16:49 22 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
ՀՀ վարչապետ Նիկոլ Փաշինյանն ու Արցախի նախագահ Բակո Սահակյանը

Բակո Սահակյանը լուր չունի այնպիսի գործիչների մասին, որոնք փորձում են պատերազմ հրահրել

© Photo: official site of the Prime minister of RA
Քաղաքականություն
Ստանալ կարճ հղումը
124 0 0

Բակո Սահակյանը կարծում է, որ եթե կան այդպիսի գործիչներ և ուժեր, որոնք ուզում են պատերազմ հրահրել, ապա պարտավոր են բացահայտել նրանց։

ԵՐԵՎԱՆ, 20 մայիսի — Sputnik. Արցախի նախագահ Բակո Սահակյանը չունի նման տեղեկություն, որ կան գործիչներ, որոնք փորձում են պառակտում մտցնել Հայաստանի և Արցախի միջև, պատերազմ հրահրել։ Այս մասին Սահակյանն ասաց լրագրողների հետ զրույցում։

Նշենք, որ այսօր վարչապետ Նիկոլ Փաշինյանը հայտարարել էր, որ համակարգի որոշ պաշտոնյաներ պատերազմ հրահրելու, անգամ որոշ տարածքներ հանձնելու և տեղի ունեցածի պատասխանատվությունը ՀՀ կառավարության վրա դնելու դավադիր նպատակ ունեն։

«Եթե կան այդպիսի գործիչներ և ուժեր, պարտավոր ենք բացահայտել նրանց։ Եվ եթե պատերազմ հրահրելու նպատակներ ունեն որոշ մարդիկ, բնականաբար, ես էլ եմ դա դավաճանություն որակում։ Սակայն ես չունեմ տեղեկություններ, որ կան այդպիսի մարդիկ»,–ասաց Սահակյանը։

Անդրադառնալով ՀՀ երկրորդ նախագահ Ռոբերտ Քոչարյանի խափանման միջոցը փոխելու իր և Արցախի նախկին նախագահ Արկադի Ղուկասյանի միջնորդությանը` Արցախի նախագահը նշեց, որ իրենց քայլը նպատակ չէր հետապնդում լարվածություն առաջացնելու, այլ` ընդհակառակը։ Բացի այդ, ըստ նրա, իրենք նաև ասել էին, որ իրենց միջնորդությունը ՀՀ դատական համակարգը կասկածի տակ դնելուն չէ միտված, այլ ընդամենը խափանման միջոցը վերանայելու համար էր։

Հարցին, թե 2008–ի մարտի 1–ին զորք բերվե՞լ է Հայաստան` Սահակյանը պատասխանեց, որ այդ թեմայի մասին բազմիցս հայտարարել են և այժմ ՀՔԾ–ն քննչական գործողություններ է իրականացնում` դա պարզելու։

Հիշեցնենք, որ խորհրդարանում մեկնարկել է «Իմ քայլը» խմբակցության հանդիպումն Արցախի նախագահ Բակո Սահակյանի հետ:

Ըստ թեմայի

Մենք գոռգոռացող ենք, այնինչ պետք է գործ անել. Նիկոլայ Ծատուրյան
Լիլիթ Մակունցը հայտնեց, թե Փաշինյանի հետ խորհրդակցության ժամանակ ինչ է քննարկվել
«Լուսավոր Հայաստանը» ԱԺ արտահերթ նիստ է նախաձեռնել. անհրաժեշտ է 33 ստորագրություն
Բողոքի ակցիաները բոլորովին կապ չունեն Քոչարյանի դատական գործընթացի հետ. Լիլիթ Մակունց
Նիկոլ Փաշինյանը երկու փոխմարզպետի է ազատել պաշտոններից

Գլխավոր թեմաներ