21:20 26 հունիսի 2019
Ուղիղ եթեր
  • USD477.33
  • GBP605.45
  • EUR542.20
  • RUB7.56
Նիկոլ Փաշինյան, Արմեն Աշոտյան

Աշոտյանը կոչ է արել իշխանությանը չկտրվել իրականությունից և հիշեցրել է ՀՀԿ–ի դառը փորձը

© Sputnik / Asatur Yesayants
Քաղաքականություն
Ստանալ կարճ հղումը
13210

Աշոտյանը խոստովանել է, որ ՀՀԿ–ի իշխանությունը ճաք է տվել, երբ հնչող քաղաքական գնահատականները սկսել են չհամապատասխանել ժողովրդի տրամադրություններին ու զգացմունքներին։

ԵՐԵՎԱՆ, 12 հունիսի — Sputnik. Աբովյանի քաղաքապետի ընտրությունները իշխանության ու Նիկոլ Փաշինյանի ձախողումն էին, ու այդ ֆոնին ժողովրդավարության հաղթանակի մասին խոսակցությունները միայն զարմանք են առաջացնում։ Այսօր լրագրողների հետ զրույցում նման կարծիք հայտնեց Հայաստանի Հանրապետական կուսակցության փոխնախագահ Արմեն Աշոտյանը։

Հունիսի 9–ին կայացած Աբովյանի քաղաքապետի ընտրություններում իշխող «Իմ քայլը» դաշինքի թեկնածու Գրիգոր Գուլյանը պարտվել է «Բարգավաճ Հայաստանի» ներկայացուցիչ Վահագն Գևորգյանին։ Նախընտրական քարոզարշավի շրջանակում Գուլյանի կողմնակիցները քաղաքում քայլերթ էին կազմակերպել, որին մասնակցում էր անձամբ Նիկոլ Փաշինյանը։

Աշոտյանի կարծիքով` դժվար է պատկերացնել, որ ՌԴ նախագահ Պուտինը «Եդինայա Ռոսիա» կուսակցության թեկնածունին սատարելու համար գնա Գուս Խրուստալնի քաղաք և այնտեղ քայլերթ անի։ Կամ` շատ դժվար է պատկերացնել, որ Թրամփը հանրապետական թեկնածուի օգտին Սակրամենտոյում քայլերթ կանի։

«Եվ այդքանից հետո աբովյանցին իր ձայնը տվեց այն թեկնածուին, որին ուզում էր։ Ու հիմա «վաճառել» դա որպես ժողովրդավարական ձեռքբերում, առնվազն ազնիվ չէ, քանի որ նույն այդ թիմը գիշերն այն տեղամասերից, որտեղից գալիս էր իրենց համար դրական արդյունք, շամպայն էր բացում», – նշեց նա։

Աղքատներն էլ են ապրել ուզում. Աբովյանի ընտրությունները մեսիջ էին Փաշինյանին և Ծառուկյանին

Աշոտյանը կարծում է, որ ցանկացած իշխանության խնդիրը ծագում է այն ժամանակ, երբ որ առաջանում է խզում իրականության և քաղաքական ու պետական գործիչների գնահատականների միջև։

«Մենք դրա դառը պտուղներին ծանոթ ենք», – ասել է Աշոտյանը։

Նա ավելացրեց, որ հանրապետականների իշխանությունն էլ սկսեց թուլանալ այն ժամանակ, երբ հանրային դաշտ նետվող քաղաքական գնահատականները սկսեցին չհամապատասխանել ժողովրդի զգացածին։

Ըստ թեմայի

Աբովյանի քաղաքապետարանի բարձրաստիճան պաշտոնյաների նկատմամբ քրեական գործ է հարուցվել
Հրդեհել են Աբովյանի քաղաքապետի թեկնածուի շտաբի պետի ավտոմեքենան ու տունը. լուսանկարներ
Էյֆորիան անցել է, գործերն են հետաքրքրում. քաղտեխնոլոգը` Աբովյանի ընտրությունների մասին
թեգերը:
Ընտրություններ, «Թավշյա հեղափոխություն», Նիկոլ Փաշինյան, Հայաստանի Հանրապետական կուսակցություն (ՀՀԿ), Արմեն Աշոտյան, Հայաստան

Գլխավոր թեմաներ