16:20 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Բաքու

Ադրբեջանը Հայաստանին երաշխիքներ չի տվել Բաքվում անցկացվող նիստին մասնակցելու համար

© Sputnik / Margarita Nekrasova
Քաղաքականություն
Ստանալ կարճ հղումը
253 0 0

ՅՈՒՆԵՍԿՕ–ի քարտուղարությունը Երևանին տեղեկացրել է, որ միջոցառումից երկու օր առաջ Բաքուն լրացուցիչ երաշխիքներ չի ներկայացրել։

ԵՐԵՎԱՆ, 3 հուլիսի — Sputnik. Ադրբեջանը խոչընդոտում էր ՅՈՒՆԵՍԿՕ–ի համաշխարհային ժառանգության կոմիտեի 43-րդ նիստին Հայաստանի մասնակցությունը։ Այսօր հրավիրված ճեպազրույցի ժամանակ այս մասին ասաց ՀՀ ԱԳՆ մամուլի քարտուղար Աննա Նաղդալյանը։

Հունիսի 30-ից Բաքվում անցկացվում է ՅՈՒՆԵՍԿՕ-ի համաշխարհային ժառանգության կոմիտեի 43-րդ նիստը, որին մասնակցելու հրավեր էր ստացել նաև Հայաստանը։

«Հայաստանը հրավեր էր ստացել մասնակցելու որպես դիտորդ այլ երկրների թվում։ Մենք դիմեցինք ՅՈՒՆԵՍԿՕ–ին ընդունող կողմից հայկական պատվիրակության անվտանգության հարցում լրացուցիչ երաշխիքներ ստանալու համար», – ասաց Նաղդալյանը։

Նրա խոսքով` հարցումը պայմանավորված էր այն հանգամանքով, որ ոչ միայն հայկական քաղաքացիություն ունեցող, այլև հայկական ծագում ունեցող մարդիկ Ադրբեջան մուտք գործելու խնդրին են բախվում։

Սակայն, ի հեճուկս գործադրված ջանքերի, միջոցառումից երկու օր առաջ հայկական պատվիրակությունը ստացել է ՅՈՒՆԵՍԿՕ-ի գլխավոր քարտուղարի տեղակալի նամակը, որում Ադրբեջանը հրաժարվել է տրամադրել գրավոր հավելյալ անվտանգության միջոցներ ՀՀ պատվիրակության անարգելք մուտքը երկիր ու մասնակցությունը միջոցառմանը։

«Այդպիսով, Ադրբեջանը խոչընդոտեց, որ հայկական կողմը մասնակցի միջոցառմանը», – ասաց Նաղդալյանը` նշելով, որ դա կարող է վատ նախադեպ դառնալ։

Հայաստանը պաշտոնական բողոք է հղել ՅՈՒՆԵՍԿՕ-ի ղեկավարությանն ու անդամ պետություններին՝ կոչ անելով ուշադրություն հրավիրել այս արատավոր գործելաոճի վրա ու հանդես գալ դատապարտող դիրքորոշմամբ։

Ըստ թեմայի

Արցախ եկող արվեստագետներին զգուշացնում են, որ կարող են հայտնվել Ադրբեջանի «սև ցուցակում»
Հայաստանն ու Ադրբեջանը կշահե՞ն. թե՞... Ինչ հետևանք կունենա Պուտինի հրամանագիրը
Հայ պատգամավորները կանխել են ԵԽԽՎ–ում ադրբեջանցի մարդասպանների հերոսացման փորձերը
թեգերը:
ՅՈՒՆԵՍԿՕ, ՀՀ Արտաքին գործերի նախարարություն. ԱԳՆ, Ադրբեջան, Հայաստան

Գլխավոր թեմաներ