08:31 06 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Քաղաքականություն
Ստանալ կարճ հղումը
93 0 0

«Բարգավաճ Հայաստան» կուսակցության առաջնորդի խոսքով` ԲՀԿ–ն երկար ժամանակ առաջարկել է ստեղծել 2016թ–ի ապրիլյան պատերազմի իրադարձությունները հետաքննող հանձնաժողով։

ԵՐԵՎԱՆ, 4 հունիսի — Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը կոչ է արել լրագրողներին «մուտիլովկաներ» չանել` երեքշաբթի պատասխանելով այն հարցին, թե ինչու է կուսակցության անդամներին արգելված խոսել Քոչարյանի գործի մասին։

Ավելի վաղ ԲՀԿ պատգամավոր Վարդան Ղուկասյանը հրապարակավ պահանջել է ազատ արձակել Ռոբերտ Քոչարյանին։ Դրանից հետո Ծառուկյանը խմբակցության նիստ է գումարել և կոչ արել առանձին հայտարարություններ չանել այդ հարցի վերաբերյալ։

«Մուտիլովկաներ մի արեք, ամեն մարդ իրավունք ունի իր կարծիքն ասելու, բայց եթե հարց կա, որը մենք պետք է խմբակցությունով քննարկենք, ապա պիտի հավաքվենք բոլորս ու քննարկենք», – ասաց Ծառուկյանը։

Մեկնաբանելով իր վերաբերմունքը 2016թ–ի ապրիլյան պատերազմի հարցերով քննիչ հանձնաժողովի նկատմամբ` Ծառուկյանը հայտարարեց, որ այն ստեղծելու գաղափարը պատկանում է «Բարգավաճ Հայաստանին», և կուսակցությունը վաղուց է առաջ մղում այն։

«Մենք վաղուց էինք առաջարկում նման հանձնաժողով ստեղծել», – ասաց Ծառուկյանը։

Ապրիլյան պատերազմի հարցերով քննիչ հանձնաժողով ստեղծելու մասին մայիսի 31–ին հայտարարել է խորհրդարանի խոսնակ Արարատ Միրզոյանը։

Ծառուկյանը հրաժարվեց պատասխանել 2008թ–ի մարտի 1–ի դեպքերին իր հնարավոր մասնակցության մասին լրագրողների հարցին։

«100 անգամ ասացի՝ այդ հարցերին ես պատասխանել եմ, շարունակելու բան չունեմ»,֊ – ասաց նա։

Ավելի վաղ «Ժամանակ» թերթը գրել է այն մասին, որ «Բարգավաճ Հայաստան» կուսակցության առաջնորդ Գագիկ Ծառուկյանը հարցաքննվել է մարտի 1–ի գործով։

Ըստ թեմայի

Երբ գալիս եմ, 5 հարց եք տալիս. Գագիկ Ծառուկյանին զարմացնում է սեփական կոռեկտությունը
«Ինձ ոչ մեկը չի աջակցել». Ծառուկյանը Ռոբերտ Քոչարյանին չի հանդիպել ու չի զանգել
ԲՀԿ-ն առաջարկում է ավտոբուսներով գնալ մարզեր, արտագնա նիստեր անել ու չֆշշացնել իրար վրա
թեգերը:
Գագիկ Ծառուկյան, Հայաստան, ՀՀ Ազգային ժողով, Բարգավաճ Հայաստան կուսակցություն (ԲՀԿ)

Գլխավոր թեմաներ