14:38 22 հոկտեմբերի 2019
Ուղիղ եթեր
  • USD476.32
  • GBP618.26
  • EUR531.95
  • RUB7.48
ԱԺ նախագահ Արարատ Միրզոյան. արխիվային լուսանկար

Միրզոյանն իրավապահներին հորդորում է ուսումնասիրել ԱԺ լսումների ձայնագրությունը

© Sputnik / Aram Nersesyan ,
Քաղաքականություն
Ստանալ կարճ հղումը
104 0 0

Հյուսիսային պողոտայի տարածքում հանրային գերակա շահ հայտարարված մասնավոր սեփականության իրավունքի խախտման դեպքերը պետք է արժանանան իրավական գնահատականի։ Արարատ Միրզոյանը վստահեցնում է` իշխանությունն այդ հարցում կաշկանդվածություն չունի։

ԵՐԵՎԱՆ, 7 հոկտեմբերի – Sputnik. Հյուսիսային պողոտայի տարածքում հանրային գերակա շահի հռչակման ու դրան հաջորդած գործընթացները պետք է քննության առարկա դառնան անցումային արդարադատության շրջանակներում։ Այսօր ԱԺ–ում «Պետության կողմից «Հյուսիսային պողոտա-Կասկադ» ծրագրով բացառիկ գերակա հանրային շահ ճանաչելու հետևանքով սեփականության իրավունքի ոտնահարման խնդիրները» թեմայով խորհրդարանական լսումների  ընթացքում իր ելույթում այս մասին ասաց ՀՀ ԱԺ նախագահ Արարատ Միրզոյանը։

«Այսօր բազմաթիվ ելույթներում նշվեցին հանգամանքներ, որոնք իրավապահ մարմինների ուշադրությանն են արժանի։  Եվ ես այս ձայնագրությունը լսումներից հետո ուղարկելու եմ իրավապահ մարմիններին»,– խոստացավ Միրզոյանը։

ԱԺ նախագահը հայտարարեց, որ ՀՀ նոր իշխանությունը որևէ կաշկանդվածություն չունի այդ գործերի քննությունն իրականացնելու։

«Այդ գործընթացում դրսևորվել են գործադիր իշխանության բարձրադիր օղակների, շատ բարձրաստիճան պաշտոնյաների ինքնիրավչությունը, կամայականությունը, իսկ գուցե նաև սեփական բիզնես և ֆինանսական շահերը։ Այսինքն` մենք խոսում ենք անցումային արդարադատության մասին»,– ասաց Միրզոյանը` հավելելով, որ փաստերի հաստատման դեպքում մեղավորները պետք է բացահայտվեն ու պատժվեն։

ՄԻԵԴ վճռով Հայաստանը պետք է 1 միլիոն 608 հազար եվրո վճարի ՀՀ քաղաքացի Յուրի Վարդանյանին

Արարատ Միրզոյանը շեշտեց, որ 2000-ականների սկզբում տեղի ունեցած գործընթացներում դրսևորվել է ոչ միայն գործադիր իշխանության շահագրգիռ վերաբերմունքը, այլև դատական իշխանության կախումը գործադիր իշխանությունից։

«Եվ սրա վկայությունն այն է, որ բազմաթիվ վճիռներ այսօր հակառակ ավարտ են ունենում ՄԻԵԴ–ում։ Եվ այն պայմաններում, երբ մի քանի տասնյակ մարդիկ դոլարային միլիոնատերեր են դարձել այս գործընթացի արդյունքում, այսօր ՀՀ–ը ՄԻԵԴ վճիռների արդյունքում պարտավորվում է, կարծեմ, արդեն շուրջ 2 մլն եվրոյի չափով փոխհատուցում տրամադրել տուժողներին»,– ասաց Միրզոյանը։

«Գուցե հարցը կացնով լուծելու պահանջարկ կա, բայց մենք այդպես չենք կարող». Արարատ Միրզոյան

ԱԺ–ը նախագահը կարևորեց մեկնարկող վերաքննության արդյունքում տուժողների իրավունքները վերականգնելու անհրաժեշտությունը։

Ըստ թեմայի

Հայաստանում կանայք օրենքով կարգելեն ամուսիններին խաղադրույքներ կատարել
Անցումային արդարադատությունը անհրաժեշտ է հանրությանը հաշտեցնելու համար. դրա կարիքը չկա
Ի՞նչ կտա հայկական կինոարտադրությանը «Կինոյի մասին» նոր օրենքը. 3 նախագիծ է ներկայացվել
թեգերը:
Հյուսիսային պողոտա, ՀՀ ՄԻՊ, Մարդու Իրավունքների Եվրոպական դատարան (ՄԻԵԴ), ՀՀ Ազգային ժողով, Արարատ Միրզոյան

Գլխավոր թեմաներ