավունքների Եվրոպական դատարան (ՄԻԵԴ), Երևանի պետական համալսարան (ԵՊՀ), Հայաստան

Գլխավոր թեմաներ