22:07 04 ապրիլի 2020
Ուղիղ եթեր
  • USD502.97
  • GBP618.25
  • EUR543.86
  • RUB6.56
Քաղաքականություն
Ստանալ կարճ հղումը
Ռոբերտ Քոչարյանի գործը (387)
23303

Միրզոյանը նշեց, որ Քոչարյանին որպես քաղաքական գործիչ չի տեսնում, հակառակ դեպքում կողջուներ Ռուսաստանի կամ որևէ այլ երկրի դեսպանի շփումները նրա հետ։

ԵՐԵՎԱՆ, 16 հունիսի — Sputnik. ԱԺ նախագահ Արարատ Միրզոյանը չի ողջունում ՀՀ-ում Ռուսաստանի դեսպանի հանդիպումը ՀՀ երկրորդ նախագահ Ռոբերտ Քոչարյանի հետ: Այս մասին «Քաղաքացիական պայմանագիր» կուսակցության 5-րդ համաժողովի ընթացքում լրագրողների հետ ճեպազրույցի ժամանակ ասաց Միրզոյանը։

Ինչպես արդեն հայտնել էինք, հունիսի 13–ին Հայաստանում ՌԴ արտակարգ և լիազոր դեսպան Սերգեյ Կոպիրկինն այցելել էր Ռոբերտ Քոչարյանին։

«Ի վերջո, որևէ երկրի դեսպան կարող է քաղաքական ոլորտի ներկայացուցիչների հետ հանդիպել, սակայն այստեղ ուրիշ բան կա։ Այն հոդվածներն ու մեղադրանքները, որոնք ներկայացված են Քոչարյանի դեմ, մի փոքր դուրս են դնում նրան մաքուր քաղաքական դաշտից։ Այսինքն` այնտեղ շատ այլ որակների և շահագրգռությունների մասին է խոսքը, ինչի համար էլ չեմ ողջունում այդ հանդիպումը»,–ասաց Միրզոյանը։

Նա նշեց, որ Ռոբերտ Քոչարյանին որպես քաղաքական գործիչ և քաղաքական դաշտի ներկայացուցիչ չի տեսնում, հակառակ դեպքում կողջուներ Ռուսաստանի կամ որևէ այլ երկիր դեսպանի շփումները նրա հետ։

Հարցին, թե ՌԴ նախագահի հետ Ռոբերտ Քոչարյանի հնարավոր հանդիպումը կարո՞ղ է ազդել դատավարության ընթացքի վրա, Միրզոյանը պատասխանեց` երբեք. «Որևէ երկրի նախագահի, մեր երկրի վարչապետի կամ որևէ այլ մարդու հետ հարաբերությունները չեն կարող ազդել մեղադրանքի կամ, մեծ հույս ունեմ, արդար դատաքննության, դատավճռի վրա»:

Ես դատարանների դռներ չեմ փակել` ի տարբերություն այսօրվա իրականության. Ռոբերտ Քոչարյան

Ի դեպ, այսօր երեկոյան ՔՊԿ վարչության նոր կազմ ու նախագահ կունենա։ Վարչության կազմում ընդգրկվելու համար առաջադրված 51 թեկնածուներից առավել ձայն հավաքած 21-ը կհամարվեն ընտրված։ Արարատ Միրզոյանն արդեն հայտնել էր, որ եթե իր թեկնածությունն առաջադրեն որպես վարչության նախագահ, ինքն ինքնաբացարկ կհայտնի։

 

թեմա:
Ռոբերտ Քոչարյանի գործը (387)

Ըստ թեմայի

Քոչարյանի մասին հրապարակված լուրերը իրականությանը չեն համապատասխանում. բողոքը մերժվել է
Ռոբերտ Քոչարյանի և մյուսների գործով դատավորը մերժեց ինքնաբացարկի միջնորդությունը
«Այս գործը ձեր թափի գործը չի». Ռոբերտ Քոչարյանի ելույթը դատարանում
թեգերը:
Ռուսաստան, Սերգեյ Կոպիրկին, Ռոբերտ Քոչարյան, Հայաստան

Գլխավոր թեմաներ