02:50 06 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Քաղաքականություն
Ստանալ կարճ հղումը
20300

ԱԺ նախագահը համարում է, որ ինքը Կոպիրկինի և Քոչարյանի հանդիպման մասին խոսելիս կոշտ հայտարարություն չի արել։

ԵՐԵՎԱՆ, 28 հունիսի – Sputnik. ՀՀ ազգային ժողովի նախագահ Արարատ Միրզոյանը կարծում է, որ ինքը Հայաստանում ՌԴ դեսպան Սերգեյ Կոպիրկինի և ՀՀ երկրորդ նախագահ Ռոբերտ Քոչարյանի հանդիպման վերաբերյալ կոշտ հայտարարություն չի արել։ Նա այս մասին ասաց այսօր Աժ–ում` պատասխանելով լրագրողների հարցերին։

«Չեմ կարծում, թե իմ արձագանքը կոշտ էր, բավականին գործընկերային էր։ Ասել եմ ու էլի եմ կրկնում` ցանկացած երկրի դեսպան իրավունք ունի հանդիպումներ ունենալ քաղաքական, հասարակական դաշտի ամբողջ սպեկտրի տարբեր ներկայացուցիչների հետ: Նորմալ գործընթաց է»,– ասաց նա։

Միրզոյանն ընդգծեց, որ ինքը պարզապես չի ողջունել դեսպանի և Ռոբերտ Քոչարյանի շփումը։

«Ես համարում եմ, որ այն մարդը, որի մասին եղել է խոսքը, ոչ թե սովորական քաղաքական գործիչ է, այլ մարդ, որի նկատմամբ ամենածանր մեղադրանքներից մեկն է առաջադրված: Ինքն անցնում է շատ կոնկրետ քրեական գործով և այս պարագայում որևէ երկրի դեսպանի հետ շփումները, կոնսուլտացիաները կարող են ինչ-որ պահի մեկնաբանվել իբրև ոչ պատշաճ կամ ոչ հարիր: Այս կոնտեքստում ես ասել եմ, որ չեմ ողջունում դեսպանի հանդիպումը և հիմա էլ կրկնում եմ նույնը»,-հայտարարեց նա:

Հիշեցնենք` հունիսի 13-ին հայտնի դարձավ, որ Կոպիրկինն ու Քոչարյանը հանդիպել են, և հանդիպումը կայացել է ՀՀ երկրորդ նախագահի գրասենյակում, որը գտնվում է «Էրեբունի Պլազա» բիզնես կենտրոնում։

Հունիսի 16-ին Միրզոյանն ասել էր, որ «չի տեսնում Ռոբերտ Քոչարյանին որպես քաղաքական գործիչ և քաղաքական դաշտի ներկայացուցիչ, այլապես կողջուներ Ռուսաստանի դեսպանի կամ որևէ այլ դեսպանի շփումը նրա հետ»։

Ըստ թեմայի

Ռոբերտ Քոչարյանի փաստաբանները պատրաստվում են բողոքարկել դատական ակտերը
Ռոբերտ Քոչարյանին կալանավորելու որոշում կայացրած դատավորին պատասխանատվության չեն ենթարկի
Հակոբյան. «Ռոբերտ Քոչարյանի գործը Փաշինյանի համար առաջնային նշանակություն ունի»
Վահե Գրիգորյանը չի մասնակցի Ռոբերտ Քոչարյանի և Յուրի Խաչատուրովի գործերի քննությանը․ՍԴ
թեգերը:
Ռոբերտ Քոչարյան, Սերգեյ Կոպիրկին, Հայաստան

Գլխավոր թեմաներ