00:07 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Նիկոլ Փաշինյան

«Դեղին քարտ» թիմին. Փաշինյանը նախազգուշացրել է «անհավատարիմ» կողմնակիցներին

© Sputnik / Asatur Yesayants.
Քաղաքականություն
Ստանալ կարճ հղումը
464 0 0

Վարչապետը դժգոհ է, որ քաղաքական թիմի անդամներն իրեն միաձայն չեն աջակցել Ամուլսարի և Ստամբուլյան կոնվենցիայի հարցում:

ԵՐԵՎԱՆ, 13 սեպտեմբերի - Sputnik. ՀՀ վարչապետ Նիկոլ Փաշինյանն իր թիմի անդամներին նախազգուշացրել է նրանց փոխարինելու հնարավորության մասին, Sputnik Արմենիայի հետ զրույցում նման կարծիք հայտնեց քաղաքական տեխնոլոգ Վիգեն Հակոբյանը՝ մեկնաբանելով վարչապետի «պահեստային ուժ» ստեղծելու հնարավորությունը:

Ավելի վաղ «Փաստ» թերթը գրել էր, որ վարչապետը սկսել է «պահեստային» ուժ ստեղծել, որը վարկանիշի անվերադարձ անկման ու հնարավոր կտրուկ զարգացումների ժամանակ իր համար վահան կհանդիսանա: Թերթի տեղեկություններով՝ այստեղ կհամախմբվեն ինչպես խորհրդարանում գտնվող, այնպես էլ արտախորհրդարանական ուժերի այն ներկայացուցիչները, որոնք դեմ են իշխանությունների վարած «մեղմ մեթոդներին և «թավշյա» քաղաքականությանը»։

Հակոբյանի կարծիքով՝ նման հետևությունների համար հիմք կարող է լինել ոչ միայն վերջին օրերի քաղաքական իրավիճակի զարգացումը (նրա դաշինքի անդամների ոչ միանշանակ աջակցությունը Ամուլսարի հարցում), այլ նաև «Սասնա ծռեր» կուսակցության առաջնորդների հետ վերջին հանդիպումը:

«Իշխանությունն այդ հանդիպումը նպատակուղղված վերածեց քաղաքական կարևոր իրադարձության: Դրանով է պայմանավորված, որ այս հանդիպման վերաբերյալ բազմաթիվ վերլուծություններ ի հայտ եկան», - ասաց Հակոբյանը:

Նրա կարծիքով՝ Փաշինյանը գիտակցում է, որ երեք հիմնական դաշինքներից կազմված իր քաղաքական թիմը («Քաղաքացիական պայմանագիր» կուսակցությունը, քաղաքացիական հասարակության թևը, առաջին նախագահ Լևոն Տեր-Պետրոսյանի թիմի անդամները) այդքան համախմբված չէ, որքան ինքը կուզեր:

Ամռան իրադարձությունները (մասնավորապես, Ստամբուլյան կոնվենցիայի և Ամուլսարի շուրջ իրավիճակը) ցույց տվեցին, որ Փաշինյանի թիմը ոչ միշտ է պատրաստ աջակցել վարչապետին: Ընդ որում` դժգոհությունն ու անհամաձայնությունն արտահայտեցին հրապարակավ։

«Փաշինյանը հասկանում է, որ այդ թիմը ոչ միշտ նեցուկ կլինի: Չեմ բացառում, որ նա որոշել էլ «պրոֆիլակտիկա» անցկացնել և պահեստային տարբերակներ նախապատրաստել, այդ թվում՝ մտածել ներկա թիմին այլընտրանք ստեղծելու մասին», - նշեց Հակոբյանը:

Քաղտեխնոլոգի կարծիքով՝ խոսքն ավելի շատ գաղափարի, այլընտրանքային ուժի հայեցակարգի մասին է, քան այդ ուժի ստեղծման իրական քայլերի:

«Փաշինյանն ուզում է զսպել կամ նախազգուշացնել իր թիմին: Բացի դրանից, վարչապետը պետք է լրացուցիչ աջակցության վստահություն ունենա», - ասաց Հակոբյանը:

Եթե Ժիրայր Սեֆիլյանը Փաշինյանի հետ հանդիպումից հետո հայտարարում է, որ մեկ տարուց կարող են խորհրդարանական ընտրություններ կայանալ, ապա կարելի է ենթադրել, որ ասվածը համաձայնեցված է եղել վարչապետի հետ:

Դա առնվազն պետք է անհանգստացնի «Իմ քայլը» դաշինքին և գործադիր իշխանությանը։ Այդպիսի հայտարարությունը նախազգուշացում է նրանց համար:

Գործող թիմի փոխարեն այլընտրանքային թիմ հայտնվելու հնարավորությունը կախված է տարբեր ուժերի հետ Փաշինյանի նոր, կոնկրետ պայմանավորվածություններից: «Պահեստային» ուժը կարող է ձևավորվել ինչպես արտախորհրդարանական, այնպես էլ խորհրդարանական ուժերի հաշվին:

Քաղտեխնոլոգի խոսքով՝ տարբերակները շատ են: Բոլորի հետ պետք է առնվազն ժամանակավոր պայմանավորվածությունների հասնել։

Ըստ թեմայի

«Այս պահի դրությամբ Ամուլսարի հանքի շահագործումն արգելող որևէ պատճառ չկա». Փաշինյան
Փաշինյանը հայտարարեց Ամուլսարի շահագործման մեկնարկի հնարավոր ժամկետները
Ամուլսարի գործը պետք է դիտարկել միայն իրավական տեսանկյունից. Փաշինյան
Կնոջը` պայուսակ, դուստրերին` կոսմետիկա. Փաշինյանը նվերներ ստացավ ցուցահանդեսում
թեգերը:
«Իմ քայլը» դաշինք, քաղաքականություն, Նիկոլ Փաշինյան, Հայաստան

Գլխավոր թեմաներ