03:04 20 հունվարի 2020
Ուղիղ եթեր
  • USD479.61
  • GBP626.18
  • EUR533.71
  • RUB7.81
Քաղաքականություն
Ստանալ կարճ հղումը
63 0 0

Զոհրաբ Մնացականյանն ասել է, թե ՄԱԿ–ում Վրաստանի բանաձևի վերաբերյալ ինչ դիրքորոշում ունի պաշտոնական Երևանը, խոսել է Ռուսաստանի և Վրաստանի հետ հարաբերությունների մասին։

ԵՐԵՎԱՆ, 6 հունիսի — Sputnik. Հայաստանն առաջնորդվում է Ռուսաստանի և Վրաստանի նկատմամբ արտաքին քաղաքականության համատեղմամբ։ Այս մասին այսօր ԱԺ–ում ասաց ՀՀ արտգործնախարար Զոհրաբ Մնացականյանը` պատասխանելով Աբխազիայի և Հարավային Օսեթիայի հարցով ՄԱԿ–ի գլխավոր վեհաժողովի քվեարկությանը վերաբերող հարցին։

Հունիսի 4-ին ՄԱԿ–ի ԳՎ–ի 73-րդ նստաշրջանում ընդունվեց «Աբխազիայից և Հարավային Օսեթիայից բռնի տեղահանված անձանց և փախստականների կարգավիճակի» մասին բանաձևը, որը նախաձեռնել էր Վրաստանը։ Փաստաթղթի ընդունմանը կողմ քվեարկեցին 73 պետություն, դեմ` 15-ը, ևս 57 երկիր, այդ թվում Հայաստանը, ձեռնպահ մնացին։

«Հայաստանը ռազմավարական միություն ունի Ռուսաստանի հետ, ծավալուն օրակարգ, խոր հարաբերություններ։ Մենք կշարունակենք (և դա նշված է կառավարության ծրագրում) ընդլայնել և զարգացնել նրա հետ մեր ռազմավարական հարաբերությունները», – ընդգծեց ՀՀ արտգործնախարարը։

Մնացականյանը միաժամանակ ավելացրեց` Երևանը նաև կարևոր օրակարգ ունի Թբիլիսիի հետ, որը վերաբերում է տարածաշրջանային կայունությունն ու անվտանգությանը։

Նշենք, որ բանաձևը դիտարկվել է ՎՈՒԱՄ–ի (Վրաստան, Ուկրաինա, Ադրբեջան, Մոլդովա) տարածքում ձգձգված հակամարտությունների և միջազգային խաղաղության, անվտանգության և զարգացման համար դրանց հետևանքների համատեքստում։

Ըստ թեմայի

Հայաստանի և Ադրբեջանի արտգործնախարարները շուտով կհանդիպեն. միջնորդների հայտարարությունը
Արցախյան խնդիր. ինչը ՌԴ-ի համար առաջնային է, ԱՄՆ–ի համար լուսանցքից այն կողմ է
ԵՄ–ն Հայաստանին 65 մլն եվրո աջակցություն կտրամադրի
Ադրբեջանի զորավարժությունների հարցը բարձրացվել է ԵԱՀԿ–ում. Մնացականյան
թեգերը:
Վրաստանի Հանրապետություն, Ռուսաստան, Հայաստան, Զոհրաբ Մնացականյան

Գլխավոր թեմաներ