15:51 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Զոհրաբ Մնացականյան

Քաղաքականության փոփոխություն չի լինի. ԱԳ նախարարը` Փաշինյանի հայտարարության մասին

© Sputnik / Asatur Yesayants
Քաղաքականություն
Ստանալ կարճ հղումը
Ղարաբաղյան հակամարտություն (274)
97 0 0

Ղարաբաղյան հարցով բանակցությունների մասին Նիկոլ Փաշինյանը հստակ ձևակերպել է ՀՀ–ի դիրքորոշումը, որը վերահաստատել է նաև ԱԳՆ–ն։

ԵՐԵՎԱՆ, 14 օգոստոսի — Sputnik. ՀՀ վարչապետ Նիկոլ Փաշինյանի` Ստեփանակերտում արված հայտարարությունը չի ենթադրում Ղարաբաղյան բանակցային գործընթացում փոփոխությունների գնալ։ Այս մասին այսօր Ուրուգվայի արտգործնախարար Ռոդոլֆո Նին Նովոայի հետ ասուլիսի ժամանակ ասաց ՀՀ արտգործնախարար Զոհրաբ Մնացականյանը` պատասխանելով Sputnik Արմենիայի հարցին։

Ինչպես արդեն հայտնել էինք, օգոստոսի 5–ին Արցախի մայրաքաղաք Ստեփանակերտում կազմակերպված հանրահավաքի ժամանակ Նիկոլ Փաշինյանը հայտարարել էր` Արցախը Հայաստանն է և վերջ։

«Փաշինյանը Ստեփանակերտում Ղարաբաղյան հարցի լուծման մասին հստակ ձևակերպեց Հայաստանի դիրքորոշումը, ինչին հավելելու որևէ բան չկա։ Վարչապետի ներկայացրած դիրքորոշումը վերահաստատեց նաև ԱԳՆ–ն։ Մեր կողմից մտադրություն չկա որևէ կերպ շեղվել այն դիրքորոշումներից, որոնք վերաբերվում են Ղարաբաղյան խնդրի խաղաղ կարգավորմանը և բացառապես խաղաղ ճանապարհով խնդրի լուծմանը հասնելու մեր հավատարմությանը»,–ասաց նախարարը։

Հիշեցնենք, որ Փաշինյանի հայտարարությանը հաջորդեց Ադրբեջանի ԱԳՆ–ի հայտարարությունը` թե ՀՀ վարչապետի հայտարարությունը հակասում է հակամարտության կարգավորման շուրջ տարվող երկարամյա բանակցությունների էությանը։

Հայաստանն Արցախի զինթոշակառուներին բնակարանի գումար կտա

Սրան ի պատասխան ՀՀ ԱԳՆ–ն էլ հայտարարություն էր տարածել` ասելով, որ Ադրբեջանի արտաքին գործերի նախարարության` 2019թ․ օգոստոսի 6-ի հայտարարության մեջ առկա անձնական բնույթի հարձակումները վկայում են Ադրբեջանում հայ ժողովրդի նկատմամբ անհանդուրժողականության և ատելության մշակույթի մասին, որն ուղղորդում ու խրախուսում է Ադրբեջանի իշխանությունը։ ՀՀ ԱԳՆ–ն հայտնել էր, որ խաղաղ կարգավորման վերաբերյալ Հայաստանի դիրքորոշումը մնում է անփոփոխ, ինչը հստակորեն արտացոլված է ՀՀ վարչապետի վերոնշյալ ելույթում:

թեմա:
Ղարաբաղյան հակամարտություն (274)

Ըստ թեմայի

Իրանում իրավիճակի սրացումը կարող է անդրադառնալ Արցախի վրա. Լուկյանովը սցենարներ է թվարկել
«Անգնահատելի են Ձեր ջանքերը Արցախի հարցում». Փաշինյանը շնորհավորել է Կազիմիրովի 90-ամյակը
Արցախի իշխանությունները ջանքեր են գործադրում սահմանն անցած զինվորին հայրենիք վերադարձնելու
թեգերը:
Ստեփանակերտ, Զոհրաբ Մնացականյան, Ղարաբաղյան հակամարտություն, Լեռնային Ղարաբաղ, Արցախ, Նիկոլ Փաշինյան, Հայաստան

Գլխավոր թեմաներ