05:32 09 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Քաղաքականություն
Ստանալ կարճ հղումը
11401

Արմեն Բադալյանը կարծում է, որ քաղաքական ուժը, որը ԱԱԾ նախկին ղեկավար Արթուր Վանեցյանը ենթադրաբար կարող է ստեղծել՝ նոր, թարմ արյուն կդառնա հայկական քաղաքականությունում։

ԵՐԵՎԱՆ, 19 սեպտեմբերի - Sputnik. Ազգային անվտանգության ծառայության նախկին տնօրեն Արթուր Վանեցյանը կարող է լավ այլընտրանք դառնալ Հայաստանի գործող իշխանություններին, եթե որոշի զբաղվել քաղաքականությամբ։ Այսօր՝ սեպտեմբերի 19-ին, մամուլի ասուլիսում նման կարծիք հայտնեց քաղտեխնոլոգ Արմեն Բադալյանը։

Հիշեցնենք` սեպտեմբերի 16-ին ՀՀ վարչապետ Նիկոլ Փաշինյանը հայտնեց, որ ստորագրել է ԱԱԾ տնօրեն Արթուր Վանեցյանի հրաժարականի միջնորդությունը։ Դրան հաջորդեց Վանեցյանի հայտարարությունը։ Ոստիկանապետ Վալերիյ Օսիպյանը պաշտոնից ազատվեց սեպտեմբերի 18-ին և նշանակվեց ՀՀ վարչապետի գլխավոր խորհրդական։

Ինչպես նշեց Բադալյանը, քաղաքական ուժը, որը ԱԱԾ նախկին ղեկավարը տեսականորեն կարող է ստեղծել, նոր, թարմ «արյուն» կդառնա քաղաքականությունում։

Փորձագետը կարծում է, որ մնացած հայտնի կերպարները, որոնք ցանկանում են ներկայացնել իրենց որպես առանձին քաղաքական գոտի` նախկին նախագահներ Սերժ Սարգսյանը և Ռոբերտ Քոչարյանը, ՀՀԿ ներկայացուցիչները, քիչ շանսեր ունեն, և դրանք ապագայում հազիվ թե ավելանան։ Այդ առումով, Վանեցյանը դժվար թե լուրջ մրցակիցներ ունենա։

«Իհարկե, նախկին տնօրենը պաշտոնապես չի ասել, որ զբաղվելու է քաղաքականությամբ։ Բայց հրաժարականի մասին հայտարարությունը նման է քաղաքականություն մտնելու հայտի։ Վանեցյանը լավ վարկանիշ ունի հասարակությունում, որը շատ առումներով չի զիջում վարչապետի վարկանիշին, նա բավական մեծ ռեսուրսներ ունի` կապերի, տեղեկատվության և արտաքին աջակցության տեսքով»,-ասաց Բադալյանը։

Էմոցիոնալ ազգ, կամ Վանեցյանի երկրպագու դարձածները երեկ նրա մեջ հակառակորդ էին տեսնում

Նա կարծում է, որ ԱԱԾ նախկին ղեկավարն ունի անտեսանելի, բայց իրական աջակցություն Ռուսաստանի կողմից։

Ըստ թեմայի

«Հրաժարականի տեքստն ինքս եմ գրել». Վանեցյանը պատասխանում է Փաշինյանի խոսնակին
Պաշտպանության նախարարը մեկնաբանել է իր հնարավոր հրաժարականի մասին լուրերը
Վերջին ամիսներին Հայաստանում գրանցված ամենաաղմկահարույց պաշտոնանկությունները
Նոր բոլոլա Հայաստանում. ինչ տեղի կունենա Վանեցյանի ու Օսիպյանի պաշտոնանկություններից հետո
Ղևոնդյան. «Ուժայինների պաշտոնանկությունը իշխանության համար մտածելու օրակարգ է սահմանում»
Էլ ովքեր են պաշտոնանկ լինելու ու հրաժարական տալու կառավարությունից ու ԱԺ-ից. «Ժողովուրդ»
թեգերը:
ՀՀ կառավարություն, ՀՀ ազգային անվտանգության ծառայություն. ԱԱԾ, Արմեն Բադալյան, Իշխանություն, Արթուր Վանեցյան, Նիկոլ Փաշինյան

Գլխավոր թեմաներ