18:27 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Քաղաքականություն
Ստանալ կարճ հղումը
218 0 0

Աղաջանյանը վստահեցրեց, որ պաշտոնանկությունները եղել են վարչապետի որոշմամբ, բայց նա սեփական ցանկությամբ ազատվելու դիմում ներկայացնելու հնարավորություն է տվել։

ԵՐԵՎԱՆ, 18 սեպտեմբերի — Sputnik. ԱԱԾ տնօրեն Արթուր Վանեցյանը և ոստիկանապետ Վալերի Օսիպյանն ազատվել են պաշտոններից, որովհետև նրանց գործունեությունը չի գոհացրել Հայաստանի վարչապետ Նիկոլ Փաշինյանին։ Այդ մասին լրագրողների հետ զրույցում ասաց կառավարության աշխատակազմի ղեկավար Էդուարդ Աղաջանյանը։

Հիշեցնենք, որ օգոստոսի 16–ին ՀՀ վարչապետ Նիկոլ Փաշինյանը հայտնեց, որ ստորագրել է Վանեցյանի հրաժարականի միջնորդությունը։ Դրան հաջորդեց Վանեցյանի հայտարարությունը, իսկ ավելի ուշ ՀՀ նախագահ Արմեն Սարգսյանը ստորագրեց հրամանագիրը։ ՀՀ նախագահը սեպտեմբերի 18–ին հրամանագիր ստորագրեց Վալերիյ Օսիպյանին ոստիկանության պետի պաշտոնից ազատելու մասին։ ՀՀ ոստիկանապետի պարտականությունները կատարելու է Ոստիկանության պետի առաջին տեղակալ Արման Սարգսյանը։ Օսիպյանը հայտարարություն տարածեց՝ նշելով, որ իր հեռանալու պատճառների մասին կխոսի ավելի ուշ։ Օսիպյանն արդեն նշանակվել է ՀՀ վարչապետի գլխավոր խորհրդական։

«Այդ բարձրաստիճան պաշտոնյաների գործունությունը չի գոհացրել վարչապետին, և նրանք ազատվել են Փաշինյանի որոշմամբ», – նշեց Աղաջանյանը։

Նա հավելեց, որ վարչապետը, հարգանք դրսևորելով իր գեներալների նկատմամբ, հնարավորություն է տվել նրանց սեփական ցանկությամբ աշխատանքից ազատվելու դիմում ներկայացնել։

Աղաջանյանը նաև մեկնաբանեց ԱԱԾ կայքից Վանեցյանի ոչ միանշանակ հայտարարության տեքստը հեռացնելը։ Նրա խոսքով` հավանաբար ԱԱԾ աշխատակիցները համարել են, որ դա է ճիշտ։

Արթուր Վանեցյանը հայտարարություն էր տարածել իր հրաժարականի պատճառների մասին, որտեղ մասնավորապես հայտնում էր, որ պետականաշինության տրամաբանության շրջանակներում որոշումների տարերայնությունը, գործողությունների հախուռնությունը, առաջնայինը երկրորդականից, իսկ անցողիկը մնայունից չտարբերելու գործելաոճն այն ճանապարհը չէ, որը տանում է դեպի նպատակների իրականացում։ Վարչապետի մամուլի քարտուղար Վլադիմիր Կարապետյանը հայտարարել էր. «Հույս ունենք՝ դրա հեղինակը քրեական պատասխանատվությունից «թյուրիմացաբար» խուսափած կոռուպցիոներների PR գրասենյակները չեն»։ Սեպտեմբերի 17–ի առավոտյան տեղեկություն է տարածվել, որ տեքստը հեռացվել է ԱԱԾ կայքից։

Փաշինյանն ամենայն հավանականությամբ պաշտոնանկությունների մասին հայտարարություն կանի

Ըստ թեմայի

Վանեցյանն ընտանիքի հետ ազատել է կառավարական ամառանոցը
Էմոցիոնալ ազգ, կամ Վանեցյանի երկրպագու դարձածները երեկ նրա մեջ հակառակորդ էին տեսնում
Աշխատանքից ազատվել է Արթուր Վանեցյանի մամուլի խոսնակը
Քոչարյանի որդին չի բացառում Վանեցյանի պաշտոնանկության ու Մարտի 1-ի գործի հնարավոր կապը
թեգերը:
Արթուր Վանեցյան, Վալերի Օսիպյան, Նիկոլ Փաշինյան, Հայաստան

Գլխավոր թեմաներ