19:32 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Նիկոլ Փաշինյան

«Մենք աշխարհաքաղաքական խաղերի մեջ չենք մտնելու». Փաշինյանը՝ ԵԱՏՄ-ԵՄ ընտրության մասին

© Sputnik / Григорий Сысоев
Քաղաքականություն
Ստանալ կարճ հղումը
108 0 0

ՀՀ վարչապետ Նիկոլ Փաշինյանը կարծում է, որ Հայաստանը կարող է կամուրջ դառնալ Ռուասաստանի, Չինաստանի, Իրանի ու Եվրամիության միջև։

ԵՐԵՎԱՆ, 7 հունիսի — Sputnik. Հայաստանն իր ներդրումն է ունենալու Եվրասիական տնտեսության միության ու Եվրամիության միջև հարաբերությունների բարելավման մեջ։ Այս մասին վարչապետն ասել է այսօր Սանկտ Պետերբուրգի միջազգային համաժողովի ժամանակ՝ պատասխանելով հարցին, թե ինչպես կարձագանքի Երևանը, եթե Բրյուսելը պահանջնի, որ Հայաստանը դուրս գա ԵԱՏՄ–ից։

Փաշինյանը նշել է, որ Հայաստանը համագործակցում է Եվրամիության հետ՝ ներքին բարեփոխումների հարցերով։ Ավելին, եվրոպական պետությունների առաջնորդների հետ մի շարք հանդիպումներից հետո նա եկել է այն եզրահանգման, որ նրանք աջակցում են Հայաստանին Ռուսաստանի հետ հարաբերությունները պահպանելու ձգտման հարցում։

Վարչապետը նշել է, որ Երևանը ԵՄ–ի հետ հարաբերություններ է հարթում ու չի թաքցնում դա Մոսկվայից, Բրյուսելում էլ լավ գիտեն հայ-ռուսական համագործակցության բնույթի մասին։

«Մենք չենք պատրաստվում աշխարհաքաղաքական խաղերի մեջ մտնել ու մտադիր ենք նորմալ հարաբերություններ զարգացնել Ռուսաստանի հետ», – նշել է Փաշինյանը։

Վարչապետը վստահ է, որ և՛ Չինաստանը, և՛ ԵՄ–ն, և՛ Ռուսաստանը, և՛ Հայաստանը հետաքրքրված են գլոբալ կայունության ու անվտանգության մեջ։ Նա ավելացրեց, որ Հայաստանը որպես ԵԱՏՄ անդամ գիտակցում է իր պատասխանատվությունն ու նպաստելու է իր գործընկերների միջև հարաբերությունների լավացմանը։

«Մենք այդքան շատ գործիքներ չունենք, բաց մենք մեր ներդրումը կունենանք գլոբալ անվտանգության, կայունության ու համագործակցության հարցում», – ասել է կառավարության ղեկավարը։

Փաշինյանը վստահ է, որ Հայաստանը կարող է կամուրջ դառնալ Ռուսաստանի, Չինաստանի, Իրանի ու Եմ–ի միջև»։ Ավելին, նրա կարծիքով, Երևանը  կարող է առանցքային դերակատարություն ունենալ երկրների միջև տնտեսական հարաբերությունների զարգացման գործում` հաշվի առնելով ԵԱՏՄ–ի ու Իրանի միջև ազատ տնտեսական գոտու մասին համաձայնագիրը։

Ըստ թեմայի

Մենք «Իսկանդերներ» ունենք, հույս ունենք ՌԴ–ից ևս մի բան ստանալ Փաշինյան
Մարդասպաններն ազգություն չունեն. Փաշինյանը` հատուկջոկատայինի աղմկահարույց սպանության մասին
Սև «բաբըչկա», ծաղկավոր վարտիք. հեղափոխական դրես-կո՞դ, թե՞ նորաձև թրենդ վարչապետից
թեգերը:
Եվրամիություն, Եվրասիական Տնտեսական Միություն (ԵԱՏՄ), Նիկոլ Փաշինյան

Գլխավոր թեմաներ