16:58 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Ռոբերտ Քոչարյան

Իշխանությունը չի հասկանում երկրի առաջ ծառացած խնդիրների ողջ բարդությունը. Ռոբերտ Քոչարյան

© Sputnik / Aram Nersesyan ,
Քաղաքականություն
Ստանալ կարճ հղումը
Ռոբերտ Քոչարյանի գործը (329)
221 0 0

«Հայաստանը սեղմված է չորս երկրների միջև, Թուրքիայի և Ադրբեջանի հետ հարաբերությունները չեն կարգավորվել, Ւրանը ԱՄՆ–ի սև ցուցակում է` մշտական պատժամիջոցային ճնշման տակ, Վրաստանն էլ ակտիվ ձգտում է անդամակցել աշխարհաքաղաքական այն դաշինքներին, որոնց հետ հակամարտում են Հայաստանի անդամակցությամբ ինտեգրացիոն կառույցները։

ԵՐԵՎԱՆ, 30 հուլիսի - Sputnik. Աշխարհաքաղաքական մարտահրավերներն ու խնդիրները, որոնց բախվում է Հայաստանը, անհնար է լուծել` հենվելով պոպուլիզմի և դատարկախոսության վրա, «Գոլոս Արմենիային» տված հարցազրույցում հայտարարել է ՀՀ երկրորդ նախագահ Ռոբերտ Քոչարյանը։

Նրա խոսքով` «Հայաստանը սեղմված է չորս երկրների միջև, Թուրքիայի և Ադրբեջանի հետ հարաբերությունները չեն կարգավորվել, Ւրանը ԱՄՆ–ի սև ցուցակում է` մշտական պատժամիջոցային ճնշման տակ, Վրաստանն էլ ակտիվ ձգտում է անդամակցել աշխարհաքաղաքական այն դաշինքներին, որոնց հետ հակամարտում են Հայաստանի անդամակցությամբ ինտեգրացիոն կառույցները։

«Մենք փոքր, ծերացող բնակչություն ունենք` կայուն վատթարացող ժողովրդագրական իրավիճակով, ինչը զրկում է մեզ մասշտաբային տնտեսության էֆեկտից։ 4 հարևանից 2–ի հետ ունեցած խնդրահարույց հարաբերությունները թույլ չեն տալիս դառնալ լիբերալ տարածաշրջանային հարթակ տարատեսակ լայն սպեկտրի ծառայություններ մատուցելու համար։ Մենք նշանակալի բնական ռեսուրսներ չունենք, որոնք մեզ գրավիչ կդարձնեն խոշոր անդրազգային կորպորացիաների համար», – ասում է նա։

Քոչարյանը կարծում է, որ առկա տրանսպորտային խնդիրներն ազդում են արտադրանքի ինքնարժեքի վրա, և խիստ ճնշում ինդուստրիալ զարգացման հավանական սեգմենտները, իսկ ԽՍՀՄ–ից ժառանգած տեխնիկապես գրագետ մարդկային կապիտալը, որն անհրաժեշտ է գիտատար արդյունաբերության զարգացման համար, անհետ կորսված է։ Իսկ սփյուռքի մասնակցությունը Հայաստանի տնտեսական զարգացմանը կրճատման ակնհայտ միտում ունի։ Սփյուռքը ձուլվում է այն երկրներում, որտեղ ապրում է, ինչպես էմիգրանտների երկրորդ և երրորդ սերունդների օբյեկտիվ մոտիվացիաներից ելնելով, այնպես էլ գլոբալիզացիայի ճնշման տակ՝ ազգային գաղափարի էրոզիայի։

«Նույն պատճառներով թուլանում են հայկական համայնքի ինքնակազմակերպման ավանդական ինստիտուտները։ Ավելացրեք այս ցանկին Ղարաբաղյան կարգավորման խնդիրը։ Սա երկրի առաջ կանգնած մարտահրավերների ամբողջական ցուցակը չէ։ Կարելի՞ է արդյոք դրանք լուծել` հենվելով պոպուլիզմի և կարգախոսային դատարկաբանության վրա։ Ակնհայտ է, որ ոչ, և դրանց հաղթահարման համար գերագույն ջանքեր, գերկազմակերպվածություն և գերձեռնահասություն է պետք», – համոզված է նախկին նախագահը։

Նա կարծում է, որ պետք է լինել արդյունավետ բացառապես ամեն ինչում, սակայն այսօր որևէ նշան չկա այն բանի, որ իշխանությունը հասկանում է երկրի առաջ ծառացած խնդիրների ողջ բարդությունը։

Դատախազները գործը ձգձգելու միտում ունեն. Ռոբերտ Քոչարյան

թեմա:
Ռոբերտ Քոչարյանի գործը (329)

Ըստ թեմայի

Դատարանի որոշմամբ պարզ դարձավ քննիչի ու դատախազների փնթի աշխատանքը. Լևոն Քոչարյան
Տարիներ անց Քոչարյանը պատմության մեջ կմտնի առանց ներկայիս սին մեղադրանքների. Սողոմոնյան
Ոչ մի ճաղ չի կարող արգելել մարդուն քաղաքականությամբ զբաղվել. Քոչարյանը չի մտափոխվել
Ռոբերտ Քոչարյանի կողմնակիցները բողոքի հերթական ակցիան անցկացրին կառավարության մոտ
Ռոբերտ Քոչարյանի գործով դատավորի գործը մտահոգել է փաստաբանների պալատին
թեգերը:
հարցազրույց, Ռոբերտ Քոչարյան

Գլխավոր թեմաներ