02:34 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
ԱՄՆ

Ինչո՞ւ է ԱՄՆ–ն որոշել փող տալ Հայաստանին. փորձագետի մեկնաբանությունը

© Sputnik / Юрий Абрамочкин
Քաղաքականություն
Ստանալ կարճ հղումը
25702

ԱՄՆ–ի ներկայացուցիչների պալատը հավանություն է տվել փոփոխությանը, որն առաջարկում է Հայաստանին 40 միլիոն դոլար լրացուցիչ ֆինանսական օգնություն տրամադրել։

ԵՐԵՎԱՆ, 19 հունիսի — Sputnik. Ֆինանսական օգնությունն ավանդաբար առանցքային դեր է խաղացել Հայաստանում ԱՄՆ ներկայությունն ապահովելու մեջ, քանի որ մյուս ուղղություններում ու ոլորտներում այլ խաղացողներ են եղել, մասնավորապես` Ռուսաստանը։ Այսօր հրավիրված ասուլիսի ժամանակ այս կարծիքը հայտնեց քաղտեխնոլոգ Վիգեն Հակոբյանը` մեկնաբանելով ԱՄՆ–ի Ներկայացուցիչների պալատի` Հայաստանին օգնություն տրամադրելու որոշումը։

ԱՄՆ–ի կոնգրեսի ստորին պալատը հավանություն է տվել փոփոխությանը, որի համաձայն նախատեսվում է Հայաստանին տրամադրել 40 միլիոն դոլար ֆինանսական օգնություն։ Ամերիկայի հայ դատի հանձնախումբը հայտնում է, որ 2020 թ–ի ֆիսկալային տարում արտասահմանյան օգնության օրինագծում փոփոխությունն առաջարկել է կոնգրեսի անդամ Ջեքի Սփիյերը, հաղորդում է։ Սենատը դեռ պետք է հավանություն տա փաստաթղթին։

Հակոբյանի կարծիքով` գումարը բավականին խորհրդանշական է, նույնիսկ հայկական չափանիշներով, այդուհանդերձ, համապատասխանում է Հայաստանի հետ գործակցության ամերիկյան ռազմավարությանը։

Օգնություն տրամադրելու մասին նորությունը հատկանշական է այն անորոշության ֆոնին, որը վերջին ամիսներին առաջացել է հայ–ամերիկյան հարաբերություններում։

Վարչապետ Նիկոլ Փաշինյանը բազմիցս հայտարարել է, որ Հայաստանի նկատմամբ ԱՄՆ–ի վերաբերմունքը դեռ թելադրված չէ այն ժողովրդավարական փոփոխություններով, որոնք տեղի են ունեցել հանրապետությունում։ Վարչապետն ասել է, որ ամերիկացիների կողմից ո՛չ ներդրումային, ո՛չ այլ ակտիվություն առայժմ չկա։

Քաղտեխնոլոգի կարծիքով` հնարավոր է` Թրամփի հանրապետական վարչակազմի կողմից այն հետաքրքրությունը չկա, որը կցանկանային տեսնել Հայաստանի իշխանությունները։ Բայց օրենսդրական մարմինը ոչ միայն հանրապետականներն են, այլ նաև դեմոկրատները։ Վերջինները չեն թաքցնում իրենց համակրանքը Հայաստանում տեղի ունեցած իրադարձությունների և երկրի նոր իշխանությունների նկատմամբ։

«Ամերիկյան վերնախավում շատ լավ հասկանում են Հայաստանի դերն ու նշանակությունը տարածաշրջանում։ Եվ եթե ամերիկացիները հասկանալի պատճառներով չեն կարող առանցքային դեր խաղալ Հայաստանի պաշտպանության և անվտանգության ոլորտում, ապա կա ոլորտ, որտեղ նրանք իրենց բավական վստահ են զգում։ Դրանք փողերն են։ Լևոն Տեր–Պետրոսյանի նախագահության շրջանից սկսած` ԱՄՆ–ն և արևմուտքն ընդհանուր առմամբ հանդես են եկել ֆինանսական դոնորների դերում», – ասաց Հակոբյանը։

Նրա կարծիքով` քաղաքականությունը, որի հիմքերը դրվել են անցած դարի 90–ական թթ–ին, կշարունակվի նաև այսօր։

Հակոբյանը նաև չբացառեց, որ ֆինանսական օգնության մասին տեղեկությունը հայտնվել է մամուլում` Վաշինգտոնում Հայաստանի և Ադրբեջանի ԱԳՆ ղեկավարների հանդիպումից հետո դրական տեղեկատվական ֆոն ապահովելու համար։

Նշենք, որ ԱՄՆ–ում ծրագրված է Հայաստանի և Ադրբեջանի արտգործնախարարներ Զոհրաբ Մնացականյանի և Էլմար Մամեդյարովի հանդիպումը։ Բանակցությունների ընթացքում կողմերը կքննարկեն ղարաբաղյան կարգավորման հետ կապված հարցեր։

Ըստ թեմայի

Զոհրաբ Մնացականյանի և Մինսկի խմբի համանախագահների հանդիպումը մեկնարկել է
Վաշինգտոնը պատրաստ է աջակցել Երևանին ու Բաքվին. Բոլտոնը` առաջիկա հանդիպման մասին
Արցախյան խնդիր. ինչը ՌԴ-ի համար առաջնային է, ԱՄՆ–ի համար լուսանցքից այն կողմ է
«Վրեմյայից» առաջ և հետո, կամ ինչպես հայ լրագրողը խեցեգործ դարձավ ԱՄՆ–ում
թեգերը:
ԱՄՆ, Հայաստան

Գլխավոր թեմաներ