11:18 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Սերժ Սարգսյան, Միքայել Մինասյան

Ինչո՞ւ չի ձերբակալվում Սերժ Սարգսյանը, և ի՞նչ է սպասվում նրա փեսային

© Photo / official site of the President of RA
Քաղաքականություն
Ստանալ կարճ հղումը
ՀՀ նախագահ Սերժ Սարգսյան (165)
164 0 0

Միքայել Մինասյանը կներգրավվի քրեական գործում։ Նիկոլ Փաշինյանը նրան խորհուրդ է տալիս վերադառնալ Հայաստան ու պատասխանել ՀՔԾ հարցերին։

ԵՐԵՎԱՆ, 16 սեպտեմբերի — Sputnik. ՀՀ երրորդ նախագահ Սերժ Սարգսյանի փեսան` Վատիկանում ՀՀ նախկին դեսպան Միքայել Մինասյանն առաջիկայում կներգրավվի քրեական գործում։ Այս մասին այսօր Վանաձորում լրագրողների հետ հանդիպմանը հայտարարեց ՀՀ վարչապետ Նիկոլ Փաշինյանը` մեկնաբանելով Միքայել Մինասյանի վերջին հայտարարությունները։

«Միքայել Մինասյանը ստացել է ինֆորմացիա, որ որոշ քրեական գործերով քննությունն արդեն հասել է իրեն։ Շատ մեծ հավանականություն կա, որ ինքը որպես մեղադրյալ կանցնի, մասնավորապես, ՀՀ ստրատեգիական օբյեկտներից մեկի մասնավորեցման գործով։ Ենթադրում եմ, որ ինքը մտածել է, որ ցուցմունք կտա Սերժ Սարգսյանի դեմ, որի հետևանքով Սերժ Սարգսյանը կձերբակալվի։ Դրա համար շտապել է հայտարարել, որ ինքը քաղաքական հալածյալ է»,– ասաց Փաշինյանը։

Իր կողմից վարչապետը Մինասյանին խորհուրդ տվեց վերադառնալ Հայաստան ու պատասխանել ՀՔԾ–ի հարցերին։

Վարչապետը չցանկացավ բացել փակագծերը, բայց և հայտնեց, որ տվյալ օբյեկտը գտնվում է Լոռու մարզում։ Փաշինյանը նաև հայտարարեց, որ Միքայել Մինասյանը Հայաստանի ոչ թե մեկ, այլ մի քանի ստրատեգիական օբյեկտների սեփականատեր է, թեև դրանք գրանցված են եղել այլ անձի` ինչ-որ կնոջ անունով, ում, ի դեպ, Փաշինյանի խոսքով, փախցրել են Հայաստանից։

«Հանքարդյունաբերությունից սկսած, էներգետիկայով, լրատվական և գովազդային դաշտերով վերջացրած։ Որևէ մեկը կասկածո՞ւմ է, որ Միքայել Մինասյանը միլիոնատեր է այսօր։ Եվ միլիոնատեր է պետական լծակներն օգտագործելու հաշվին»,– ասաց վարչապետը։ Բայց նաև հավելեց, որ ՀՀ–ում քաղաքական որոշմամբ որևէ մեկը չպիտի ձերբակալվի։

Հարցին, թե ինչու չի ձերբակալվում Սերժ Սարգսյանը, Նիկոլ Փաշինյանը պատասխանեց, որ ՀՀ–ում բոլորը հավասար են օրենքի առաջ, և չկա մարդ, որը չի կարող չձերբակալվել։

«Սաշիկն այդ ընտանիքի ամենաանմեղ դեմքն է». Փաշինյան

Իսկ ինչ վերաբերվում է Սարգսյանների ընտանիքին, Փաշինյանը հիշեցրեց. «Սերժ Սարգսյանի երկու եղբայրներն անցնում են քրեական գործով։ Եղբոր երկու որդիներն անցնում են քրեական գործով։ Մյուս եղբոր երկու որդիներն անցնում են քրեական գործով։ Նրանց մի մասը հետախուզման մեջ են»։

Նիկոլ Փաշինյանը շեշտեց, որ այս ընտանիքի անդամները թալանել են Հայաստանի Հանրապետությունը։

թեմա:
ՀՀ նախագահ Սերժ Սարգսյան (165)

Ըստ թեմայի

Միքայել Մինասյանը հրաժեշտ է տվել Հռոմի պապին. լուսանկարներ
Հայ–ռուսական դաշնակցությանը նոր ճարտարապետություն է պետք. Միքայել Մինասյան
Հեղափոխությունը Հայաստանում անխուսափելի է. Միքայել Մինասյան
թեգերը:
Ձերբակալում, Միքայել Մինասյան, Սերժ Սարգսյան, Հայաստան, Նիկոլ Փաշինյան

Գլխավոր թեմաներ