11:15 09 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56
Քաղաքականություն
Ստանալ կարճ հղումը
133 0 0

Հայաստանի արտգործնախարար Զոհրաբ Մնացականյանը խոսել է Մոսկվայի և Թբիլիսիի հարաբերությունների կարգավորման հարցում Երևանի դերի մասին։

ԵՐԵՎԱՆ, 24 հուլիսի — Sputnik. Հայաստանը կարևորում է Ռուսաստանի և Վրաստանի հարաբերությունների կարգավորումը և լարվածության նվազեցումը։ Հայաստանի արտգործնախարար Զոհրաբ Մնացականյանն այս մասին ասել է այսօր Թբիլիսիի հայ համայնքի ներկայացուցիչների հետ հանդիպման ժամանակ։

Մնացականյանը հուլիսի 24–ին երկօրյա պաշտոնական այցով մեկնել է Թբիլիսի։

«Մեր երկու բարեկամ երկրների հարաբերությունների կարգավորումը բխում է Հայաստանի շահերից», – նշել է նա։

Մնացականյանի խոսքով` Երևանն ուշադիր հետևում է իրավիճակին և սերտ երկխոսության մեջ է ինչպես Մոսկվայի, այնպես էլ Թբիլիսիի հետ։

Մեկնաբանելով Երևանի դերը Մոսկվայի և Թբիլիսիի հաշտեցման մեջ` նախարարը նշել է, որ հայկական կողմը չի արել և չի պատրաստվում անել այնպիսի քայլ, որը կարող է խոչընդոտել կամ բացասաբար ազդել բարդ իրավիճակի վրա։

«Մենք մի երկրի հետ գործակցությունը չենք կառուցում մյուսի հաշվին և հետևողականություն ենք դրսևորում յուրաքանչյուր գործընկերոջ հետ հարաբերություններում։ Առկա է երկխոսություն, խորհրդատվությունների համար գոյություն ունեն տարբեր հարթակներ ինչպես Ռուսաստանի, այնպես էլ Վրաստանի հետ, որտեղ հնարավորություն կա բանակցություններ անցկացնել` լարվածությունը նվազեցնելու նպատակով», – ավելացրել է Մնացականյանը։

Ռուսաստանի և Վրաստանի միջև լարվածությունը սկսվել էր հունիսի 20-ից, երբ ընդդիմադիրները բողոքի ցույց էին կազմակերպել այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին նստել էր ՌԴ պետդումայի պատգամավոր, Կոմկուսի անդամ Սերգեյ Գավրիլովը։ Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանի մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքը դավաճանելու» մեջ։ Թբիլիսիում ընդդիմության ցույցն անկարգությունների էր վերածվել: Վերջին տվյալներով՝ մոտ 240 մարդ տուժել է, 300-ից ավելի մարդ՝ բերման ենթարկվել:

Նոր սկանդալ Վրաստանում. ուղիղ եթերում հայհոյել են Պուտինին. մանրամասներ

 

 

Ըստ թեմայի

Հայկական գինին և ջուրը ՌԴ–ում կփոխարինե՞ն վրացականին. ի՞նչ կտա մեզ ռուս-վրացական լարումը
«Մեծ պատիվ կլինի». Պուտինը` «Ռուսթավի 2»–ի լրագրողի դեմ քրեական գործ հարուցելու մասին
«Հայաստանը Ռուսաստանի առանցքային գործընկերն է Անդրկովկասում». Լավրով
Հայաստանը, Ռուսաստանը, Վրաստանն ու Իրանը կարող են միավորել էներգացանցերը. Ավինյան
թեգերը:
Զոհրաբ Մնացականյան, Ռուսաստան, Վրաստանի Հանրապետություն, Հայաստան

Գլխավոր թեմաներ