19:27 20 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Նիկոլ Փաշինյանն ընդունել է Նիկոլայ Պատրուշևին

ՀՀ վարչապետն ու ՌԴ ԱԽ քարտուղարը մտքեր են փոխանակել ԼՂ հակամարտության կարգավորման մասին

© Photo / official site of the Prime minister of RA
Քաղաքականություն
Ստանալ կարճ հղումը
Հայաստան-Ռուսաստան համագործակցություն (129)
67 0 0

Նիկոլ Փաշինյանի ու Պատրուշևի հանդիպմանը հայտարարվել է, որ Հայաստանը մասնակցելու է նոյեմբերին նախատեսվող ԱՊՀ անդամ պետությունների ԱԽ քարտուղարների հավաքին։

ԵՐԵՎԱՆ, 13 օգոստոսի — Sputnik. Վարչապետ Նիկոլ Փաշինյանի հետ հանդիպմանն այսօր Ռուսաստանի Դաշնության Անվտանգության խորհրդի քարտուղար Նիկոլայ Պատրուշևը տեղեկացրել է, որ այս տարվա նոյեմբերին նախատեսվում է ԱՊՀ անդամ պետությունների ԱԽ քարտուղարների հավաք։ Ինչպես հայտնում են ՀՀ կառավարության լրատվական ծառայությունից, Հայաստանն, ինչպես միշտ, հաստատել է իր մասնակցությունն այդ հավաքին:

ՀՀ վարչապետն ու ՌԴ Անվտանգության խորհրդի քարտուղարը մտքեր են փոխանակել նաև Լեռնային Ղարաբաղի հակամարտության կարգավորման գործընթացի, տարածաշրջանում ռազմական հավասարակշռության պահպանման և կայունության ապահովման հարցի, ինչպես նաև տարածաշրջանային և միջազգային անվտանգության զարգացումների ու մարտահրավերների շուրջ:

ՀՀ վարչապետն ընդգծել է, որ Հայաստանում տեղի ունեցած քաղաքական փոփոխություններից հետո սա ՌԴ Անվտանգության խորհրդի քարտուղարի առաջին այցն է մեր երկիր, և այն լավ առիթ է՝ հայ-ռուսական դաշնակցային հարաբերությունների օրակարգային հարցերին նաև այս ձևաչափով անդրադառնալու համար:

Նիկոլ Փաշինյանի խոսքով՝ Հայաստանի և Ռուսաստանի միջև ռազմավարական համագործակցությունը դինամիկ զարգանում է, և առկա է կառուցողական աշխատանքային մթնոլորտ, ինչի մասին են վկայում ՌԴ նախագահի, վարչապետի հետ հաճախակի հանդիպումները և բարձրաստիճան մյուս մակարդակներում շփումները:

ՌԴ Անվտանգության խորհրդի քարտուղարը Նիկոլ Փաշինյանին է փոխանցել ՌԴ նախագահի և վարչապետի ողջույնները և նշել, որ ուրախ է այցելել Հայաստան, հանդիպումներ ունենալ ՀՀ վարչապետի, ինչպես նաև Անվտանգության խորհրդի քարտուղարի հետ: Նա արդյունավետ է համարել ՀՀ ԱԽ քարտուղարի հետ քննարկումները, որոնց ընթացքում քննարկվել են անվտանգության ոլորտում տարբեր ուղղություններով համագործակցության հարցեր, անդրադարձ է եղել ինչպես երկկողմ, այնպես էլ բազմակողմ ձևաչափերով՝ միջազգային կազմակերպությունների շրջանակում ՀՀ-ՌԴ փոխգործակցությանը։

թեմա:
Հայաստան-Ռուսաստան համագործակցություն (129)

Ըստ թեմայի

Twitter–ը ջնջել է Սիրիայում Ռուսաստանի դեսպանատան էջը
Ռուսաստանի ու Թուրքիայի հարաբերությունը ոչ մի դեպքում ջերմ չես անվանի. Լուկյանով
Ռուսաստանի պաշտպանության փոխնախարարն այցելել է Գյումրու 102–րդ ռազմաբազա
թեգերը:
Ղարաբաղյան հակամարտություն, Ռուսաստան, Նիկոլայ Պատրուշև, «Թավշյա հեղափոխություն», Նիկոլ Փաշինյան

Գլխավոր թեմաներ