ԵՐԵՎԱՆ, 18 սեպտեմբերի – Sputnik. «Իմ քայլը» սեպտեմբերի 19-ին Ազգային ժողովի նախագահին կներկայացնի Սահմանադրական դատարանի նախագահ Հրայր Թովմասյանի հրաժարականի մասին փաթեթը։ Այս մասին լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը։
Նշենք, որ «Քաղաքացիական պայմանագիրն» այսօր վարչության նիստ է հրավիրել, որը դեռ շարունակվում է։
«Ընթացակարգ կա, համաձայն որի` «Իմ քայլը» պետք է նախագիծ ներկայացնի Ազգային ժողովին, որից հետո ԱԺ–ն այն պետք է շրջանառության մեջ դնի։ Այդ գործընթացը տեղի է ունենում, և նախագիծը վաղը ԱԺ նախագահի մոտ կլինի»,–ասաց Մակունցը։
Նշենք, որ դրանից հետո ԱԺ–ն գաղտնի քվեարկությամբ որոշելու է դիմել ՍԴ–ին, թե ոչ։ Իսկ վերջնական որոշումը կայացնելու է Սահմանադրական դատարանը։
Ինչպես Ռոբերտ Քոչարյանի աջակիցներն ընդունեցին ՍԴ–ի որոշումը. տեսանյութ
Հիշեցնենք, որ օգոստոսի 16–ին «Իմ քայլի» խմբակցության նիստից հետո հայտնի դարձավ, որ խմբակցությունը որոշել է Հրայր Թովմասյանի լիազորությունները դադարեցնելու գործընթաց սկսել։
ՍԴ–ի շուրջ ստեղծված խնդիրը լուծելու կառուցակարգը ՀՀ նախագահի ձեռքում է. Այվազյան
