19:27 17 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Սերգեյ Կոպիրկին

Վերջին մեկ տարում հայ-ռուսական հարաբերություններում պահպանվել է դինամիկան. Կոպիրկին

© Sputnik / Aram Nersesyan ,
Քաղաքականություն
Ստանալ կարճ հղումը
Հայաստան-Ռուսաստան համագործակցություն (130)
99 0 0

Դիվանագետը ընդգծեց նաև Եվրասիական տնտեսական միությունում իր նախագահությունն արժանի կերպով անցկացնելու Հայաստանի կառավարության ձգտումը։

ԵՐԵՎԱՆ, 11 հունիսի– Sputnik. Հայ-ռուսական հարաբերություններում վերջին տարում, այսինքն` Հայաստանում տեղի ունեցած հայտնի քաղաքական իրադարձություններից հետո, պահպանվել է նույն դինամիկան։ Դրանք կայուն զարգանում են և կրում ռազմավարական դաշնակցության բնույթ։ Այդ մասին այսօր կայացած ասուլիսում հայտարարեց Հայաստանում Ռուսաստանի արտակարգ և լիազոր դեսպան Սերգեյ Կոպիրկինը։

Նրա խոսքով` կանոնավոր կերպով իրականացվում են շփումներ բարձր մակարդակում։ Վերջին անգամ երկու երկրների առաջնորդները հանդիպել են Սանկտ Պետերբուրգում` միջազգային տնտեսական համաժողովի շրջանակում։

Դիվանագետը ընդգծեց նաև Եվրասիական տնտեսական միությունում իր նախագահությունն արժանի կերպով անցկացնելու Հայաստանի կառավարության ձգտումը։ Նա հավելեց, որ Եվրասիական տնտեսական բարձրագույն խորհրդի նիստին մասնակցելու համար հոկտեմբերին սպասվում է Ռուսաստանի նախագահ Վլադիմիր Պուտինի այցը Երևան։

«Շատ կարևոր է, որ դեկտեմբերյան խորհրդարանական ընտրություններից հետո Հայաստանն առանց հապաղելու սկսել է կապեր հաստատել երկու երկրների օրենսդիր մարմինների միջև», – հավելեց Կոպիրկինը։

Նրա խոսքով` այդ շրջանում ակտիվորեն զարգացել են նաև միջխորհրդարանական կապերը աշխատանքային մակարդակում։

«Սադրիչներին մի լսեք». Զախարովան թարմացրել է Փաշինյանի ելույթին վերաբերող գրառումը

Կոպիրկինը հավաստիացնում է, որ Ռուսաստանը շարունակում է մնալ Հայաստանի առանցքային տնտեսական գործընկերը։ 2018թ.–ին 2 երկրների միջև ապրանքաշրջանառությունն աճել է 11 տոկոսով` հասնելով 2 միլիարդ դոլարի։ Դեկտեմբերի վերջին ռուսական ներդրումների ծավալը կազմել է 2 միլիարդ, իրական հատվածում մաքուր ներդրումների ծավալը` 125 միլիոն դոլար։ Հայաստանի տնտեսության առաջատար ոլորտներում գործում են ռուսական ընկերություններ։ Դեսպանը նշեց, որ այդ ընկերություններից շատերը ընդգրկված են երկրի խոշորագույն հարկ վճարողների ցուցակում։

Ռուսաստանն առաջին տեղն է զբաղեցնում նաև Հայաստան մտնող մասնավոր փոխանցումների ծավալով։ 2018թ.–ի տվյալներով` փոխանցումների հոսքը կազմել է ավելի քան 1 միլիարդ դոլար։

թեմա:
Հայաստան-Ռուսաստան համագործակցություն (130)

Ըստ թեմայի

Հայտնի է` երբ Հայաստանի համար կհստակեցվի ռուսական գազի գինը
Հայ–չինական գործարանն արդեն կաուչուկ է արտադրում. Ավինյանը խոսել է «Նաիրիտի» մասին
ՌԴ–ում ևս 1 հայ է կալանավորվել. ՔԿ–ն դիմել է ծեծկռտուքի 9–րդ մասնակցին կալանավորելու համար
թեգերը:
Եվրասիական Տնտեսական Միություն (ԵԱՏՄ), Սերգեյ Կոպիրկին, Ռուսաստան, Հայաստան

Գլխավոր թեմաներ