09:06 22 նոյեմբերի 2019
Ուղիղ եթեր
  • USD476.69
  • GBP617.03
  • EUR528.46
  • RUB7.47
Հասան Ռոհանի, ԻԻՀ նախագահ

«ԱՄՆ–ի քաղաքականությունը կհանգեցնի տնտեսական ահաբեկչության». Ռոհանի

© Sputnik / Asatur Yesayants.
Քաղաքականություն
Ստանալ կարճ հղումը
115 0 0

Իրանի նախագահի դիտարկմամբ` ԱՄՆ–ը վերջին տարիներին շատ երկրների է հետապնդում, այդ թվում` Ռուսաստանին ու նրա հետ համագործակցող մի շարք երկրների։

ԵՐԵՎԱՆ, 1 հոկտեմբերի — Sputnik. Իրանի նախագահ Հասան Ռոհանին իր մասնակցությունը Եվրասիական բարձրագույն խորհրդի ընդլայնված կազմով նիստին պատմական իրադարձություն է համարում։ Այս մասին նա հայտարարեց այսօր նիստի ընթացքում ունեցած ելույթի ժամանակ։

«Աշխարհի բոլոր երկրներն իրենց միջազգային պարտվորությունների ու լիազորությունների շրջանակում, պարտավոր են դեմ հանդես գալ միակողմանիության ու ի շահ խաղաղության, կայունության ու միջազգային կարգի պահպանման։ Որոշ երկրների, այդ թվում` ԻԻՀ–ի հակադրումը ԱՄՆ–ի թշնամական ու միակողմանի գործողություններին հանգեցրեց կոպիտ ու անմարդկային սանկցիաների կիրառմանը։ Վերջին տարիներին ԱՄՆ–ը շատ երկրների է հետապնդում, որոնց թվում են անգամ Ռուսաստանն ու մի շարք իր գործընկերները` ոտնհարելով միջազգային պարտավորություններն ու երկկողմ համաձայնությունները»,– ասաց Ռոհանին։

ԵԱՏՄ անդամ պետությունների ղեկավարները դիմավորեցին բարձրաստիճան հյուրերին. տեսանյութ

ԻԻՀ նախագահի համոզմամբ` ԱՄՆ–ի ստիպողական քաղաքականությունն ու դոլարի` որպես զենքի կիրառումն աշխարհում կհանգեցնեն տնտեսական ահաբեկչության, որն հիմնականում ուղղված է շարքային քաղաքացիների կյանքի դեմ։

«Վախի ու լարումի նման միջավայրում մեզ անհրաժեշտ է ունենալ բազմակողմանի  տարածաշրջանային տնտեսական, քաղաքական համագործակցություն` միջազգային բազմակողմ համակարգին զուգահեռ։ Այս կերպ տնտեսական , կոմերցիոն ու քաղաքական համագործակցությունը, այնպիսի միությունների ձևով, ինչպիսին է ԵԱՏՄ–ն, հանդիսանում են տարածաշրջանային տնտեսական, քաղաքական փոխգործակցության ու  կայունության, կարևոր գործիքներ»,– ասաց Ռոհանին։

ԻԻՀ նախագահը շեշտեց, որ իրենց երկրի քաղաքականության կարևոր ուղղությունը Պարսից ծոցում անվտանգ նավագնացության ու  ազատ տեղաշարժի իրավունքի ապահովումն է։ Իսկ Իրանի աշխարհագրական դիրքն ու բազմաթիվ նավահանգիստները, ԻԻՀ նախագահի խոսքով, թույլ են տալիս տարանցում ապահովել Եվրոպայի ու Ասիայի, ինչպես նաև աշխարհի 4 կողմերում գտնվող միավորների միջև։

Ռուսաստանի և Իրանի նախագահները Երևանում կքննարկեն «միջուկային գործարքը»

ԵԱՏՄ անդամ գործընկերներին Ռոհանին խոստացավ Իրանի տարածքով տարանցումներ իրականացնելիս լայն արտոնություններ ու հնարավորություններ տրամադրել։

Ըստ թեմայի

Հայտնի է ԵԱՏՄ բարձրագույն տնտեսական խորհրդի նիստի օրակարգը
Մեկնարկեց ԵԱՏՄ բարձրագույն խորհրդի նիստը. այն կանցկացվի փակ դռների հետևում
Խոչընդոտները պետք է վերացնել. Լուկաշենկոն նշեց ԵԱՏՄ-ն ուժեղացնելու բաղադրատոմսը
Սերբիա, Եգիպտոս, Իսրայել, Հնդկաստան. Փաշինյանը խոսել է ԵԱՏՄ ապագա ծրագրերից
թեգերը:
Ռուսաստան, Հասան Ռոհանի, Իրանի Իսլամական Հանրապետություն, ԱՄՆ, Հայաստան

Գլխավոր թեմաներ