11:46 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
ՀՀ վարչապետ Նիկոլ Փաշինյանն իր խոսնակի՝ Վլադիմիր Կարապետյանի հետ. արխիվային լուսանկար

Առաջիկա բացահայտումների մեջ կարող են լինել իշխանության վստահությունը վայելող անուններ

© Sputnik / Asatur Yesayants.
Քաղաքականություն
Ստանալ կարճ հղումը
302 0 0

Տասնամյակներով մշակված կոռուպցիոն սխեմաները քանդելը հեշտ չի լինելու։ Տնտեսագետ Թաթուլ Մանասերյանը գոհ չէ ներկա իշխանությունների գործելաոճից։

ԵՐԵՎԱՆ, 23 Սեպտեմբեր - Sputnik. Հայաստանի իշխանությունների պայքարի ներկա մակարդակը տնտեսագետ Թաթուլ Մանասերյանին չի գոհացնում։ Այսօր լրագրողների հետ հանդիպմանն այս մասին ասաց տնտեսագետը` հավելելով, որ կոռուպցիոն տարբեր դրսևորումներ նկատում է հենց իշխանական ներկա համակարգի աշխատանքում։

«Ոչ պակաս վտանգավոր երևույթ է փորձ չունեցող, կասկածելի անցյալ ունեցող մարդկանց պատասխանատու պաշտոնների նշանակելը։ Դա ես համարում եմ կոռուպցիայի զարհուրելի դրսևորում։ Մենք միայն վարչապետի անձով չպիտի վստահենք 50-րդական նշանակության մարդու, որը հետո պիտի ձախողի և ձախողում է այս կամ այն ոլորտը»,– ասաց Մանասերյանը` կարծիք հայտնելով, որ կառավարման համակարգի տարբեր օղակներում սկսված պաշտոնանկությունները պայմանավորված են նաև այս հանգամանքով։

Կոռուպցիայի բացահայտմանը, Թաթուլ Մանասերյանի համոզմամբ, խոչընդոտում են նաև նոր իշխանությունների որոշ ներկայացուցիչների ու հանրության միջև բարձրացված «բետոնե պատնեշները»։

«Նոր իշխանության շատ անդամներ մոռանում են մի շատ կարևոր հանգամանք, որ մենք` ձեզ հետ միասին, վարձել ենք իրենց` և՛ նախագահին, և՛ վարչապետին, և՛ մնացած բոլոր ուժային ու ոչ ուժայիններին, որ իրենք ծառայեն մեզ և մեր պետությանը»,-ասաց տնտեսագետը` նշելով, որ բազմաթիվ պետական ու համայնքային պաշտոնյաների մոտ ՀՀ քաղաքացին այսօր որևէ ճանապարհով մուտք գործել կամ ընդունելության արժանանալ չի կարող։

Ստեղծված փակ համակարգում, Մանասերյանի բնորոշմամբ, այսօր ձևավորվում է նորօրյա նեոֆեոդալիզմ։ 

«Կոռուպցիայի դեմ պայքարը հեշտ գործ չէ, և միամտություն է կարծել, թե այսօր այդ գործընթացը կանգ է առել»,– ասաց Մանասերյանը:

Ավելին` Մանասերյանը չի բացառում, որ բացահայտվող կոռուպցիոներների շարքում առաջիկայում կլինեն նոր իշխանության վստահությունը վայելող անձինք։ 

«Դա շատ գայթակղիչ երևույթ է, ու այդ սխեմաներից օգտվելու գայթակղությունից կարող են զերծ մնալ միայն ոգով իսկապես ուժեղ մարդիկ»,– ասաց նա։

Որպես տասնամյակներով մշակված կոռուպցիոն սխեմաների դեմ պայքարելու այլընտրանք՝ Թաթուլ Մանասերյանը դիտարկում է բանկային գաղտնիքի բացահայտման մասին՝ օրենսդրական փոփոխությունները։

«Այլընտրանք, ցավոք սրտի, այսօր չունենք պայքարելու այն սխեմաների դեմ, որոնք տասնամյակներով են մշակվել: Ցանկացած տնտեսագետից, ցանկացած իրավաբանից շատ ավելի ճկուն, շատ ավելի հնարամիտ են դա արել՝ գրեթե անհնարինության հասցնելով բացահայտումը»,–ասաց Մանասերյանը։

Հիշեցնենք, երեկ Լոս Անջելեսում լրագրողների հետ հանդիպման ժամանակ ՀՀ վարչապետ Նիկոլ Փաշինյանն անդրադարձել էր կոռուպցիայի դեմ պայքարին` հույս հայտնելով, որ նախկին իշխանությունների թալանած պետական միջոցները մինչև վերջին կոպեկը պետք է հետ վերադարձնեն պետությանը։

Ըստ թեմայի

Կոռուպցիա չպետք է լինի. Օսիպյանը վճռական է տրամադրված. տեսանյութ
Ցտեսությո՞ւն կոռուպցիա. ինչպես Հայաստանի իշխանություններին նոկաուտ արեցին 1–ին ռաունդում
Կոռուպցիա և անօրինություն. հնարավո՞ր է արդյոք այս հիվանդությունների ամբողջական բուժումը
4 անգամ ավել կոռուպցիա`հեղափոխությունից հետո. «Ժողովուրդ»
Չարաշահում կա, կոռուպցիա` դեռ պարզ չէ. ՊԵԿ–ը` ՀԴՄ–ների ձեռքբերման գործարքի մասին
թեգերը:
տնտեսագետ, կոռուպցիա, Թաթուլ Մանասերյան, Իշխանություն, Նիկոլ Փաշինյան

Գլխավոր թեմաներ