07:44 06 դեկտեմբերի 2019
Ուղիղ եթեր
  • USD477.94
  • GBP627.63
  • EUR530.13
  • RUB7.49
ՀՀ Անվտանգության խորհրդի քարտուղար Արմեն Գրիգորյանի և ԻԻՀ դեսպան Սեյյեդ Քազեմ Սաջջադիի հանդիպումը Երևանում

Հրաժեշտի հանդիպում. ԱԽ քարտուղարն ընդունել է Հայաստանում Իրանի դեսպանին

© Photo : press office of the Security Council of Armenia
Քաղաքականություն
Ստանալ կարճ հղումը
78 0 0

Հանդիպման ընթացքում նաև անդրադարձ է եղել առաջիկայում նախատեսվող բարձր մակարդակի փոխայցելություններին, համատեղ ծրագրերին։

ԵՐԵՎԱՆ, 12 օգոստոսի — Sputnik. Անվտանգության խորհրդի քարտուղար Արմեն Գրիգորյանն այսօր իր գրասենյակում ընդունել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան պարոն Սեյյեդ Քազեմ Սաջջադիին՝ վերջինիս խնդրանքով:

Ինչպես հայտնում են Անվտանգության խորհրդից, դեսպան Սաջջադին, տեղեկացնելով իր պաշտոնավարման քառամյա շրջանի ավարտի և Հայաստանում իր դիվանագիտական առաքելության ընթացքում կատարած աշխատանքների մասին, շնորհակալություն է հայտնել անցնող ժամանակահատվածում ՀՀ տարբեր գերատեսչությունների՝ ԻԻՀ դեսպանությանը ցուցաբերած աջակցության համար:

Արմեն Գրիգորյանը նշել է, որ Հայաստանի Հանրապետությունն ու Իրանի Իսլամական Հանրապետությունը հազարամյակների ընթացքում ապացուցել են բարձր մակարդակի քաղաքական, տնտեսական ու մշակութային հարաբերությունները պահպանելու ու զարգացնելու երկուստեք ցանկությունը:

Բարձր գնահատելով երկու երկրների ու ժողովուրդների փոխօգնության ու փոխգործակցության հարուստ պատմությունը՝ քարտուղար Գրիգորյանը նաև շնորհակալություն է հայտնել դեսպան Սաջջադիին Հայաստանում իր դիվանագիտական առաքելության տարիների ընթացքում իրականացրած աշխատանքի ու ցուցաբերած նվիրվածության համար և հաջողություն մաղթել վերջինիս նոր նշանակումներում:

Հանդիպման ընթացքում նաև անդրադարձ է եղել առաջիկայում նախատեսվող բարձր մակարդակի փոխայցելություններին, համատեղ ծրագրերին:

Ըստ թեմայի

Ինչպես են զարգանում հայ–իրանական հարաբերությունները. դեսպանի գնահատականը
Սկանդալ Իրանում Ադրբեջանի դեսպանատանը. Հայոց ցեղասպանության նկարը` Խոջալուի վկայությո՞ւն
Արցախյան խնդիր. ինչը ՌԴ-ի համար առաջնային է, ԱՄՆ–ի համար լուսանցքից այն կողմ է
թեգերը:
հայեր, Իրանի Իսլամական Հանրապետություն, Դեսպան, Արմեն Գրիգորյան, Հայաստան

Գլխավոր թեմաներ